Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Gipuzkoako Dantzagunea Iruinkokoa eta Herrixa Dantzan Sortutakoak Tradizionalerako hautatuak

Dokumentuaren akzioak

Iruinkokoa eta Herrixa Dantzan Sortutakoak Tradizionalerako hautatuak

Iruinkokoa eta Herrixa Dantzan Sortutakoak Tradizionalerako hautatuak

Iruinkokoa, Iruñea, 2019-03-03. Argazkia: Maite Irizar - Dantzan CC-BY-SA

Iruñeko hainbat eragilek aurten plazaratu duten Iruinkokoa osatzeko proiektua eta plazako dantzaldietan eta irakaskuntzan urte asko daramatzan Patxi Monterok aurkeztutako Euskal herriko plazetarako dantza berriak sorta dira Sortutakoak Tradizionalaren zortzigarren deialdian hautatutako proiektuak. Gipuzkoako Dantzaguneak dantza tradizionalaren alorrean sorkuntza sustatzeko eskaintzen dituen diru-laguntzak jasoko dituzte bi proiektu hauek.

Proiektu bakoitzak 2.000 euro jasoko ditu, 2020an zehar beren proiektuak garatzeko laguntza gisa. Maite Irizar (Oñatz), Jexux Larrea (Ikerfolk), eta Izaskun Salazar (Aurtzaka) euskal dantza tradizionalaren alorreko adituek osatutako epaimahaiak hautatu ditu Iruinkokoa eta Herrixa Dantzan-en proiektuak Sortutakoak Tradizionala zortzigarren deialdi honetarako.

Gipuzkoako Dantzaguneak dantza alorrean sorkuntza eta berrikuntza sustatzen du Sortutakoak deialdien bidez eta aurten 21.500 euro banatuko dira zazpi proiektutan banatuta. Sortutakoak Tradizionala da ezagutarazi den lehena eta datozen egunotan dantza garaikidea eta dantzaren funtzio soziala babesten duten deialdietan hautatuak izango direnak jakinaraziko dira.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Gipuzkoako Dantzagunea

Gipuzkoako Dantzagunea

Dantzagunea Gipuzkoako Foru Aldundiak dantzaren ikaskuntza eta sorkuntza prozesuak laguntzeko eta sustatzeko sortutako zerbitzua da. Errenterian du egoitza, Niessen eraikinean.

Kulturaren Euskal Planak dantzaren alorreko lan-lerro nagusitzat jo zuen herrialde bakoitzean dantzarako baliabideak izateko erreferentziazko gune bat irekitzea. 

Dantzagunean mota guztietako dantzak, bereziki lantzen direlarik dantza klasikoa, garaikidea eta euskal dantza tradizionalean bildutakoak. Bertatik eskeintzen dira Gipuzkoan dantza jardunean ari diren elkarte, konpainia eta eragileei laguntzeko zerbitzuak eta inguruko lurralde eta erkidegoetako antzeko entitate eta zentruekin elkarlana bilatzen da.

Dantzagunearen lan-lerro nagusiak honakoak dira:

1- Sorkuntza koreografikoa sustatzea, sortzaileei eta taldeei Dantzaguneko aretoak utzita, eta egonaldi-programa bat, Sortutakoak, sustatuta.

2- Sorkuntza-prozesuak laguntzea, aholkularitza artistikoaren bitartez; eta dantzaren sorkuntzaren eta produkzioaren inguruko ikerketa garatzea.

3- Prestakuntza espezializatua ematea, gaur egun Gipuzkoan ematen den formazioa osatzeko, alderdi tekniko-praktikoak eta teorikoak landuta.

4- Dantza hedatzeko formula berriak bilatzea, publikoa sentsibilizatzea eta dantza eskola-programetan sartzea.

5- Dantzarekin zerikusia duten gaiei buruzko informazio eta dokumentazio baliabideak interesa dutenen esku jartzea: eskolak, bekak, audizioak, konpainiak, ikuskizunen ekoizpena, hedabiderako kanalak...