Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Dantzan

Orain arteko ekarpenak

Ezpalak 2006 - Antwerpen-eko ezpata-dantza

2009/11/02

Antwerpen-eko (Flandes - Beljika) ezpata-dantza, Dansgroep Lange Wapper dantza taldearen eskutik, Ezpalak dantza tradizionalen jaialdian Eibarren. Lehen aldiz, 2006. urtean antolatu zen Ezpalak dantza tradizionalen nazioarteko jaialdia eta ezpata-dantzak izan ziren bertako protagonista. Eibar, dantzan.com, 2006-05-28

Delgado Fuchs

2009/10/30

Ezpata-dantza "Amaya" filmean

2009/10/29

1952. urtekoa da Amaya izeneko filmea. Francisco Navarro Villoslada idazle nafarraren "Amaya y los Vascos en el S. VIII" eleberrian oinarritutako filmea da. Bertako pasarte batean Bilboko "Batz-Alai" izeneko dantza taldeko dantzariak ageri dira Jesus Guridiren Amaya operako Ezpata-dantza dantzatzen.

Iruñea: San Lorentzoko dantzak 2004 Fagina

2009/10/28

San Lorenzoko dantzak Iruñean 2004ko San Lorenzo jaietan. Ezpata eta brokeleki fagina dantzatzen ari dira. Irudiak: Oier Araolaza. Edizioa: Eire Vila. Iruñea, San Lorenzo, 2004-08-10.

Ezpalak 2006 - Legazpiko ezpata-dantza

2009/10/26

Legazpiko ezpata-dantza, Sustraia dantza taldearen eskutik Eibarren, Kezka dantza taldeak antolatutako Ezpalak dantza tradizionalen jaialdian. 2006. urtean antolatu zen lehen aldiz Ezpalak dantza tradizionalen nazioarteko jaialdia eta ezpata-dantzak izan ziren protagonista jaialdi hartan. Eibar, dantzan.com, 2006-05-28.

Goizaldi "Diez fusiles esperan" filmean dantzan

2009/10/22

Diez fusiles esperan (1959) filmeko pasartea dugu honakoa. Aktoreen artean Paco Rabal, karlistarena egiten. Sekuentziaren une batean Goizaldiko dantzariak agertzen dira Bizkaiko dantzari-dantza eta Gipuzkoako makil-handienaren arteko nahasketa bat eginez. Ondoren, erromerian dantzatzen dute protagonistek.

Iruñea: San Lorentzoko dantzak 2004 Habanera

2009/10/21

San Lorenzoko dantzak Iruñean, San Lorenzo kalean. 1997. urtean Iruña dantza taldearen 25. urteurrenaren ospakizunerako sortu ziren San Lorentzoko dantzak. Talde ezberdinetan ibilitako dantzariek parte hartzen dute taldearen emanaldietan. San Lorentzo egunean, abuztuaren 10ean, izaten dute emanaldi nagusietakoa. Irudiak: Oier Araolaza. Edizioa: Eire Vila. Iruñea, San Lorenzo, 2004-08-10.

Ezpalak 2006 - Dunkerqueko ezpata-dantza

2009/10/19

Dunkerqueko (Flandes, Frantzia) ezpata-dantza, In the Kring dantza taldearen eskutik Eibarren 2006ko Ezpalak jaialdian. 2006. urtean antolatu zen lehen aldiz Ezpalak jaialdia Eibarren eta ezpata-dantzak izan ziren protagonista. Eibar, dantzan.com, 2006-05-28

Orain arteko erantzunak

Dantzan.com on Goizueta: Inauteriak 1991

2014/02/26

Ttipi-Ttapan irakurri dugunez, pasa den larunbatean, garai batean zagi-dantza nola egiten zuten erakusten ibili da Joxe Mari Narbarte Goizuetako gazteei. Gaztetan dantza egindakoa da Joxe Mari Narbarte, eta bere esanetan oraingo gazteek oso desberdin dantzatzen dute eta beraiek nola egiten zuten erakusten aritu zaie.

http://www.ttipi.net/berria[…]eska-mutikoek-gazte-txokoan

Dantzan.com on Raices 14 - Ordizia: brokel-dantza 1973

2014/02/25

Jose Ignazio Ansorenak bideo honi buruzko hainbat argibide emanez idatzi digu. Berak txistulari gisan parte hartu zuela grabazioan eta 1973. urtean izan zela. Parte hartu zuten dantzarietako batzuren izenak ere eman dizkigu. Hona bere mezua: "Egia da KRESALA Taldeak grabatu zuela, 1973ean. Neu ere tarteko, oraindik ikasle besterik ez banintz ere, txistulari gisan. Baina besterik ezean... Nirekin batera aritu zen atabalaria, Pello Cuesta. Ongi gogoratzen naiz lekua nolakoa zen, baserri eder baten ondoan eta Ordizia herritik ez oso urruti, ez ordea, nola iristen zen ezta zein izen zuen ere. Mikelek aipatzen duen kontua, Goierri taldeari eskaini zitzaiola eta uko egin zuela, izan liteke oso garaiko kontua delako. Baina guk ez genuen horren berririk izan. Dantzariak hauek dira: Xabier eta Iñigo Arregi anaiak (hau orain pare bat urte hila), Iñaki Olano, Aitor Aizpurua, Xabier Sagastibeltza, Jose Ignazio San Jose, Leixa, Víctor Casín, Hippie, eta Xabier Otaegi, Txirri".

Dantzan.com on Dantza sustatzeko Jaurlaritzaren 2013ko diru-laguntzak

2014/02/14

2014ko otsailaren 14an ebazpen honen zuzenketa bat argitaratu da Euskal Herriko Agintaritza Aldizkarian. Sorkuntza koreografikoa alorreko diru-laguntzen zerrenda aldatu da, eta beraz, azken zerrenda honakoa da:
- Judith Argomaniz Jimenez: Hooked
- Idurre Azkue Iruretagoiena: Bailar por bailar (es tontería?)
- Amparo Badiola Mazariegos: Palabras invisibles
- David Guerra Garcia: Outline
- Ziomara Hormaetxe Fernández: Symbiosis
- Maria Ibarretxe del Val: Pink flamencos
- Izaskun Lapaza Rodriguez: Fase tres
- Atxarte Lopez de Munain: Konstruktoen teoria
- Maria Martín Escudero: Re en sol mayor

Dantzan.com on Inauteriak 2014 oinarrizko egutegia

2014/02/09

Aipatu data egutegian sartu dugu jada, mila esker.

Dantzan.com on Inauteriak 2014 oinarrizko egutegia

2014/02/08

Mila esker abixatzearren, atxikitu dugu egutegira.

Dantzan.com on Inauteriak 2014 oinarrizko egutegia

2014/02/08

Atxikitua, eskerrik asko, Jon!

Dantzan.com on Inauteriak 2014 oinarrizko egutegia

2014/02/07

Eskerrik asko abisuagatik, eguneratu dugu egutegia.

Dantzan.com on Jantzien kodexa, XVI. mendera bidaia koloretsua

2013/12/10

Mila esker Weiditz-en liburuaren loturagatik Mikel!
Pisgeina hitzari buruz, Oier Gorosabel-ek twitterren galdetu du ea ez ote den izango "vizcaina" hitzaren transkribapen fonetikoa.
https://twitter.com/Txikillana/status/408888045383843840

Dantzan.com on Maskaraden inguruko galderak Zuberoako Mihia Pitz telebistako lehiaketa berrian

2013/10/14

Maskaradetan emakumeek lehen aldiz non eta noiz parte hartu zuten galdearen inguruan idatzi digu Marcel Bedaxagarrek. Hauxe esaten digu: "Ene ustez, egün bat baizik ez züen egin Barkoxen. Eta ondotik, ez da emazterik izan maskaradetan 31 urtez. Urdiñarben ziren berriz agertü eta geroztik beti hor dira, salbü Eskiulan, herri horrek emazteen maskaradak egin ondoan, gizonenak egin beitzütian urte zonbait berantago (Gamere Ziihigako aitzineko maskaraden ber urtean eta ber ihautean).
Dantzan

Dantzan

dantzan 2001. urtean sortu zen eta 2003tik dantzan.com dantza sustatu eta hedatzeko elkarteak kudeatzen du.


Babestu dantzan.com