Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak San Lorentzoko danzanteen kofradiak boletina estreinatu du Online

Dokumentuaren akzioak

San Lorentzoko danzanteen kofradiak boletina estreinatu du Online

Ekaitz Santacilia - San Lorentzeko dantzanteen kofradia
2011/05/25 10:40
Duela hilabete zenbait estreinatutako web gunearen arrakastaren ondotik, San Lorentzoko Danzanteen Kofradiak pauso berri bat egin du boletin elektronikoa sortuz. Web gunearen bidez kontsultatzen ahal da eta euskarri digitalean dauden teknologia berrietatik ahal bezainbesteko hobaria lortzeko sortu da, informazioaren eta ezagutzaren hedadura lasterra ahalbidetzen duten heinean. Argitalpen honek duen Creative Commons lizentziak hain zuzen, hemen jasotako materialen hedatze eta erabilera erraza bultzatu nahi du.

Boletin honetan gaitegi zabalak izanen du lekua, hobekien ezagutzen dugun eremutik abiatzen dena: danzanteak eta Iruña, baina horrekin batera, gai eta leku mordoa barne hartzen ditu, Europa eta bere kolonietako festa eta antzineko erritualen gisako kontzeptuetan islatutzat jo genitzakeenak: jantziak, musika, antzerkia, dantza, zezen-festa, kultu erlijiosoa edo ohiturak bezalako elementu itxuraz loturarik gabeek edo orokorrek interdependentzia argia dutela erakusten saiatuko da argitalpen hau. Argitalpenak periodizitate irregularra izanen du eta ekarpenak egiteko gisako materiala duen pertsona edo elkarte orori zabalik dago. San Lorenzoko danzanteen webgunean berean aurkitzen ahal dira boletinean argitaratzeko jarraitu beharreko arauak.

Lehen zenbakia prest

Boletinaren lehen aleak honako artikuluak ditu: Juan José Martinenarena Iruñeko auzoetako festen inguruan, Ekaitz Santaziliarena Iruñeko erraldoien originaltasun ikonografikoari buruz, Jesús Pomaresena ezpata-dantzen gainean eta Fernando Hualderena, Erronkariko ttun-ttun dantzara hurbiltzen gaituena. Gainera Eltziegoko (Araba) danzanteen bi argazki zahar daude, dagozkien iruzkinekin, Valentziako Corpus Christiaren dantza figura eta pertsonaien gaineko aipamen bibliografikoa Jorge Urdánozek paratua eta amaitzeko Cabredoko apezpiku Martínez Compañónen lan etnografikoari buruzko atal laburra dakar.



Dokumentuaren akzioak

2011/05/26 15:09

Eskerrikasko San Lorentzoko danzanteei boletin mamitsu eta interesgarriagatik. Artikulu gehienak zorrotzak eta argigarriak dira, baina penaz irakurri dut Erronkariko ttun-ttunari buruzkoa, dantza horren azken mendeko ibilbidea egiterakoan hutsune garrantzitsuak egiten dituelako. Lehen ere aipatu izan dira kontu hauek posta zerrendan Fernando Hualde Diario de Noticias-en argitaratutako artikulu baten harira, eta orain ere lehengo hutsuneak errepikatzen dira. 1943an Oberenak egindako berreskuraketa, 1956an Gaizka Barandiaran-ek BRSAPV-an argitaratutako lana, 1969an Argia dantzari taldeak egindakoa...

Erantzun

Erantzuna emateko identifikatu egin behar zara, gure webgunean erabiltzaile bat sortuz.