Dokumentuaren akzioak
Erakusketa: Dantzaz Ele
Maritzuliren Dantzaz Ele jantzi erakusketa, San Telmo Museoa, Donostia, 2023-03-28. Argazkia: Gari Otamendi
Baionako katedraleko klaustroan milaka ikuslek ikusi zuten erakusketa Donostiako San Telmo museoan izango da martxoaren 28tik apirilaren 23ra. Lapurdi, Nafarroa Beherea eta Zuberoako dantza erritutako jantziak biltzen dituen Baiona-Miarritzeko Maritzuli konpainiak sortutako Dantzaz Ele erakusketak. 2021ean Baionako katedraleko klaustroan aurkeztu zen erakusketa hau, eta Baionan hartu zuen itxura bertsua hartuko du erakusketak Donostian ere, hemen ere erakusketaren zati handi bat klaustroan izango baita eta bestea elizan. Asteartean, martxoaren 28an, San Telmo Museoan, 11:30ean, aurkeztuko dute Maritzuliko kideek ikusgai ipini duten lana eta 12:30ean inauguratuko da erakusketa. Horrela, martxoaren 28tik apirilaren 23rako tartean, asteartetik igandera, 10:00-20:00 izango da irekita.
Dokumentuaren akzioak
