Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Kezka dantza taldea Martin Zalakain, udazkeneko emanaldiak

Dokumentuaren akzioak

Martin Zalakain, udazkeneko emanaldiak

Martin Zalakain, udazkeneko emanaldiak

Martin Zalakain. Argazkia: Iñaki Zugasti - dantzan.eus CC BY-SA

Urritik abendura lau aukera izango dira Martin Zalakain ikusteko, Andoainen, Urretxun, Azpeitian eta Basaurin. Hona hemen egutegia:

  • Urriak 20, larunbata, 20:00etan: Andoain, Bastero antzokia. Sarrerak hemen.
  • Urriak 27, larunbata, 20:00etan: Urretxu, Ederrena pilotalekua. 
  • Azaroak 24, larunbata. 21:30ean: Azpeitia, Soreasu. Sarrerak hemen.
  • Abenduak 1, larunbata, 20:30ean: Basauri, Sozial Antzokia. Sarrerak hemen.

 

Martin Zalakain Victoria Eugenia 2017 Arkale IZ
Martin Zalakain, Victoria Eugenia, 2017-12-17. Argazkia: Iñaki Zugasti - dantzan.eus CC by-sa

Argiaren Martin Zalakain ikuskizuneko kartela. Egilea: Tomas HernandezMartin Zalakain, Artedrama eta Argiaren ikuskizuna da, Juan A. Urbeltz-en koreografia eta zuzendaritzarekin, Ander Lipusen antzerki-lan eta eszenaratzearekin, Pio Barojan eleberrian oinarrituta Harkaitz Canok egokitutako gidoiarekin, Mikel Urbeltzen eta Marian Arregi zenaren zuzendaritza musikalarekin, eta Argia, Arkaitz, Maritzuli, Duguna, Haritz, Elai Alai, Astigar, Gure-Kai eta Kezka dantza taldeetako dantzarien, eta besteak beste Argia, Ezpelur, Duguna eta Plectro taldeetako musikarien parte hartzearekin egiten dena. 2017ko azaroaren 11an Bilboko Arriaga antzokian estreinatu zen eta harrezkero Donostiako Victoria Eugenian, Iruñeko Baluarten, Baionako Scene Nationalen, Gernikako Jai Alain, Eibarko Coliseon eta Biarritzeko Gare du Midin eskaini da.

Erlazionatutako elementuak
Urbeltz gailurrean
Dantzatu, ospatu, gozatu

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kezka dantza taldea

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

 Valladolideko Gure Txoko euskal etxeak gonbidatuta Arrateko ezpata-dantza eta trokeo dantzak aurkeztu genituen 2015eko irailaren 26-27ko asteburuan Gaztela Leongo hiriburuan. Euskal Jaia ospatzen zela eta, bertako euskaldunen gonbidapena jaso ostean, 27 pertsonako taldea osatu genuen Kezkako dantza...

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

Koko-dantzak 2014: taldeko argazkia

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

 2015eko maiatzaren 30ean eta 31n ospatu zen Ezpalak jaialdia Eibarren eta Iruñean.  Nafarroako jaialdiaren kronika  orain bi hilabete argitaratuta, Eibarkoa genuen zorretan eta hemen gatoz berarekin. Soka-dantzak izan ditugu ardatz Ezpalak jaialdiaren 10. ekitaldian (Eibarren, 9. Iruñean), eskuz ...

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

Argazkia: Fernando Retolaza

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com