Amets Bide, Ordiziako dantza talde eraberritua

Urte batzutatik hona indarra galduta ibili den Jakintza taldearen dantzariak oinarri hartuz eta herrian azkenaldian sortu den dantzazale giroak lagunduta, Amets Bide izeneko elkartea aurkeztu dute aste honetan bertan. Modu honetara, taldearen egitura indartu eta kaleko dantza giroa bultzatzen jarraitu nahi dute.

Dagoeneko antolatu dituzte ekitaldi interesgarriak, Dantzari Txikien Eguna izaten zena Dantzari Eguna bihurtzea bezalakoa, haur eta helduek batera parte hartuz, esate baterako. Aurrera begira, beste asmo askoren artean, garai batean Oiangun egiten zen erromeria entzutetsua berreskuratzea legoke.

Albistea Goierriko Hitzan irakurri daiteke zabalago.