Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Gipuzkoako Dantzagunea Dantza gela birtuala ireki du Dantzaguneak

Dokumentuaren akzioak

Dantza gela birtuala ireki du Dantzaguneak

Gipuzkoako Dantzaguneak dantza-jarduerei eutsi ahal izateko areto berria ireki du, bideo-konferentziaz burutuko den dantza-gela birtuala. Bertan honako eskaintza izango duzue:

  • Teknika koreografikoko mantentze-saioak: egunero, sortzaile batek bere lengoaia koreografikoan oinarritutako saio bat emango du.
  • Sortzaileen leihoa: astean behin, beren sormen-prozesuari buruz hitz egingo dute zenbait koreografok.

Saioetan parte hartzeko bidali email bat: dantzagunea@gipuzkoa.eus 

  • Saioak eman ahal izateko baldintzak:
    • Gipuzkoako Dantzagunearekin azken hiru urteetan harremana izatea (egonaldi artistikoa, tailerrak eman izana, proiekturen batean parte hartu izana…)
    • Gipuzkoan jaioa izatea, edo Gipuzkoan erroldatuta egotea.
    • Ordainketa: lsaioak ordaindutakoak izango direnez, koreografoek fakturazioa egin ahal izateko modua izan behar dute.

Dantza-gela birtualeko egitaraua

  • Apirilak 6, astelehena, 10:00: Amaia Elizaran
  • Apirilak 7, asteartea, 10:00: Igor Calonge
  • Apirilak 8, asteazkena, 10:00: Iker Arrue
  • Apirilak 9, osteguna, 10:00: Oihana Varela
  • Apirilak 10, ostirala, 10:00: Huts, Jone San Martin eta Mikel F. Nieto (Sortutakoak Soziala 3)

*Eskaerak jasotzen ditugun neurrian, egitaraua osatzen jarraituko dugu. 

Sartu Gipuzkoako Dantzaguneko areto birtualean (Jitsi aplikazioa)

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Gipuzkoako Dantzagunea

Gipuzkoako Dantzagunea

Dantzagunea Gipuzkoako Foru Aldundiak dantzaren ikaskuntza eta sorkuntza prozesuak laguntzeko eta sustatzeko sortutako zerbitzua da. Errenterian du egoitza, Niessen eraikinean.

Kulturaren Euskal Planak dantzaren alorreko lan-lerro nagusitzat jo zuen herrialde bakoitzean dantzarako baliabideak izateko erreferentziazko gune bat irekitzea. 

Dantzagunean mota guztietako dantzak, bereziki lantzen direlarik dantza klasikoa, garaikidea eta euskal dantza tradizionalean bildutakoak. Bertatik eskeintzen dira Gipuzkoan dantza jardunean ari diren elkarte, konpainia eta eragileei laguntzeko zerbitzuak eta inguruko lurralde eta erkidegoetako antzeko entitate eta zentruekin elkarlana bilatzen da.

Dantzagunearen lan-lerro nagusiak honakoak dira:

1- Sorkuntza koreografikoa sustatzea, sortzaileei eta taldeei Dantzaguneko aretoak utzita, eta egonaldi-programa bat, Sortutakoak, sustatuta.

2- Sorkuntza-prozesuak laguntzea, aholkularitza artistikoaren bitartez; eta dantzaren sorkuntzaren eta produkzioaren inguruko ikerketa garatzea.

3- Prestakuntza espezializatua ematea, gaur egun Gipuzkoan ematen den formazioa osatzeko, alderdi tekniko-praktikoak eta teorikoak landuta.

4- Dantza hedatzeko formula berriak bilatzea, publikoa sentsibilizatzea eta dantza eskola-programetan sartzea.

5- Dantzarekin zerikusia duten gaiei buruzko informazio eta dokumentazio baliabideak interesa dutenen esku jartzea: eskolak, bekak, audizioak, konpainiak, ikuskizunen ekoizpena, hedabiderako kanalak...