Dokumentuaren akzioak
Kultura Eskolaren katalogoan dauden dantza-proiektuak
Kultura Eskola
Gipuzkoako bigarren hezkuntzako ikastetxeetan dantza lantzeko proiektuen katalogoa ikusgai da. Kultura Eskola programaren barruan dantza Derrigorrezko Bigarren Hezkuntzako eta Oinarrizko Lanbide Heziketako eskoletara eramateko aukera ireki da. Izan ere, Gipuzkoako nerabeei kultura jarduerak helarazi, ikasi, praktikatu eta ezagutzeko martxan jarritako programa da.
Proiektuaren helburu nagusia da kultura eta arte jarduera 12 eta 16 urte bitarteko gazteek garatzen dituzten zaletasunen eta interesen parte izatea, sentsibilitatea eta irizpide artistikoa sortzea eta begirada kritikoa garatzen laguntzea. Horretarako ikastetxeetan dantza eta kultura jarduerak antolatuko dira, ikasturtean zehar eta eskola ordutegiaren barruan.
Dantza proiektuen katalogoa
Kultura eragileek eta sortzaileek eskoletan dantza lantzeko hainbat proiektu aurkeztu dituzte, jasotako proiektuen artean hautaketa egin da, eta, azkenik, onartutako proposamenekin katalogoa osatu da. Ikastetxeek beren zentroetara eraman nahiko lituzketen ekintzak hautatzeko aukera dute.
Hauexek dira eskoletan dantza lantzeko katalogoan jaso diren proiektuak:
- MeetingPoint-DantzarekinTopagunea Ertza
- Dantza eta kirola Mikel Arístegui Tello
- MeetingPoint-TopaguneLaburra Ertza
- Dantzazubia-basoa Dantzaz elkartea
- Euskal Herriko Makil-dantza zaharberriak Garikoitz Otamendi
- Dantza-jauziak Biharrian elkartea
- Mugimendutik artisten unibertsora Sorkume
- Gorputzaldiak Adierak Dantza eta Hezkuntza Elkartea
- Mugimendutik argazkitzen Sorkume
- Identitateak Mugimenduan Alba Fernandez
- Gorputzetik ikasten Nerea Ganboiti eta Eider Zuriarrain
- Ni Jo Yo ME Nuria Pérez Danza
- Kresala Ikonografiak Kresala dantza taldea
- OSA+MUJIKA sorkuntza tailer Osa+Mujika
- Dantzasi Compañia X
- Expectations will not kill you Osa+Mujika
- Dantzak sortu, gizartea eraiki Oihane Vicente Aguirrezabal
Informazioa: Kultura Eskola (Gipuzkoako Foru Aldundia).
Dokumentuaren akzioak
Erantzun
Kultura Eskola
Artea eta kultura-ondarea ezagutzeko nerabeei zuzendutako ekimenak jasotzeko eta zabaltzeko esparrua da Gipuzkoako Foru Aldundiaren Kultura Sailak sustatutako Kultura Eskola programa. Programaren helburu nagusia da kultura eta arte jarduera 12 eta 16 urte bitarteko gazteek garatzen dituzten zaletasunen eta interesen parte izatea, sentsibilitatea eta irizpide artistikoa sortzea eta begirada kritikoa garatzen laguntzea; helburu hori kultur eragileen, hezkuntza munduaren eta erakundeen arteko lankidetzari esker lortu ahal izango da.
Bide batez, enplegu aukerak sortzen lagundu nahi da oso prekarizatuta dagoen eta orain, inoiz baino gehiago, egoera ekonomiko bereziki zaila bizi duen sektore sortzaile eta kultural batean. Baita irakurketa aretoak, erakusketa aretoak, zinema eta antzerki aretoak hartuko dituzten publiko berriak eta ondare historiko-artistikoaren gaineko ardura izango duten herritarrak sortzea ere, bokazio berriak piztea baztertu gabe.
Katalogorako dantza proposamenak
Kultura Eskolaren proposamenekin katalogoa osatzen ari da eta dantza jardueren proposamen berriak 2023ko martxoaren 31ra arte bidali ahal izango dira helbide elektroniko honetara: kulturaeskola@gipuzkoa.eus
Interesatuek, edozein argibide behar izanez gero, helbide honetara jo dezakete:
- Kultura Eskola: kulturaeskola@gipuzkoa.eus
- K-Bulegoa: kbulegoa@gipuzkoa.eus 943 113 343
