Dokumentuaren akzioak
Albisteak
Puska biltzea eta inauteri dantzak
2019/02/24 12:00 — Lizartza
Inaute larunbata baino astebete lehenago ospatzen dute inauteria Lizartzan. Asteburu osoan zehar kuestazioan aritzen dira dantzan. Larunbatean, goizean goiz hasi ohi dute kuestazioa dantzari eta txantxoek eta baserriz baserri aritzen dira tarteka inauteri dantzak eginez. Igandean aldiz, goizeko 12etan dantzariak kalean ibiliko dira puska biltzen gurdi, mozorro eta gainerakoekin batera. Ondoren, Lizartzako inauteri dantzak egingo dituzte Otsolar dantza taldeko dantzariek plazan: paseoa, lehenengoa, bigarrena, seigarrena, ostiko-dantza, etxe-dantza, lau ostiko, azken paseoa, makil-dantza eta brokel-dantza edo pala-dantza.
Inude eta artzaiak
2019/02/24 12:00 — Irun
Kaldereroen ondoren, inudeek betetzen dituzte Irungo erdiguneko kaleak, nor bere bikotekidearekin. Dantzari eta figuranteak, desfilatzen dute hiritik, Raimundo Sarriegiren martxen erritmoan 12:ooetan Santiago kaletik abiatuz. Ibilbidean, zenbait eszenifikazio egiten ditu konpartsak, inudeak beren haurrekin medikuari eginiko bisita eta txertoa, idazkariek haurren izena hartzearen akta edota apaizak haur bakoitzarik emandako bedeinkapena, besteak beste. Inude eta artzaien konpartsa Eraiki dantza taldeak antolatzen du.
Urdelardero
2019/02/28 10:30 — Eskoriatza
Ostegun Gizen egunean, Eskoriatzan, Urdelardero eguna ospatzen dute. Haurrak, baserritarrez jantzita eta eskuan ziri bat hartuta eskean ibiltzen dira kalez kale. Garai batean, eskean ibiltzen zirenei etxekoandreek janaria jartzen zieten zirian baina, egun, ohikoagoa da leihotik gozokiak botatzea. Abesti hau abesten dute haurrek: Urdei lardero
Urdeixa janda
Bazkaixa gero
Hor goixen itturri bat
Haren gainean txori bat
Ura pil-pil etorri da
Etxekoandre zabala
Etxe oneko alaba!
Azeri-dantza
2019/02/28 19:00 — Errenteria
Ostegun gizenarekin, Ereintza dantza taldeko azeriek azeri-dantza dantzatzen dute Errenterian. Neskak mutilez jantzita, mutilak neskez dantzatzen dute. Txarangarekin kalejiran heltzen dira Udaletxe aurrera. Bertan, azeri-dantza dantzatu dute: Paseoa, aitarena, orratzarena, txingoarena, azeri-dantza zortzikoa, perratzea, dorrea eta kalejira dira bideoan ikus daitezkeenak. Azeri-dantza desfilearen Ibilbidea: Juan Olazabal, Biteri, Morrongilleta, Koldo Mitxelena plaza, Maria Lezo, Madalen kalea eta Herriko plaza.
Trapujaleen jaitsiera
2019/02/28 19:30 — Lezo
Lezoko inauterietan Trapujaleren etorrera ospatzen dute. 19:30etan Trapujaleren jeitsiera egongo da Martizkone baserritik herriko plazara. Astearte inauterian aldiz, arratsaldeko 19:00etan Trapujaleren epaiketa egiten da eta inauteriak agurtzen dira.
Porrero eta Sorgina
2019/03/01 20:00 — Agurain
Arratsaldeko 20:00etan Porrero eta Sorginaren agurra ospatzen dute herrian. Ostiralean jaisten dira Opakuatik eta inauteri osoak ematen dituzte udaletxeko balkoian. Astearte inauterian, Porrero eta Sorginari azken agurra ematen diete.
Hartzaren esnaera
2019/03/01 18:30 — Segura
Aizkorritik Segurara jaisten da Hartza arratsaldeko 18:30ean ostiral mehe egunean. Bere inguruan ibiltzen dira uxatzaileak, aurrean harrapatzen duten edonori maskuri edo puxikarekin jotzeko. Herriko puntu ezberdinetan, herriko gazte talde batek, bakoitzak bere mozorroa jantzita duela, jorrai-dantza dantzatzen du.
Kaldereroak
2019/03/01 19:30 — Eibar
Ostiral mehez ateratzen dira Eibarko kaldereroak Urkizutik hasi eta Untzagako plazaraino kantu eta dantzak eskainiz.
Kamarroak
2019/03/02 18:00 — Bakaiku
Kamarroa da Bakaikuko (Nafarroa) inauterietako pertsonaia. Mozorro guztiak dira Kamarro, ez dauka janzkera zehatzik. Inaute larunbatean ateratzen dira Kamarroak Bakaikun. Herriko elkartean elkarrekin bazkaldu ondoren, mozorrotu eta etxez-etxe abiatzen dira goldea garraiatuz eta hautsak botaz. Zaparra deitzen zaio Kamarroek eskuan darabilten makil luzeari, eta herritarrak eta bereziki umeak beldurtzen aritzen dira herriko kaleetan.
Kalez-kaleko eskea eta dantzak
2019/03/02 11:00 — Gallarta
Inaute larunbatean Gallartan eta ondoko larunbatean San Fuentes-en ateratzen dute Meatzaldeko Harrigorria dantza taldeak antolatzen duen landa izaera daukan inauteria. Larunbat goizean, 11:00etan kale-eskea egingo dute herriko baserri, etxe ta kaleetatik. Ondoren elkarrekin bazkaldu eta arratsaldeko 18:00etan Herriko goiko aldetik plazarainoko kalejira egingo dute mozorro ta aratustetako beste pertsonaiekin: Bizkarbaltza, Zangaluzea, Beldarroia, Hartza eta Hartzazaina, Sorginak, eta Artauntxoa.
Zamarroak, Neskak eta Mari Arroka
2019/03/02 18:30 — Olazti
Larunbatean Olaztiko ihoteak ospatzen dira, 1992. urtean berreskuratu zena. Inauteriko pertsonaia tradizionalak, Zamar handia, Zamar txikiak, Neskak eta Mari Arroka herriko kaleetan zehar ibiltzen dira zalaparta sortzen fareekin (joareak). Inauteriko elementurik ezagunenetariko bat Zamarro batzuek daramaten gurdia da. Gurdian lur bustia daramate eta umore onez botatzen diete segizioa ikustera mozorrotu gabe ateratzen direnei, Mari Arroka suzko igitaia daraman bitartean. Desfilea San Migel plazan amaitzen da, Olaztiko zortzikoa dantzatuz.
Galdakao: Altsasuko inauteria
2019/03/02 19:00 — Galdakao
Inauterietako larunbatean Altsasuko inauteria atera ohi du Andra Mari dantzari taldeak
Zarramuskeroak
2019/03/02 17:00 — Cintruenigo
Zarramuskeroak dira Cintruenigoko inauterietako pertsonaiak. Ostiral gauez, Kultur Etxeko balkoitik pregoia irakurrita, inauteriak hasten dira. Baina Zarramuskeroak larunbat eta igande arratsaldean ateratzen dira kalera. Ordubeteko tartean, zarramuskeroak izaten dira kaleetako jaun eta jabe. Talko-hautsak, kolonia eta beste produktu batzuk hartuta, aurpegia agerian duten gazte-koadrilen atzetik ibiltzen dira, eta horietako asko ez ezagutzeko moduan uzten dituzte. Antzinako jatorria duten herri-pertsonaia horiek parrokiako elizako kanpaien joaldi bereziarekin batera hasi eta amaitu ohi dute irteera.
Jardinzayen konpartsa
2019/03/02 19:00 — Donostia
Inauterietan bi aldiz ateratzen da Jardinzayen konpartsa, lehenik, inaute larunbat arratsaldean eta bigarrenez igande eguerdian. Eskolaren eskutik, Jardinzayen konpartsa tradizionala Donostiako kaleetan barrena ibiliko da. Aurten Jardinzayen Konpartsari ESKOLAren inauteri ezberdinetako jantziak gehituko zaizkio, denak nahastuta (1979-1998 urteetako jantziak).
Surrandiak
2019/03/02 18:30 — Durango
Surrandien konpartsa ateratzen da Durangon inauterietako larunbatean. Surrandiak kalejiran irtengo dira Plateruenetik Jaizale txistulari taldea eta Tabira musika bandarekin batera eta Andra Maria elizpean emango zaio amaiera. Eguerdiko 12:00etan Surrandiek triki-poteoa egiten dute eta arratsaldean 18:00etan txokolatea hartu ondoren Surrandi konpartsa irtengo da kalera 20:00etan Andra Mariko elizpean kalejirarekin amaitzeko.
Oñatiko inauteria
2019/03/02 11:30 — Oñati
Oñatz dantza taldeak, herriko musikariek eta inauterietako lantaldeak antolatzen dute Oñatiko Inauteria inaute larunbatean. Goizeko 11:30ean kalejiran abiatuko dira dantzan eta egun osoan zehar arituko dira herriko kaleetan.
Kaskaboboak eta Maskaritak
2019/03/02 13:00 — Agoitz
Inaute larunbatean eta hausterre-egun bezperan ateratzen dira Kaskaboboak eta Maskaritak. Gazteak mozorrotuta ateratzen dira eta puska biltzea egiten duten herrian zehar larunbatean. Etxerik etxe arrautza eta txistor biltzean aritzen dira, eta ondoren horrekin afaria prestatzen dute. Asteartean aldiz, inauteriari emango diote amaiera kalejira batekin berriro ere Kaskaboboak eta Maskaritak.
Talai-dantza
2019/03/02 08:00 — Amezketa
Inauterietako larunbat eta igandean ateratzen dira Amezketako talai-dantzariak eskean. 2016an hasi ziren larunbat eta igandez ateratzen, ordura arte inaute igande eta astelehenez ateratzen baitziren makil-dantza dantzatu eta puskak biltzera. Bedaio eta Amezketako baserrietatik egiten dute etxez-etxekoa.
Puska biltzea
2019/03/02 09:00 — Irun
Inaute larunbat eta igandean ateratzen dira puska biltzean Irunen. Hainbat dantza taldek Irungo txoko desberdinak bisitatuko dituzte dantzan. Inaute larunbata: Inaute igandea:
Fraindarrak arraultze-eskean
2019/03/04 08:00 — Lesaka
Lesakako Fraindarrak, inaute astelehen eta asteartean ateratzen dira Lesakako Frain auzoan puska biltzean. Musikak irauten duen bitartean dantzan aritu behar dutenekin batera musikariak, arrautzak eta dirua biltzeko ardura dutenak eta erratza astintzen dutenek osatzen dute Fraindarren taldea.
Zingar-arrautze eskea
2019/03/04 10:00 — Bera
Astelenitan zingar-arrautze eskea egiten da goizez Beran. Koadrilek euren mozorroak jantzi eta baserriz baserri aritzen dira. Baserri guztien aurrean "Zingar-arrautze, zingar-arrautze bat ez bada bertze, bertze!"kantatzen dute eta horrela lortzen dute egun horretako sari.
Miel-otxin, Ziripot, Zaldiko, Txatxoak eta Ferratzaileak
2019/03/04 13:00 — Lantz
Inauteriak Lantz-en; Arotzak, txatxoak, zaldikoa, ziripot, Mielotxin eta gainerako mozorroak Lantz-eko kaleetan egingo dute kalejira amaieran zortzikoa dantzatzeko. Lantz: Inauteriak 2012 zortzikoa, zaldikoa eta beste kontu batzuk [Bideoa]
Martingala
2023/02/20 19:30 — Burlata
Burlatako Martingala da Burlatako inauteen izena. Hartan, Aierbeko Lukas atxilotu eta epaitu egin ohi dute. Inaute astelehenean, Aierbeko Lukasen harrapaketa egoten da. Ondoren, asteartean urkatu, eta sutan erretzen dute eta, bien bitartean, oihu-zalaparta handia eta Joasikeroen dantzak izaten dira.
Martingala
2019/03/04 19:30 — Burlata
Burlatako Martingala da Burlatako inauteen izena. Hartan, Aierbeko Lukas atxilotu eta epaitu egin ohi dute. Inaute astelehenean, Aierbeko Lukasen harrapaketa egoten da. Ondoren, asteartean urkatu, eta sutan erretzen dute eta, bien bitartean, oihu-zalaparta handia eta Joasikeroen dantzak izaten dira.
Kalez-kaleko eskea eta dantzak
2019/03/09 11:00 — San Fuentes
Inaute larunbatean Gallartan eta ondoko larunbatean San Fuentes-en ateratzen dute Meatzaldeko Harrigorria dantza taldeak antolatzen duen landa izaera daukan inauteria. Larunbat goizean, 11:00etan kale-eskea egingo dute herriko baserri, etxe ta kaleetatik. Ondoren elkarrekin bazkaldu eta arratsaldeko 18:00etan Herriko goiko aldetik plazarainoko kalejira egingo dute mozorro ta aratustetako beste pertsonaiekin: Bizkarbaltza, Zangaluzea, Beldarroia, Hartza eta Hartzazaina, Sorginak, eta Artauntxoa.
Carrascoliendas
2019/03/09 10:00 — Trapagaran
Carrascoliendas deitzen da Trapagarango inauteria. Basetxe gaztetxea eta Danetarako Danok dantza taldeak sortutako ekimena da, lehengo ohitura zaharreko funtsari helduz, herritarrei dantza eta kantuz inauteria bizitzeko aukera herrikoi bat emateko nahiagatik sortua. Goizean auzoz auzo arituko dira eta arratsaldean herrian emango dute buelta.
Inude eta artzaiak
2019/03/03 10:00 — Bera
Inaute igandean ateratzen dira inude eta artzaiak Berako kaleetan. Goizeko 10etatik aurrera kalejira egingo dute herrian zehar Eztegara pilotalekutik hasita. Ondoren arratsaldean, 18:00etan hasiko dira Eztegara pilotalekutik Altzateko karrikara.
Markitos
2019/03/03 11:30 — Zalduondo
Markitos da inauterietako igandeko protagonista. Urtero bezala, zaldi gainean agertuko da goizeko 11.30ak inguruan, Arabako herri honetako kale nagusian, traje beltzez jantzita, gorbata eta guzti. Atzean herriko mutil bat izango du laguntzaile gisa, erori ez dadin. Ibilbideko puntu batean, jauregi baten parean, astotik jeitsi eta sei metroko luzerako makila baten puntan ezarriko dute. Makila zutik jarri, lurrean sartu, eta han goian geratuko da Markitos hainbat orduz. Arratsaldean, berriz, predikadorea buru duen prozesio zaratatsu bat abiatuko da Markitos dagoen tokiraino. Kale-garbitzailea eta errauts-zabaltzailea joango dira lehenbizi, biak bata beltzez jantzita. Musikariak, ondoren, eta, gero, behor batek tiratutako gurdi bat, Predikadorea barruan joango da. Ondoren Atsoa eta Agurea, Markitosen aita eta ama. Hartza eta ardia joango dira ondoren, eta, azkenik, Porreroak. Zaku-telaz jantzita, porrero hauek beren buruak lurrera bota eta pertikak erabiliz teilatuetatik zintzilikatutako kandela izoztuak apurtuko dituzte. Markitos jaitsi eta gurdian jarriko dute. Frontoira heltzen direnean epaia irakurriko dio Predikadoreak Markitosi: hil egin beharko du. Jendeak txalo egingo du. Panpina lurrean jarri eta su emango diote. Eta taldeko guztiek dantza egingo dute haren inguruan.
Talai-dantza
2019/03/03 08:00 — Amezketa
Inauterietako larunbat eta igandean ateratzen dira Amezketako talai-dantzariak eskean. 2016an hasi ziren larunbat eta igandez ateratzen, ordura arte inaute igande eta astelehenez ateratzen baitziren makil-dantza dantzatu eta puskak biltzera. Ugarte eta Amezketako baserrietatik egiten dute etxez-etxekoa.
Txantxoak
2019/03/03 08:00 — Abaltzisketa
Inauterietako igande edo Zaldunitan ateratzen dira Abaltzisketako txantxoak, mozorroa, zesteroa eta soinujolea puska biltzean baserrietan eta herrian ere. Etxe bakoitzaren atarian erratza pasa eta txantxoen makila-dantza eskaintzen dute. Goizeko 8etan elkartzen dira herriko plazan prestaketa lanari ekiteko eta ondoren hasten dira baserriak bisitatzen. Txantxoek makila-txiki deritzon makil-dantza bat egingo dute.
Txino-dantza
2019/03/03 12:30 — Aretxabaleta
Aretxabaletako inaute igandean, herriko kintoak kalean zehar ibiltzen dira Txino-dantza abestuz eta dantzatuz kamisoi eta txapelarekin. Eguerdian koadrilak eta konparsak kaleratzen dira, eta bakoitza bere karroza, txaranga, mozorro eta zaratarekin sarzen da kalejiran. Denak doaz norabide batean, eta justo kontrako norabidean dator dozena bat ero, dozena bat kinto txino-dantzan.
Goitarrak
2019/03/03 08:00 — Lesaka
Inauteri igandean, Goitarrak baserriz baserri dantzan eta arraultze-arraultze puska biltzea egiten. Jotak dantzatzen dituzte baserrien aurrean.
Zaku zaharrak
2019/03/03 19:00 — Lesaka
Zaldunita arratsaldez ateratzen dira zaku-zarrak Lesakan. Plazaren albo batean dagoen lasto tontor batetik lastoa hartuz eta zakuak honekin betez jazten dira zaku-zar-gaiak. Ondoren, kalez kale ibiltzen da zaku-zar taldea, lerroan martxan doala. Makil luze bat izaten du eskuan lerro buruak eta beste makila luzea azkenak. Musika hastearekin batera hasten da zaku-zarren martxa. Puxikak batera eta bestera indarrez astintzen dituzte eta erritmo biziz gurutzatzen dituzte Lesakako kaleak. Aldian behin gelditu eta fandangoa dantzatzen dute zaku-zarrek, besoekin, oin astun horiek altxatuko dituenik ez baitago.
Zahagi-dantza eta Hartza
2019/03/03 10:00 — Markina-Xemein
Aratuste domekan, inauteri igandean, zaragi-dantzariak ibiltzen dira Markina-Xemeingo kaleetan Hartzak lagunduta. Zaragi-dantza egiten dute Zerutxuko dantzariek eta Hartzak panderoaren doinura dantza egiteko ahalegina egiten du, baina iheserako eta jendea beldurtzeko zaletasuna handiago du. Markina-Xemein: Zaragi-dantza eta antzar jokoa 2013 [Bideoa]
Atorrak
2019/03/03 10:00 — Mundaka
Inaute igandean ateratzen dira Mundakako Atorrak kantuan. Mundakako Txistulari Marrauen kalejira, 10etan Atorrekin lagundurik. 12.30etan Mundakako Atorren Estudiantina Aratuste abestiarekin hasita. 18.00etan Herriko plazan Laminek agerraldia egingo dute orro, dantza eta kantuekin.
Elegante eguna
2019/03/03 12:30 — Azpeitia
Inaute igandean ospatzen dute Elegante eguna Azpeitian. Eguerdiko 12:30ean Eleganteen pasiera egiten da, herritarrak garai bateko soineko eta jazki apainekin jantzi ohi dira kalean gora, kalean behera pasiatzeko, antzinako antzera. Itsasikoen artzai-inudeen kalejira, danbor-joleekin eta San Sebastian eguneko danborradaren karrozarekin ere ikusi ahal izango dira. Juan Antxieta Musika Eskolako txistulariak eta Incansables txaranga ere kalez kale ibiliko dira.
Marrauen soka-dantza
2019/03/03 12:00 — Gernika
Zaldunita edo inaute igandean, eguerdiko 12:00etan, puntuan, marrauek Gernikako Foru Plaza hartzen dute soka-dantza dantzatzeko. Soka-dantzak ohiko egitura du, hau da, desafioa, banan-banangoa, zubiak, agurrak eta abar. Dantzariak, ordea, maskara batekin eta gorputz guztia estaltzen dien lohihartzeko batekin dantzatzen dute.
Sorgin-dantza
2019/03/03 10:00 — Antzuola
Inauterietako igandean, sorgin-dantza egiten duten Antzuolan kalez kale Hartza, domadorea eta tximinoarekin. Goizeko 10etan irteten dira kalez kale dantzan eta eguerdian, 12:30 inguruan plazan elkartu eta berriro egiten dute dantzan. Antzuolan mende hasieran Sorgin Dantza dantzatzen zen, eta bertan beste bi moldaketatan azaltzen ez diren pertsonaiak agertzen ziren. Espainiako Gerrate Zibilaren ondoren dantza ahazmenean gelditu zen. 1990. urtean Oinarin herriko dantza taldeak berreskuratu zuen.
Jardinzayen konpartsa
2019/03/03 12:00 — Donostia
Inauterietan bi aldiz ateratzen da Jardinzayen konpartsa, lehenik, inaute larunbat arratsaldean eta bigarrenez igande eguerdian. Eskolaren eskutik, Jardinzayen konpartsa tradizionala Donostiako kaleetan barrena ibiliko da. Aurten Jardinzayen Konpartsari ESKOLAren inauteri ezberdinetako jantziak gehituko zaizkio, denak nahastuta (1979-1998 urteetako jantziak).
Puska biltzea
2023/02/19 09:00 — Irun
Inaute larunbat eta igandean ateratzen dira puska biltzean Irunen. Hainbat dantza taldek Irungo txoko desberdinak bisitatuko dituzte dantzan. Inaute larunbata: Inaute igandea:
Mamuxarro gazteak
2019/03/03 16:30 — Unanu
Asteartita edo inaute astearte arratsaldean mamuxarro nagusien txanda bada ere, bi egun lehenago, igande edo zaldunitan, herriko mamuxarro gazteak ateratzen dira. Mutua, ezkil eta zintzarri gabeko mamuxarroa, Unanuko kaleetan zehar ibili ohi dira. Metalezko maskara bat aurpegian eta makil luze bat eskuan korrikaldi politak egiten dituzte Ergoienako herri txikitik. Hori dena, makilarekin hanketan jotzeko.
Sagar-dantza eta Hartza
2019/03/05 10:00 — Arizkun
Asteartitan edo inaute asteartean Arizkunen ere inauteriak ospatzen dira. Goizean sagar-dantza egiten dute herriko kaleetatik eta ondoren mozorroak eta hartza ateratzen dira.
Miel-otxin, Ziripot, Zaldiko, Txatxoak eta Ferratzaileak
2019/03/05 13:00 — Lantz
Inauteriak Lantz-en; Arotzak, txatxoak, zaldikoa, ziripot, Mielotxin eta gainerako mozorroak Lantz-eko kaleetan egingo dute kalejira amaieran zortzikoa dantzatzeko. Gauean Mielotxin erreko dute eta inguruan zortzikoa dantzatuko zaio. Lantz: Inauteriak 2012 zortzikoa, zaldikoa eta beste kontu batzuk [Bideoa]
Puska biltzea eta zahagi-dantza
2019/03/05 10:00 — Goizueta
Goizeko 9etan mozorroak gosaltzeko elkartuko dira eta 10etatik aurrera herrian eskean aritu dira. Bazkalostean, 17:30ean zahagi-dantza egingo dute herriko hainbat txokotan.
Fraindarrak arraultze-eskean
2019/03/05 08:00 — Lesaka
Lesakako Fraindarrak, inaute astelehen eta asteartean ateratzen dira Lesakako Frain auzoan puska biltzean. Musikak irauten duen bitartean dantzan aritu behar dutenekin batera musikariak, arrautzak eta dirua biltzeko ardura dutenak eta erratza astintzen dutenek osatzen dute Fraindarren taldea.
Lezeagako sorgina
2019/03/05 19:15 — Laudio
Inaute asteartean, 19:15etan emango zaio amaiera inauteriei Lezeagako sorginaren erreketarekin.
Mamuxarroak
2019/03/05 17:00 — Unanu
Asteartita edo inaute astearte arratsaldean mamuxarroak eta mutua, ezkil eta zintzarri gabeko mamuxarroa, Unanuko kaleetan zehar ibili ohi dira. Metalezko maskara bat aurpegian eta makil luze bat eskuan korrikaldi politak egiten dituzte Ergoienako herri txikitik. Hori dena, makilarekin hanketan jotzeko.
Momotxorroak
2019/03/05 19:00 — Altsasu
Inaute astearte edo asteartita iluntzean elkartzen dira Juan Tranposo, akerra, momotxorroak... Altsasun. Jantzi, zikindu eta kalera irteten dira herritik dabilen jendea beldurtzen. Zenbait momentutan momotxorroen-zortzikoa dantzatzen dute.
Martingala
2019/03/05 19:00 — Burlata
Burlatako Martingala da Burlatako inauteen izena. Hartan, Aierbeko Lukas atxilotu eta epaitu egin ohi dute. Inaute astelehenean, Aierbeko Lukasen harrapaketa egoten da. Ondoren, asteartean urkatu, eta sutan erretzen dute eta, bien bitartean, oihu-zalaparta handia eta Joasikeroen dantzak izaten dira.
Kaskaboboak eta Maskaritak
2019/03/05 19:00 — Agoitz
Inaute larunbatean eta hausterre-egun bezperan ateratzen dira Kaskaboboak eta Maskaritak. Gazteak mozorrotuta ateratzen dira eta puska biltzea egiten duten herrian zehar larunbatean. Etxerik etxe arrautza eta txistor biltzean aritzen dira, eta ondoren horrekin afaria prestatzen dute. Asteartean aldiz, inauteriari emango diote amaiera kalejira batekin berriro ere Kaskaboboak eta Maskaritak.
Estudiantina
2019/03/05 10:30 — Lekeitio
Lekeitioko Estudiantinak herriko kaleak alaituko ditu kantuekin.
Kukumarroak
2019/03/05 17:00 — Eskoriatza
Eskoriatzako inauterietako pertsonaia nagusiak kukumarroak dira. Inauterietako asteartean irteten dira. Basagizon hauek, negu amaieran, menditik jaitsi eta herritarrak zirikatzen eta beldurtzen ibiltzen ziren. Sabelean loredun mantala zeramaten eta bizkarrean, ardi-larrua. Haurrek burla egiten zieten: "kukumarro, txorimalo". Egun, Kultur Etxetik irteten dira haurrak zirikatzera puxikarekin.
Toribio
2019/03/05 19:00 — Kanpezu
Kanpezun inaute asteartean ateratzen dute Toribio. Lastoz sortua den panpina da eta herriko gaitz guztien erruduna. Toribiorekin batera kalejira egiten dute eta ondoren epaitua izaten da. Erruduna denez, ibai ertzera eraman eta bertan itotzen dute.
Sardinaren ehorzketa
2019/03/05 18:00 — Errenteria
18:00etan, Amulletako Danbor Kofradiak erretreta joko du Sardina Ehorzketa iragartzeko eta Herriko plazan, bertsoak eta azken agurra egingo dira. 19:30ean, Ereintza Elkarteak antolatutako Sardina Ehorzketaren hileta-segizioa Fatima Andre Mariaren elizatik irtengo da, Errenteriako Musika Kultur Elkarteko bandak lagunduta. Elizatik irtengo da eta honako ibilbidea egingo du: Bittor Idiazabal, Alaberga, Biteri, Xenpelar, eta Herriko plazan amaituko da. Jarraian.- Herriko plazan, bertsoak eta azken agurra. Sardina Panierreko zubitik behera ibaira botako da.
Txatamorroak, aittun handiya eta amin txikiya
2023/02/21 16:00 — Arbizu
Arratsaldez eta iluntzean txatamorroak aterako dira karrikara, eta iluntzean aittun handiya eta amin txikiya erreko dituzte plazan.
Damak
2019/03/05 17:00 — Erratzu
Inaute asteartean ateratzen da Damen desfilea Erratzun. Dama hauek kalez kale aritzen dira bonboekin soinu erritmikoak jotzen.
Libertimendua
2019/03/03 09:30 — Donibane Garazi
Inaute igandean Libertimendua emanen dute Donibane Garazin. Garaztarrak dantza taldeak, Zirtzilen antzerkiak eta bertsolariek girotuko dituzte Donibane Garaziko kaleak. Goizeko 9.30tan hasiko da kabalkada karriketan eta ondotik 11.30ean Libertimendua Trinketaren aitzinean.
Baigurako libertimendua
2023/02/12 10:30 — Lekorne
Goizeko 10:30ean kabalkada hasiko da: zapurrak buruan, makilaria, bolantak, andere xuriak, zirtzilak, bertsolariak eta musikariak. Ondoren plazan dantzak, bertsoak, antzezpenak…
Iruinkokoa
2022/02/27 09:30 — Iruñea, Santa Ana Plaza
Otsailak 6, igandea Otsailak 13, igandea Otsailak 26, larunbata Otsailak 27, igandea Martxoak 5, larunbata Martxoak 12, larunbata Martxoak 13, igandea
Libertimenduak 2022
Libertimendua
2019/02/24 10:00 — Donapaleu
Hazparneko Libertimendua
2023/03/11 10:30 — Hazparne
Hazparnen libertimendua egingo dute martxoaren 11n. Dantzari dotore, garbi eta mutuek pixkanaka zirtzil ilun, zikin eta kritikoen lekua hartuko dute eta bertsolariek narratuko dute plazan gertatzen dena.
Añorgako Dibertimentua
2023/02/18 10:00 — Añorga
Goizean zehar hiru barrikada egingo dituzte Añorga Txiki, Karmengo Ama eta Pedro Jose auzuneetan, eta, gero, emanaldi nagusia Añorgako Harrobiaren plazan. 10:00etan abiatuko dituzte barrikadak eta 13:00etan izango da emanaldia.
Kokomarroak
2022/02/25 19:00 — Artea
Kokomarroan aterako dira Artean otsailaren 25 iluntzean, 19:00etan eskolatik. Hainbat urtez lozorroan egon ostean, 2021ean, herritar taldetxo batek herriko zaharrenek akorduan dituzten Kokomarroak “berpiztu” zituzten.
San Blas soka-dantza
2022/02/03 19:30 — Iruñea, Sarasate pasealekua
San Blas eguneko soka-dantza dantzatuko du Duguna dantza taldeak Sarasate pasealekuan.
Alberto Cortés: One night at the golden bar
2023/02/02 19:00 — Bilbo, Azkuna Zentroa
Alberto Cortés performer, eszena-zuzendari eta antzerkigileak "One night at the golden bar" izeneko azken sorkuntza aurkeztuko du, egilearen arabera "queer diskurtsoaren eta erromantikoaren arteko tentsio etengabean maitatzen duen gorputzaren ahultasuna azaleratzen du", eta hori kantatuz adierazten du. Azken urteetan garatzen ari den kontakizun eszeniko horren beste kapitulu bat idatzi du Cortések, askotan autofikziokoa dena. Honako honetan, “aingeruaren irudi zerutiarraren iruditeriak gai ugari zeharkatu ditu: zer maskulinitatek gobernatzen gaituen, zer hauskortasun eta arrakala ez diren ari aipatzen, zer identitate dauden leku zaurgarri bezain izugarrian, zapaltzen gaituen patuari nola kantatu. Ahultasun egoera bat bilatzen duen kantika da, ahultasunean ezkutatzen diren afektuen eta edertasunaren boterea agerraraziko duena. Azaleratuz aldi berean ahula eta izugarria den leku batean zer identitate dauden, eta gorputz horiek nola babestuko ditugun, maite dutenean nola sentitzen diren publikoki oihukatzen dutenean”. "One night at the golden bar" honek Mecanoren La fuerza del destino abestira garamatza, bi lagunek taberna batean era konponezinean elkar topatzeari buruzkoa, queer ikuspegitik ari zaigu, leku horietan sortzen diren istorioez, genero-identitateez eta maitasuna adierazteko modu ugariez.Fitxa artistikoa
Jon Maya eta Andrés Marín: Yarin
2023/02/02 19:00 — Donostia, Victoria Eugenia Antzokia
Gaurko urrats bakoitzak, biharko bide bat eraikitzen du. Luzatzen den esku baten aurrean marraztu, arnastu, pentsatu eta dantzatzen dugu. Eman eta jaso. Ez ditu sustraiak saihesten, haietara begira sakontzen du, bertan ereiten du. Elkarbanatuz, elkarrizketatuz, espazio komunak bilatzen ditu. Horrelakoxea da gure artea. Sustraiak, sakonera, unibertsaltasuna, elkarbanatzeko grina… Jon Maya eta Andres Marín dantzarien ibilbidearen ezaugarri nagusiak dira. Mayaren euskal dantza eta Marínen dantza flamenkoa euren sorkuntza abiatzen den iturri nagusia dira. Bertatik abiatuta, biak etengabeko elkarrizketan sartzen dira beste kultura, lengoaia eta errealitate artistikorekin. Proiektu honetan, Maya eta Marinek euren sorkuntza eta esperientzia batzea erabaki dute, bertan euskal kulturak eta flamenkoak dituzten elementu komunetan sakonduz, euren jatorrietan oinarrituta eta sustrai horietatik elkarrizketa sustatuta. Jatorri euskalduna eta flamenkoa duten dantzak bat egite nahiak batu ditu bidean. Julen Achiary kantari eta musikari baionarrak lagun dute oholtzan.
Yarin elkarrekin marrazten dugun etorkizuna da; ondokoaren begiradara garamatzan leihoa, sustraietatik abiatu eta etengabeko elkarrizketak argitzen duen hostoetara garamatzana. Yarin sustraia da. Yarin topaketa da. Yarin ‘bihar’ hitzaren sinonimoa da, eta ondokoaren lehioari egiten diogun begirada konplizea.Fitxa
Organik: Arnasa
2023/02/03 19:30 — Bilbo, BBK Aretoa
Arnasa dantza inklusiboko lan bat da; interprete profesionalak eta dibertsitate funtzionala duen pertsona bat agertzen dira oholtzan. Sorkuntza kolektiboa eta inklusiboa da, eta aldaketa emozionalek arnasketan nola eragiten diguten azaltzen du. Arnasa konpainiak pertzepzio berrietara irekitzeko duen beharraren emaitza da. Dibertsitatearen munduan murgilduko gara eta gure komunitateko kolektiboekin lan egiten dugu tokiko kultura ehuna sustatzeko. Horretarako, hainbat tailer egin ziren Getxoko hainbat kolektiborekin. Horietan, dibertsitate funtzionala duten pertsonekin sentsibilitatea, mugimendua eta arnasketa landu ziren dantzaren bitartez. Hortik sortu zen zuzeneko musikarekin dantzalan inklusibo bat sortzeko prozesua bultzatzea, kolektibo hori sormenprozesu horren protagonista bihurtzeko. *Dferia jaialdiaren baitan.
Lasala: Dead
2023/02/04 19:00 — Durango, San Agustin Kultur Gunean
Izaki bizidun guztiak hiltzen dira. Kultura, sinesmen eta erlijio guztiek era askotara jorratzen dute heriotzaren gaia, baina ulertzeko modua dogma funtsezkoa da. Gizaki guztiek dakite hil egingo direla, eta, horregatik, pentsamendu hori buru orotan ezarrita dago. Momentuoro bizi.
Kuestazioa eta zortzikoa
2019/02/05 20:00 — Altsasu
Santa Ageda egunez, herriko kintoek kuestazioa egiten dute herrian zehar eta arratsaldeko 20:00etan zortzikoa egiten dute plazan. Horrela, otsailaren 5ean hasiko dituzte bost eguneko ospakizunak.
Urdiain: Zortzikoa
2022/02/06 12:00 — Urdiain, Plaza
Kintoen jaiak ospatzen dira Urdiainen. Hamazazpi, hemezortzi eta hemeretzi urteko gazteek elkarrekin ospatu ohi dute Santa Ageda bueltako asteburua. Hiru egun eskean, festan eta jan edanean pasatzen dituzte, eta, azkenik, igandean, zortzikoa dantzatzen dute plazan.
Kintoen soka-dantza
2019/02/05 19:00 — Aretxabaleta
Santa Ageda bezperan, otsailaren 4an, herriko kintoak kantuan eta eskean jardungo dute baserriz baserri. Otsailaren 5ean, hau da, Santa Ageda egunez aldiz, herrian zehar aritzen dira eskean goizez. Ondoren, arratsaldeko 19:00etan herriko plazan elkartu eta soka-dantza dantzatzen dute. Soka-dantza hau, otsailaren 5ean egiten dute lehen aldiz, eta gero igande guztietan errepikatuko dute inaute igande arte.
Kintoen soka-dantza
2023/02/05 19:00 — Aretxabaleta
Aretxabaletako kintoek Santa Ageda egunean hasi eta inaute egindera arte aurreskua edo soka-dantza egiten dute igandero.
Kintoen soka-dantza
2023/02/12 19:00 — Aretxabaleta
Aretxabaletako kintoek Santa Ageda egunean hasi eta inaute egindera arte aurreskua edo soka-dantza egiten dute igandero.
Kintoen soka-dantza
2023/02/19 19:00 — Aretxabaleta
Aretxabaletako kintoek Santa Ageda egunean hasi eta inaute egindera arte aurreskua edo soka-dantza egiten dute igandero.
Kintoen aurreskua
2019/02/05 19:00 — Eskoriatza
Santa Ageda egunean, urte horretan hemezortzi urte betetzen dituzten gazteak herrian ibiltzen dira eskean. Galtza eta alkandora zuriak, zinta gorridun alpargata zuriak, gerriko eta txapela gorriak eta lepotik koloretako zapia janzten dituzte. Kinto zaharrenak eta gazteenak txapela eta gerriko beltzak eramaten dituzte. Eskean ibili ondoren, 19:00tan plazan, aurreskua burutzen dute. Hurrengo igandean ere dantzatzen dute. Aurrez ere aritu dira eskean zenbait egunez. Ostegun arratsaldean hasi ziren kintoak kantu-eskean. Ostiralean berriz, baserriz baserri, ikastetxeetan-eta ibili ziren eta larunbatean, Kinttada Egunean, kalean zehar.
Ezpata-dantza
2023/02/02 17:30 — Donostia
Donostiako Goizaldi dantza taldeak 75. urteurreneko ospakizunen barruan ezpata-dantza prozesioa egingo du. 17:30ean Easotik abiatu eta 17:45ean Groseko Euskadi Plazan.
Momoxarroak
2023/02/21 18:00 — Urdiain
Astearte-inauterian 18:00ak aldera aterako dira momoxarroak Udiango kaleetara. Batzuk ardi-narruak soinean, besteek ohe-estalkiak, beste batzuek txano konikoa jantziko dute. Guztiek aurpegia estalita eta farak izanen dituzte nondik dabiltzan jakiteko. Jendea zigorrekin berotzen ariko dira. . Momoxarroak zirikatzeko honako errepika erabiltzen dute herritarrek: momoxarro xirrikiti xarro, esportero molinero, zaia janda putza gero, arre konpañero.
Mantagunak
2023/02/18 16:30 — Urdiain
Arpilerazko mantak edo zakuak soinean, aurpegia estalia, ikusteko bi zulorekin. Horrela jantzitako pertsonaiak topatuko dituzue Urdiainen larunbat inauteriz 16:30etik aurrera Urdiaingo kaleetan. Hori bai, argi ibili beharko da jendea, ihote-pertsonaiek eskuan zigorra dutelako eta jendea berotzeko prest daudelako. Haiek zirikatu nahi dituenak honako errepika esatea besterik ez du: Mantaguna, guna, guna, guna, zakuan kunkuna.
Momoxarro txikiak
2023/02/19 16:30 — Urdiain
Momoxarro txikiak irteten dira inauteri igandez Urdianingo kaleetra 16:30 edo 17:00ak aldera askotariko itxura hartuta. Batzuk ardi-narruak soinean, besteek ohe-estalkiak, beste batzuek txano konikoa jantziko dute. Guztiek aurpegia estalita eta farak izanen dituzte nondik dabiltzan jakiteko. Jendea zigorrekin berotzen ariko dira. Momoxarroak zirikatzeko honako errepika erabiltzen dute herritarrek: momoxarro xirrikiti xarro, esportero molinero, zaia janda putza gero, arre konpañero. Asteartean irtengo dira helduak.
Baigorriko libertimendua
2023/03/05 10:30 — Baigorri
Baigorrin libertimendua egingo dute martxoaren 5ean, 10:30ean kabalkada eta emanaldia 11:00etan. Neguan jaun eta jabe izan dira zirtzilak, baina udaberria hurbiltzen ari den bezala dantzariak agertuko dira plazetan. Aurrez aurre edo elkarrekin izango dira Euskal Herriko zenbait plazetan antolatu diren libertimenduetan dantzariak, zirtzilak eta bertsolariak. Dantza, antzerkia eta bertsoa dira inauteri hauetako ezinbesteko osagaiak. Dantzari dotore, garbi eta mutuek pixkanaka zirtzil ilun, zikin eta kritikoen lekua hartuko dute eta bertsolariek narratuko dute plazan gertatzen dena.
Muxikoak
2023/02/12 12:00 — Errenteria, Koldo Mitxelena ikastetxeko patioa
Errenteriako Beti Prest elkarteak muxikoak antolatu ditu otsailaren 12an, igandean, eguardiko 12:00etan.
Ballet BC: Vancouver
2023/02/11 19:00 — Bilbo, Arriaga
Egoitza Vancouverren duen Ballet BC konpainia kanadiarra 1986an sortu zen. Ordutik, sekulako errepertorioa landu du munduko koreograforik handienekin, besteak beste, William Forsythe, Ohad Naharin eta Emanuel Gat ospetsuekin. Nazioartean itzal handia lortu duten maila handiko dantzariak ditu taldekide. Arriaga antzokira egingo duten lehenengo bisitan, Medhi Walerski NDTko dantzari ohi eta koreografoak egitarau hirukoitz hunkigarria eskainiko du. Emanaldia hasteko, dantza-konpainiak Garden lana eskainiko du. Walerskik berak sortutakoa da, Camille Saint-Saëns musikagileak piano eta hari boskotearentzako La minorrean konposatutako musika-lanean inspiratuta. Hala, ikuskizun arin eta organikoan, elkarrizketa liluragarria sortuko da musika finaren eta dantzarien gorputz sentsualen artean. The Statement izango da gaueko bigarren pieza. Kanadako Crystal Pite koreografo ezagunak irudimen itzelezko sorkuntza-lana proposatzen du, dantza eta antzerkia uztartuta botere-gatazka aztertzen duena. Kontrola eskuratzeko borrokan murgilduta dauden lau antzezlek manipulazioari aurre egingo diote. Jonathon Young antzerkigile kanadarraren testu indartsua da lanaren euskarria. Emanaldia ixteko, Sharon Eyal israeldarrak Gai Behar artista eta ekoizlearekin batera sortu duen Bedroom Folk pieza ikusgarria eskainiko dute. Hemezortzi antzezlek interpretatutako talde-koreografia da, eta Ori Lichtick artistaren musika elektronikoan oinarrituta dago. Dantzariak dantza hipnotiko batera bideratuko dituzte, eta, aldi berean, askotariko keinu konplexuak egiteko ahalmena berenganatuko dute, maisuki, musika oroitarazle eta indartsua lagun dutela.
Taldea
GARDEN
THE STATEMENT
BEDROOM FOLK
Produkzioa: Ballet BC konpainia. Kanadako Arteen Kontseiluaren laguntzarekin.
Ballet BC: Vancouver
2023/02/12 19:00 — Bilbo, Arriaga
Egoitza Vancouverren duen Ballet BC konpainia kanadiarra 1986an sortu zen. Ordutik, sekulako errepertorioa landu du munduko koreograforik handienekin, besteak beste, William Forsythe, Ohad Naharin eta Emanuel Gat ospetsuekin. Nazioartean itzal handia lortu duten maila handiko dantzariak ditu taldekide. Arriaga antzokira egingo duten lehenengo bisitan, Medhi Walerski NDTko dantzari ohi eta koreografoak egitarau hirukoitz hunkigarria eskainiko du. Emanaldia hasteko, dantza-konpainiak Garden lana eskainiko du. Walerskik berak sortutakoa da, Camille Saint-Saëns musikagileak piano eta hari boskotearentzako La minorrean konposatutako musika-lanean inspiratuta. Hala, ikuskizun arin eta organikoan, elkarrizketa liluragarria sortuko da musika finaren eta dantzarien gorputz sentsualen artean. The Statement izango da gaueko bigarren pieza. Kanadako Crystal Pite koreografo ezagunak irudimen itzelezko sorkuntza-lana proposatzen du, dantza eta antzerkia uztartuta botere-gatazka aztertzen duena. Kontrola eskuratzeko borrokan murgilduta dauden lau antzezlek manipulazioari aurre egingo diote. Jonathon Young antzerkigile kanadarraren testu indartsua da lanaren euskarria. Emanaldia ixteko, Sharon Eyal israeldarrak Gai Behar artista eta ekoizlearekin batera sortu duen Bedroom Folk pieza ikusgarria eskainiko dute. Hemezortzi antzezlek interpretatutako talde-koreografia da, eta Ori Lichtick artistaren musika elektronikoan oinarrituta dago. Dantzariak dantza hipnotiko batera bideratuko dituzte, eta, aldi berean, askotariko keinu konplexuak egiteko ahalmena berenganatuko dute, maisuki, musika oroitarazle eta indartsua lagun dutela.
Taldea
GARDEN
THE STATEMENT
BEDROOM FOLK
Produkzioa: Ballet BC konpainia. Kanadako Arteen Kontseiluaren laguntzarekin.
La Chachi: Taranto aleatorio
2023/02/11 19:00 — Bilbo, La Fundicion
Maria del Mar Suarez “La Chachi” Lola Doloresekin. Bi emakume pipak jaten ari dira parkean edo etxe bateko atean, edo patio batean. Eguneroko espazio bat, solasaldi bat, isiltasunaren intimitatea partekatzen ari dira. Bat-batean, kantuak eta dantzak mundu arrunta eten eta magia barneratzen dute. Denbora geldiarazian, enigmatikoan, koreografia arranpa leuna bailitzen sortzen da zurrunbilo bilakatzen den arte. El Taranto, makila flamenko modura, Almeriako meatzaritza eremutik dator. Jatorrian antzinako kantua da, sinplea, lehorra, gitarrarik gabea, modu askean abesteko premiaren ondorioz sortua. Ikerketa eszenikoko pieza honetan biluztasun bat dugu bidelagun eta harekin esperimentatzen dugu. Oholtza tradizionalaren egitura errespetatuz, dantzaren eta kantuaren topaketa ausazkora nola bidera daitekeen ikertuko dugu, eraldatzeraino. Isiltasunetik abiatuz, instrumenturik gabe, ahotsaren eta gorputzaren arteko solasaldia hasiko dugu, zoriak esku har dezan utziz. Dantzarako aldarriak tarantoaren kexu-oihuak arakatzen ditu, koreografiak kutsaduratik abiatuz eralda daitezen, dantzatzean eta kantatzean sortzen den oro gaineratuz. Dramaturgia berrietan lekutzen den lengoaia eszenikoan gorputzaren eta kantu biluziaren ustekabearen ikerketan murgiltzen gara. Zehaztasunik bilatu gabe, keinu sorta adeigabea, umorea eta zoria dena ageri dira. Dantza eta kantua aldatu egiten dira guztiz hautsi gabe eta, gertatzen dena baitaratu egiten dugu, bizitzan bezalaxe, dantzan jarraitzeko.
Orpo-kolpeen segida, modu errepikakorrean kexatu eta irri egiten duena.
Gelditzen ez den abestia, indartu eta espazioa inguratzen duena.
La Chachi: Taranto aleatorio
2023/02/12 19:00 — Bilbo, La Fundicion
Maria del Mar Suarez “La Chachi” Lola Doloresekin. Bi emakume pipak jaten ari dira parkean edo etxe bateko atean, edo patio batean. Eguneroko espazio bat, solasaldi bat, isiltasunaren intimitatea partekatzen ari dira. Bat-batean, kantuak eta dantzak mundu arrunta eten eta magia barneratzen dute. Denbora geldiarazian, enigmatikoan, koreografia arranpa leuna bailitzen sortzen da zurrunbilo bilakatzen den arte. El Taranto, makila flamenko modura, Almeriako meatzaritza eremutik dator. Jatorrian antzinako kantua da, sinplea, lehorra, gitarrarik gabea, modu askean abesteko premiaren ondorioz sortua. Ikerketa eszenikoko pieza honetan biluztasun bat dugu bidelagun eta harekin esperimentatzen dugu. Oholtza tradizionalaren egitura errespetatuz, dantzaren eta kantuaren topaketa ausazkora nola bidera daitekeen ikertuko dugu, eraldatzeraino. Isiltasunetik abiatuz, instrumenturik gabe, ahotsaren eta gorputzaren arteko solasaldia hasiko dugu, zoriak esku har dezan utziz. Dantzarako aldarriak tarantoaren kexu-oihuak arakatzen ditu, koreografiak kutsaduratik abiatuz eralda daitezen, dantzatzean eta kantatzean sortzen den oro gaineratuz. Dramaturgia berrietan lekutzen den lengoaia eszenikoan gorputzaren eta kantu biluziaren ustekabearen ikerketan murgiltzen gara. Zehaztasunik bilatu gabe, keinu sorta adeigabea, umorea eta zoria dena ageri dira. Dantza eta kantua aldatu egiten dira guztiz hautsi gabe eta, gertatzen dena baitaratu egiten dugu, bizitzan bezalaxe, dantzan jarraitzeko.
Orpo-kolpeen segida, modu errepikakorrean kexatu eta irri egiten duena.
Gelditzen ez den abestia, indartu eta espazioa inguratzen duena.
Andaluziako Ballet Flamenkoa: El maleficio de la mariposa
2023/02/18 19:30 — Iruñea, Baluarte
Lorcaren jaiotzaren 125. urteurrena El maleficio de la mariposa balletarekin ospatuko dugu. Lan horrekin, hain zuzen, debuta egin zuen egileak taula gainean. Testua frustrazioaren, maitasunaren eta heriotzaren gaineko parabola da; dramagile eta olerkari moduan Lorcak garatu zituen gai nagusiak, zehazki. Lan honetan musikariak daude zuzenean, eta protagonistak intsektu batzuk dira, istorioari giro kezkagarria ematen diotenak. Estreinatu zutenean, eskandalua izan zen, 'La Argentinita' tximeleta zuriak bakarrik salbatu zuena, bere dantza erakutsiz, beltxargaren heriotza iragankorra, tximeleta baten hegoak ireki-ixtean galtzen den irudia. Ballet Flamenco de Andalucía taldeak 25 urte bete zituen 2019an. Hasieratik bertatik, Andaluziako Juntaren dantza-taldeak paper eszeniko bikaina sendotzea lortu du, komunitate hori eta bere arte bereziena ordezkatuz mundu osoko agertokietan.
Yarin
2023/02/19 19:00 — Getxo, Muxikebarri
YARIN elkarrekin imajinatzen dugun etorkizuna da; bestearen begiradarako leihoa, non elkarrizketak piztutako orriak agertzen diren. YARIN sustraia da. YARIN topaketa da. YARIN elkarrizketa da. YARIN etorkizunaren sinonimoa da eta bestearen leihora egindako begirada konplizea. Sustraia, sakontasuna, irekitasuna, unibertsaltasuna... Andrés Marín eta Jon Mayaren ibilbide eta nortasunekin oso lotuta dauden ezaugarriak dira. Marinen sustrai flamenkoa eta Mayaren euskal dantza dira bien sorkuntzaren abiapuntuko tresnak, eta hortik aurrera, biak beste kultura, diziplina eta errealitate artistiko batzuekin elkartzeko etengabeko elkarrizketan murgiltzen dira. Julen Achiary lagunduko die bere zuzeneko ahotsarekin.Fitxa
Urbeltzen dantza ganbara
2023/01/11 19:30 — Bilbo, Bilboko Kafe Antzokia
Dantzan egiteko saio irekia Juan Antonio Urbeltzen eskutik. Edonork parte har dezakeen dantzen jaia. Publiko zabalari euskal dantzak hurbilarazteko saioa da Dantza Ganbara. Ez da beharrezkoa dantzari trebea izatea, helburua ondo pasatuz euskal dantza tradizionalarekin harremanetan hastea baita. Hori guztia Juan Antonio Urbeltzen zuzendaritzapean, berau folklorista ospetsua eta euskal dantzen ikerle nekaezina baitugu.
Osa + Mujika: Abundance
2023/02/24 20:00 — Sopela, Kurtzio Kultur Etxea
Desioari eustea ordena publikoari eustea da, baina baita dike bat altxatzea ere, beste persona batzuekin izan ditzakegun esperientzia berrien aurrean. Desioa askatzeak, aldiz, areagotu egiten ditu gure zentzumenak, baina erreakzio kimiko orori dagokion bezala, kaosa sortzea eragiten du. Osa + Mujika konpainiaren oholtzarako laugarren dantza pieza izango da Abundance. Plazera eta desioa landuko dituen lan honek 50 minutu inguru iraungo ditu eta 5 interprete izango ditu. Aurreko lanetan bezala gai nagusiari paraleloan gizarte gaiak jorratuko ditugu, talde anitza taularatuz eta arlo estetikoa, dramaturgia eta koreografia osotasunean landuz.
Osa + Mujika: Abundance
2023/03/01 19:00 — Eibar, Coliseo Antzokia
Desioari eustea ordena publikoari eustea da, baina baita dike bat altxatzea ere, beste persona batzuekin izan ditzakegun esperientzia berrien aurrean. Desioa askatzeak, aldiz, areagotu egiten ditu gure zentzumenak, baina erreakzio kimiko orori dagokion bezala, kaosa sortzea eragiten du. Osa + Mujika konpainiaren oholtzarako laugarren dantza pieza izango da Abundance. Plazera eta desioa landuko dituen lan honek 50 minutu inguru iraungo ditu eta 5 interprete izango ditu. Aurreko lanetan bezala gai nagusiari paraleloan gizarte gaiak jorratuko ditugu, talde anitza taularatuz eta arlo estetikoa, dramaturgia eta koreografia osotasunean landuz.
Matxalen Bilbao: Serenity Suite
2023/02/25 19:00 — BAlmaseda, La Encartada fabrika-museoa
*MusEkintza 2022/2023 jaialdiaren barruan. Pieza onen bitartez Matxalen Bilbao koreografoak adinaren aurreiritzietatik ihes egin nahi du, eta helduaroa goraipatu nahi du burmuina eta gorputza modu harmoniatsuan elkarrekin bizi diren etapa osatu gisa. Hala, Natalia García dantzari gazte eta Matxalen Bilbao dantzari beteranoak interpretatutako duoa da Serenity Suite. Ia hiru hamarkadako aldea dago bien artean, baina belaunaldien arteko distantzia bizitzan oztopo ez dela erakutsi nahi dute. Dantza bezain pertsonala den esparrua partekatuz, asmo handiegirik gabe eta ikuspuntu ludikoa aplikatuz, espazio komuna hartzen dute estereotipoak baztertu eta denbora igarotzeari buruz hitz egiteko. Lan zintzoa da, eta mugimenduan gorputzaren arintasunari, feminitateari, musikalitateari edota kontaktuari buruzko ikerketa egin dute, betiere lasaitasun giroan.
Jorge Padín: Sed
2023/02/26 19:00 — Getxo, Utopean
Sed antzerki abentura biluzi bat da, non emakume bakar batek iragan urratzaile bat, banaketa bat eta ausentzia bat zeharkatzen dituen. Aktorearen gorputzak bidaia egiten du, dantza eta jolas eszenikoa erakarriz, erbestearen historian zehar. Izaera gogoangarri nabarmenarekin, soinu-giro indartsuarekin eta argiztapen zainduarekin batera, eszenak bata bestearen atzetik doaz bidaia emozional batean, Santanderko portutik Aljeriako Orango kontzentrazio-esparruraino.
Euskara ikasleen dantzagunea
2023/02/28 11:30 — Bilbo, Kafe Antzokia
Bi saio: 11:30 / 16:30 Ikasleentzako saio irekia. Euskal dantzak ikasteaz eta praktikatzeaz gain, euskaraz mintzatzen dira ikasleak, gure kultura hobeto ezagutu eta gozatu egiten dute.
Kukai: Jazoerak
2023/02/25 22:00 — Zizurkil, Intxaur frontoia
Kukai dantza taldearen emanaldia. 'Jazoerak'. Bukalai dantza taldearen parte hartzearekin.
M8: Irradaka
2023/03/08 19:00 — Donibane Lohizune, Merkatu Plaza
Emakumeen Nazioarteko Egunean Irradaka dantzatuko dute Begiraleak eta Arrokiagako dantzariek. 46 emakumek dantzatuko dute irradaka eta beste hainbat dantza ere izango dira.
Jon Maya eta Andrés Marín: Yarin
2023/03/03 19:00 — Tolosa, Leidor
Gaurko urrats bakoitzak, biharko bide bat eraikitzen du. Luzatzen den esku baten aurrean marraztu, arnastu, pentsatu eta dantzatzen dugu. Eman eta jaso. Ez ditu sustraiak saihesten, haietara begira sakontzen du, bertan ereiten du. Elkarbanatuz, elkarrizketatuz, espazio komunak bilatzen ditu. Horrelakoxea da gure artea. Sustraiak, sakonera, unibertsaltasuna, elkarbanatzeko grina… Jon Maya eta Andres Marín dantzarien ibilbidearen ezaugarri nagusiak dira. Mayaren euskal dantza eta Marínen dantza flamenkoa euren sorkuntza abiatzen den iturri nagusia dira. Bertatik abiatuta, biak etengabeko elkarrizketan sartzen dira beste kultura, lengoaia eta errealitate artistikorekin. Proiektu honetan, Maya eta Marinek euren sorkuntza eta esperientzia batzea erabaki dute, bertan euskal kulturak eta flamenkoak dituzten elementu komunetan sakonduz, euren jatorrietan oinarrituta eta sustrai horietatik elkarrizketa sustatuta. Jatorri euskalduna eta flamenkoa duten dantzak bat egite nahiak batu ditu bidean. Julen Achiary kantari eta musikari baionarrak lagun dute oholtzan.
Yarin elkarrekin marrazten dugun etorkizuna da; ondokoaren begiradara garamatzan leihoa, sustraietatik abiatu eta etengabeko elkarrizketak argitzen duen hostoetara garamatzana. Yarin sustraia da. Yarin topaketa da. Yarin ‘bihar’ hitzaren sinonimoa da, eta ondokoaren lehioari egiten diogun begirada konplizea.Fitxa
InPut: El arte de no ser (estreinaldia)
2023/03/03 20:00 — Donostia, Kutxa Kultur Kluba
*LABO GO39 InPut "El arte de no ser" Dantza-antzerki fisikoa. Sortze-prozesuaren erakustaldia-performance-solasaldia. Sinopsia "El arte de no ser" zirriborro poetiko bat, menpekotasunaren esperientzian zehar bidaia fisikoa. Izatearen aldarteak koloreztatzen dituen hutsunea, isiltasuna, automatismoa, estresa, antsietatea, emozio eta sentsaziotik igarotzea. Pertsonaia eta objektu bat, telefonoa, eta mundu oso bat aitzinean, non existentzia berez beharrari lotuta dagoen. Telefonoa, mendekotasuna eta pertsonaiarekin duen harremana bultzatzen duen guztiaren paraleloa, bakardadearen betiko tabuaren alegoria. Fitxa artistikoa:
Dokumentuaren akzioak