Plazara Dantzara dantzaldi gidatua Errebalen

Lotuan, soltean eta sokan; dantza-jauziak, ingurutxoak eta kontra-dantzak. Ostiral honetan, urriaren 28an, 19:00etan, dantzaldi gidatua egingo dugu Errebalen. Iker Allur arituko da zuzeneko musikarekin eta Patxi Montero arituko da dantzaldia gidatzen.

Plazara Dantzara hau ikasturte honetan egingo ditugun Plazara Dantzara dantzaldien lehena izango da, Eibarko Udalaren babesean zenbait saio egiteko asmotan baikara. Hurrengoak San Andres egunekoak izango dira, azken urteotan egin izan dugun moduan goiz eta arratsaldekoak. Baina Plazara Dantzara denboraldia estreinatzeko aste honetan bertan:

Plazara Dantzara dantzaldi gidatua Errebalen

• Data: Urriak 28, ostirala, 19:00-20:15.
• Musikari eta gidariak: Iker Allur eta Patxi Montero.
• Tokia: Errebal plaza, Eibar.
• Kezka dantza taldea eta Eibarko Udala.