Itsasoarekin dantzan

Argazkilaria da Gorka Bravo eta dantza argazki ederrak egin ditu azken urteotan, Dantza Hirian jaialdian besteak beste. Itsasoaren eta Laura Gil dantzariaren arteko harreman berezia planteatu du oraingoan eta olatu erraldoiak eta dantzari soilaren arteko bikote-dantza bitxia bilatu du.

Donostian, Paseo Berrira joan eta Laura Gil dantzaria olatuen esperoan jarri da. Olatu erraldoiak iritsi ahala dantzan hasi da Laura Gil eta argazkilaria lanean, itsasoaren eta dantzariaren arteko dantza islatzen.

Dantza argazki sorta ederrak ditu erakusgai Gorka Bravok bai flickr-en prozak_me izenez duen kontuan eta baita bere webgunean bertan: Gorka Bravo Photo