Dokumentuaren akzioak
Sortutakoak 19: Biolencia eta #practicasdeloinvisible dira proiektu hautatuak
Gipuzkoako Dantzagunea
La Subita
Ebi Soriak eta La Subita konpainiak jasoko dute Sortutakoak 19 deialdiaren dirulaguntza, Gipuzkoako Dantzagunean sorkuntza koreografikoko proiektuak garatzeko. Soriaren proiektuak kirolaren lehiakortasunaren inpaktu soziala jarri nahi du ezbaihian Biolencia izeneko lanaren bidez. La Subita konpainiako Laura Alcala eta Emma Ribak, berriz, emakumeek artearen munduan bizi duten bazterketa izango dute gaitzat #practicasdeloinvisible proiektuan.
Ebi Soria eta La Subita
Bio eta biolentzia hitzen etimologiatik abiatuta, zenbait arte diziplina uztartzen dituen biolentziaren inguruko hausnarketa planteatu du Ebi Soriak. Egungo kirolaren kulturak sustatzen duen lehiakortasun-eredua, eta eragiten duen zapalketa soziala ditu ardatza Biolencia lanak. Ibilde oparo eta luzea egin du Soriak dantzaren, musikaren eta performancearen munduan. Azken urteetan gizartean baztertuta dauden minoriekin ari da lanean, Habrá que ponerse cachas bezalako proiektuekin.
Laura Alcalá eta Emma Riba dantzariek osatzen duten La Súbita konpainiak, berriz, emakumeek artearen munduan duten aitortza urriari buruzko sorkuntza-laborategi bat izango dute ardatz #practicasdeloinvisible proiektuan. Halaber, prozesuan kide izango dituzte Nerea Gurrutxaga eta Oihana Vesga gipuzkoarrak. 2017an sortu zen La Súbita konpainia, geroztik Emma Ribak eta Laura Alcalák osatzen dute. Ordutik zenbait pieza koreorgafiko egin dituzte, enkarguak eta proiektu propioak tartekatzen.
Sortutakoak 19
Egile bakoitzak 3.500€ko laguntza jasoko du Gipuzkoako Dantzaguneko sorkuntza-egonaldian proiektua garatzeko. Guztira, hamalau proiektu aurkeztu dira Sortutakoak deialdiaren 19. ediziora. Deialdia 2021eko irailean ireki zen, eta behin eskaerak eta txostenak jasota, bi lan horiek hautatu zituen Beatriz Caballero (Pasaiako Udala), Carine Agirregomezkorta (Malandain Ballet Biarritz) eta Mar Garciak (ADDE) osatutako epaimahaiak.
Dokumentuaren akzioak
Erantzun
Gipuzkoako Dantzagunea
Dantzagunea Gipuzkoako Foru Aldundiak dantzaren ikaskuntza eta sorkuntza prozesuak laguntzeko eta sustatzeko sortutako zerbitzua da. Errenterian du egoitza, Niessen eraikinean.
Kulturaren Euskal Planak dantzaren alorreko lan-lerro nagusitzat jo zuen herrialde bakoitzean dantzarako baliabideak izateko erreferentziazko gune bat irekitzea.
Dantzagunean mota guztietako dantzak, bereziki lantzen direlarik dantza klasikoa, garaikidea eta euskal dantza tradizionalean bildutakoak. Bertatik eskeintzen dira Gipuzkoan dantza jardunean ari diren elkarte, konpainia eta eragileei laguntzeko zerbitzuak eta inguruko lurralde eta erkidegoetako antzeko entitate eta zentruekin elkarlana bilatzen da.
Dantzagunearen lan-lerro nagusiak honakoak dira:
1- Sorkuntza koreografikoa sustatzea, sortzaileei eta taldeei Dantzaguneko aretoak utzita, eta egonaldi-programa bat, Sortutakoak, sustatuta.
2- Sorkuntza-prozesuak laguntzea, aholkularitza artistikoaren bitartez; eta dantzaren sorkuntzaren eta produkzioaren inguruko ikerketa garatzea.
3- Prestakuntza espezializatua ematea, gaur egun Gipuzkoan ematen den formazioa osatzeko, alderdi tekniko-praktikoak eta teorikoak landuta.
4- Dantza hedatzeko formula berriak bilatzea, publikoa sentsibilizatzea eta dantza eskola-programetan sartzea.
5- Dantzarekin zerikusia duten gaiei buruzko informazio eta dokumentazio baliabideak interesa dutenen esku jartzea: eskolak, bekak, audizioak, konpainiak, ikuskizunen ekoizpena, hedabiderako kanalak...
