Hemen zaude: Hasiera Albisteak Basauriko Dantza Agerketa asteburuan ospatuko da Izurtza, Oñati, Lekeitio, Iruñea eta Idauze-Mendiko dantzekin

Dokumentuaren akzioak

Basauriko Dantza Agerketa asteburuan ospatuko da Izurtza, Oñati, Lekeitio, Iruñea eta Idauze-Mendiko dantzekin

2016/09/15 08:55

Tokian tokiko dantza tradizionalak sustatu eta ezagutzera emateko sortu zen Basaurin Euskal Herriko Dantza Agerketa. Aurtengoa 44. jaialdia da eta Gasteiz, Lekeitio, Izurtza, Oñati, Iruñea eta Idauze-Mendiko dantza taldeek parte hartuko dute. Horrez gain, Lekeitioko Estudiantina ere egongo da agerketan. 

Ikuskizun nagusia larunbatean, irailaren 17an izango da arratsaldeko 19:00etan Bizkotxalde parkean eta euria egingo balu Sozial Antzokian egingo litzateke jaialdia. Hona hemen Euskal Herriko Dantza Agerketaren 44. edizioan parte hartuko duten taldeak: 

  • Mendi-Gain dantza taldea (Izurtza, Bizkaia): Lehen aldiz izango dira Basaurin eta Durangaldeko dantzari-dantza eskainiko dute. 
  • Etorkizuna dantza taldea (Lekeitio, Bizkaia): Ekainaren 29an, San Pedro egunez Lekeition dantzatzen diren Eguzki-dantza eta Kaxarranka dantzatuko dituzte. 
  • Indarra dantza taldea (Gasteiz, Araba): 1987an birsortutako dantza da Gasteizko Indarra dantza taldeak eskainiko duen Gasteizko zortzikoa. 
  • Oñatz dantza taldea (Oñati, Gipuzkoa): Besta Berri edo Korpus jaian Oñatin egiten diren dantzak eskainiko dituzte. 
  • Idauze-Mendiko dantzariak (Idauze-Mendi, Zuberoa): Zuberoako dantzak eta maskaradetan ematen diren zenbait pasarte eskainiko dituzte Idauze-Mendiko dantzariek.
  • San Lorentzoko danzanteak (Iruña, Nafarroa): San Lorentzo egunean, zein Korpus egunean egiten dituzten dantzak plazaratuko dituzte. 
  • Estudiantina (Lekeitio, Bizkaia): Inauterietako igandean irtetzen dira kalera Estudiantina osatzen duten herritarrak herri kantak abestera. Dantza agerketa honetan izango da kanturako tartea. 

44. Euskal Herriko Dantza Agerketa Basaurin

Irailak 16 ostirala

19:30etatik aurrera herri erromeria Solobarria plazan.

Irailak 17 larunbata

18:00 Kalejira. Parte hartuko duten dantza-taldeak kalez kale joago dira Sozial Antzokitik Bizkotxalde parkeraino, hirigunearen erdialdean dantza-saio laburrak eginez.

19:00 Euskal Herriko Dantza Agerketaren hasiera Bizkotxalde parkeko agertokian.

Irailak 18 igandea

19:00 Basauriko Agintzari, Basauritar eta Edurre dantza-taldeek beraien errepertorioko zenbait dantza erakutsiko dituzte Bizkotxalde parkean.

Euskal Herriko Dantza Agerketa 2016 kartela

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Basauriko Dantza Agerketa asteburuan ospatuko da Izurtza, Oñati, Lekeitio, Iruñea eta Idauze-Mendiko dantzekin

Argazkia: Maite Irizar - Dantzan CC BY-SA