Maita, dantza eta edan. Behin baizik ez haiz biziko!

Hitz horiekin gonbidatzen du Thierry Malandainek aurtengo Maitaldia Jaialdian parte hartzera. Irailaren 11a eta 20a bitartean dantzaz gozatzeko nazioarteko programazio handia dakarte Biarritzeko karrika eta antzokietara, Win Vandekeybus koreografo belgikar saritua eta Jose Carlos Martinezen Dantza Konpainia Nazionala besteak beste. Dantza emanaldiez gain honen inguruko film, hitzaldi zein erakusketek ere lekua izango dute dantzaz betetako hamarraldi honetan.

Euskal Konpainiak eta kanpokoak

Gutxitan ikus daitezkeen programa zabal eta aberatsen baten baitan Euskal Herritik zein kanpotik hurbildutako 30 konpainia izango dira guztira Le temps d'aimer la danse edo Maitaldia Jaialdian:

Kanpotik datozenen artean izen eta konpainia handiak entzun daitezke, besteak beste Edward Clug koreografoak zuzentzen duen Mariboreko Balleta (Eslovenia), Jose Carlos Martinezek zuzentzen duen Espainiako Dantza Konpainia Nazionala, Neopost Footwa suitzarrak eta  Wim Vandekeybus koreografo sarituak zuzentzen duen Ultima Vez Konpainia, What the Body Does Not Remember lana aurkeztuko duena. 

Etxekoen artean Kukai & Tanttaka, Mizel Théret, Bilaka eta Biarritzeko dantzaren formazio profesionaleko eskolako dantzariak izango dira beren lanak aurkezten.

Hauez gain dantza tradizionalaz gozatzeko aukera ere izango da Maitaldian, irailaren 19an Euskal Herriko zenbait txokotako ezpata-dantzak ikusteko aukera izango baita 16:00retatik aurrera hiriko erdigunean. Biarritzeko Maritzuli Konpainiak San Martin ezpata-dantza ekarriko du berriro ere hiriko karriketara, Markiña-Xemeingo ezpata-dantza eta Laneztosako dantzak plazaratuko ditu Zerutxu dantza taldeak eta Iruñeako Duguna dantza taldeak aldiz, San Fermin aldapakoaren ezpata-dantza eramango du Biarritzera.

Erakusketak, hitzaldiak eta dantza-zinea

Dantzaz gozatzen jarraitzeko emanaldiez gain hitzaldi eta erakusketak ere badakartza Maitaldiak. Azkenen kasuan 3 izango dira irailaren 11tik 20ra bitartean zabalik izango direnak: Debussy 3.0, Dantza izpiak eta Soka erakusketak, zeintzuetan dantza modu ezberdinetatik aztertu den.

Rosita Boisseua kazetari eta dantza kritikariaren hitzaldia izango da irailaren 12an goizeko 11:00etan eta Josseline eta Serge Bertin senar-emazteak izango dira irailaren 17an Mediatekan.

Dantza-zineari dagokionez La danseuse d'ébène, Homing,Corps accords eta Danse Grozny danse filmak ikusi ahal izango dira hamar egunetan zehar.

Maitaldia 2015, programa:

Irailak 11 ostirala

• 19:00 Mizel Théret: Zisnearen azken kantuak / Colisée

• 21:30 Malandain Ballet Biarritz: Estro / Portu Zaharreko hondartza

• 21:30 Genevako Junior Baleta: Monger / Portu Zaharreko hondartza

Irailak 12 larunbata

• 11:00  Rosita Boisseauren hitzaldia / Mediateka

• 12:30 L’Eventail Dantza Konpainia / Parke publikoa

• 14:30 NeoPost Foofwa Konpainia: Live & Dance & Die / Itsasargiko zabalgunea

• 17:00 Bilaka: Leihotik / Ste-Eugénie plaza

• 19:00 Ariadone Konapinia: Utt /Colisée

• 21:00 L’Eventail Dantza Konpainia : Si Peau d’âne m’était conté / Casino

Irailak 13 igandea

• 11:00 Gigabarre Elephant in the Black Box Company-rekin / Hondartza handiko pasealeku

• 12:15 UPPA lehiaketako irabazleak / Casinoko zabalgunea

• 15:00 Hors Contexte Konpainia : Contra la pared / Gare du Midiko atarian

• 17:00 Hors Contexte Konpainia : Banc public / Parke publikoa

• 19:00 Elephant in the Black Box Company (Espainia) : Héritages / Casino

• 21:00 Maribor-eko Balleta (Eslovenia) : Stabat Mater et Le Sacre du printemps / Gare du Midi