Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Murixka dantza taldeak 50 urte

Dokumentuaren akzioak

Murixka dantza taldeak 50 urte

Murixka Dantza Taldea
2007/06/29 10:29
Aurtengo urte hau berezia eta gogoangarria da Lezoko dantzari eta dantzazaleontzat, eta orohar baita euskal dantza gustuko duen inguru hauetako edozeinentzat ere. Izan ere, 2007 urte honetan, Lezon dantza taldea sortu zeneko 50. urteurrena ospatzen ari gara, mende erdia beraz Lezo dantzan hasi zenetik.

Urte berezi honen harira, hainbat ekitaldi egin dira herrian, denen oroimenean txertaturik geratu den San Joan bezperako soka adibidez, non herri hau dantzarazi duen orok parte hartu ahal izan zuen, eta hala, 100 pertsona inguruko giza katea osatu baitzen.

Orain, berriz, urtearen erdia igarota, ikasturtearen amaiera heldu zaigu, eta horrekin batera, jada ohiko bihurtu den Murixka Dantza Taldearen ikasturte amaierako emanaldia. Aurten, ekainaren 30ean, larunbata, izango da Lezoko Bekoerrota kiroldegian gaueko 22.30ean, eta bertara inguratzen den orok Euskal Herriko hainbat dantza eta musika ikus eta entzuteko parada izango du dantzarion eta Lezoko txistu taldearen eskutik.

Dokumentuaren akzioak

user
2007/06/29 12:37

Joseba Altubek jakinarazi digunez EDBk abenduan argitaratuko duen "Dantzariak" aldizkariaren 54. zenbakian, bizpahiru orritako gune bat eskainiko zaie 25. edo 50. urteurrena ospatzen duten talde federatu bakoitzari, talde berak eginiko artikulotxo bat argitaratzeko. Egoera horretan dauden taldeak, EDB-ren koordinatzailearekin harremanetan jarri behar dira, eta lehen bait lehen bere artikulua helarazi.

Erantzun

Erantzuna emateko identifikatu egin behar zara, gure webgunean erabiltzaile bat sortuz.