Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Ioannes de Quirno-ren herria: Dantxarinea

Dokumentuaren akzioak

Ioannes de Quirno-ren herria: Dantxarinea

Ioannes de Quirno-ren herria: Dantxarinea

Ioannes de Quirno-ren "Dantcharinea" etxea

1700. urtean Anjouko dukea zen Felipe, Espainiako errege izateko izendatu zuten (Felipe V. Borboikoa, gerora). Honek izendapena onartu eta 1701eko urtarrilean Frantziatik Espainiarako bidean, Euskal Herrian, Donibane Lohitzunenen hartu zuen atseden hiru egunez. Bertako herritarrek omenaldia egin nahi izan zioten eta besteak beste, hainbat dantza eskaini zizkioten hiru egun horietan. 

Dantza horietan parte hartu zuenetako bat dugu Ioannes de Quirno bale arponlaria. Errege izendatu berriari eskainitako dantzetan nabarmendu zen Ioannes eta Felipek dantzari hura nor ote zen galdetu zuen. Dantzari bikaina omen zen eta errege berriaren galdearen ostean, famatua ere bai!

Ioannes de Quirno (Ioanes ttipia izenez ere ezagutua) Ainhoan (Lapurdin) jaio omen zen eta herriko biztanle berrien erroldan agertzen da 1662an. Bale arpoinlari gisa diru puska bat bildu eta 1733an, bere emazte Joana Dunate-rekin batera lur batzuk erosi zituen Ainhoan, Lapurdi eta Nafarroaren arteko muga-mugan. 3 etxe eraiki zituen bertan. Dantcharinea izena eman zien. Guillermo izeneko ume bat izan zuten behintzat eta bere familiaren arrastoak Argentinan lausotzen dira XIX. mendean barna.

Ioannes de Quirno. Etxea eta hilarria
Dantxarinea etxeko 1733ko oroitarria eta Ioanes de Quirnoren hilarria


Ioannes ttipiaren 3 etxeen inguruan beste batzuk eraiki ziren geroago, gaur egungo Dantzaria edo Dantxarinea osatuz. Quirno-ren etxeetako bat oraindik ere zutik da herrian eta bere hilarria ere kontserbatzen da. Bertan dio: Sepultura dancariarenecoa Quirno.

Hauxe da beraz, dantzarion herriari izena eman zion dantzari bikainaren historia txikia. Mereziko luke zabaltzea!

Dokumentuaren akzioak

2012/12/11 10:30
Hara, niri ere pasatzean atentzioa deitu dit, eta oso interesgarria kontatu duzuna. Ioannes de Quirno, baler arpoinlaria eta dantzari aparta. Oso polita kontakizuna Aritz! Eskerrikasko!
2012/12/11 10:56
Oso polita Aritz!! Milesker istorio hau argitzeagatik!!
2012/12/11 15:10
Hau ikerketa polita ...
Dantzari-enea ... eta ... aurrean uizan eta konturatu ez.
Oso interesantea Aritz
2019/08/06 16:28
Gracias por compartir la historia de mis antepasados. Mi apellido es Quirno por parte de mi padre!Soy Argentina pero vivo cerca vuestro. Saludos desde Barcelona

Erantzun

Erantzuna emateko identifikatu egin behar zara, gure webgunean erabiltzaile bat sortuz.