Ikastaro eskaintza berria Dantzan Ikasin

Dantza tradizionaleko formakuntzan laguntzeko sortu zuen Dantzan Ikasi programa Gipuzkoako Foru Aldundiak, eta 2010eko programazioan hiru saio berri eskaintzen ditu abendurako. Saio teorikoa izango da bat, teoriko-praktikoa bestea eta erabat praktikoa azkena.

Xabier Etxabe: Zarauzko folklorea
Xabier Etxabe eta Xabier Alberdik Zarauzko folklorea sakon aztertu dute zenbait urtez eta lan horren emaitza argitaratu dute Zarauzko folklorea liburuan. Euskal dantzaren ibilbidea herri baten adibidetik ezagutzeko aukera bikaina eskaintzen du lanak. Zarauzko folkloretik abiatuta esparru zabalago batean baliagarri izan daitezkeen analisi eta gogoeta eskainiko ditu Xabier Etxabek.

Juan Antonio Urbeltz (Ikerfolk): Dantza kantatuak borobilean, Irradaka eta Axuri-beltza
Borobilean eta kantuan egiten diren dantzak Europan ditugun dantzen artean zaharrenetarikoak direla esan ohi dute ikertzaileek. Bildutako dokumentaziotik abiatuta Argia dantzari taldeak egindako birsortze lanak azalduko ditu Juan Antonio Urbeltz-ek, eta horietako bi, Irradaka eta Axuri-beltza, dantzatzen irakatsiko ditu Argiako dantzariek lagunduta. 

Zerutxu dantza taldea: Xemeingo ezpata-dantza
Arretxinagako San Migel ermitaren ondoan dantzatzen du urtero Zerutxu dantza taldeak Xemeingo ezpata-dantza. Ezpata luzeekin egiten den ezpata-dantza berezia da Xemeingoa, Europako beste hainbat ezpata-dantzekin antzekotasunak dituena: Taldearen antolaketa, egiten dituzten zubiak, ezpatak gurutzatuz osatzen duten arrosa, haren gainera maisu-zaharra igotzeko ohitura... Koreografikoki ezpata-dantza aberats eta ederra da.

Ikastaroei buruzko informazio gehiago eta izen-emateko bidea:

• Dantzan Ikasi