Dokumentuaren akzioak
Albisteak
"Hegoak Ebakirik" antzerki-dantza lana Banda Bat elkartearen eskutik
Aintzane Revuelta Ortega zuzendari eta dantzariak sortutako antzerki eta dantza ikuskizuna estreinatuko da urriaren 8an Donostian, Urgull-eko Guardetxean. Frida Kahlo pertsonaiaren bizitzan oinarritzen da Banda Bat elkarteak ekoiztutako lana.
Muelle 3 martxan
Urriak 4an muelle 3, Dantza eta Sorkuntza Garaikiderako Espazioaren aktibitateak hasten dira. Dantza Garaikidea, Dantza Teatro Teknikak, Sorkuntza eta Konposizioa Laborategia eta Yoga Iyengarreko klase erregularrak eskeiniko dira Muelle 3-n.
Koreologia eta eszena ekoizpen ikastaroak antolatu ditu ADDEk
Euskal Herriko Dantza Profesionalen Elkarteak (ADDE) bi ikastaro antolatu ditu urria eta azarorako. Koreologia ikastaroa eskainiko du Eva Recachak eta "eszena ekoizpen" ikastaroa eskainiko du Pio Ortiz de Pinedok.
Mutxiko Eguna Arrangoitzen urriaren 10ean
Datorren urriaren 10ean ospatuko da Mutxiko Eguna Arrangoitzen. Dantza-jauziak edo mutxikoak dantzatzeko aukera asko zabaldu da azken urteotan, eta horien aitzindarietako bat eta dantza mota honen festa egun handiena da Arrangoitzek urrian ospatzen dena.
Lucia Lakarra, "Hamarkadako dantzaria" izendatu dute Moskun
Pasa den igandean XXI. mendeko izarren Galan burutu zen MOskuko Kremlin-eko jauregian, eta bertan bi pieza dantzatu zituen Lucia Lakarra zumaiarrak. Ekitaldiko zuzendari artistikoa Nadia Veselova-Tencer izan zen eta Lakarrak "La Prisionera" eta "Thais" lanak dantzatu zituen, biak Roland Petit-en koreografiak. Marlon Dino, Munich-eko Operako Baleteko dantzaria izan zuen bikote.
Gipuzkoako urrats eta dantzen ikastaroa antolatu du EDBk
Jesus Mari Garate irakasle dela, Gipuzkoako urrats eta dantzen inguruko ikastaroa antolatu du EDBk. Urriaren 9tik 30era izango da ikastaroa, urriko lau larunbatetan, eta Beasainen burutuko dira saioak.
Errosarioko Amaren ezpata-dantza Elgoibarren
Datorren urriaren 3an, igandean, Errosarioko Amaren ezpata-dantza bigarren aldiz eskainiko dute Elgoibarren. Haritz dantzari taldeko dantzariak, Elgoibarko Udalaren txistulari banda eta eskopetariak meza ostean aterako dira ezpata-dantza egitera.
Udazkeneko programazioa La Fundicion-en
Ongi etorri 2010eko denboraldira (Urria - Azaroa - Abendua). Udazkeneko programa honeko hiruhilabeteko berriari helduko diogu eta berriz hemen dugu BAD (Bilbao Antzerki Dantza) jaialdia, Artium Museora hurbilduko gara, Antzoki Altzernatiboen Sareko Zirkuitoarekin bat egingo dugu berriz, eta estreinatu berri duen Zirkuito Iberoamerikarrarekin, besteak beste. Honenbestez, gopurtzen poetikak irakurtzeko begirada desberdinek eskatzen duten ikuskizunen programa berri bat. Ausartu sartzera eta begiratzera!
Juan Antonio Urbeltzi elkarrizketa Euskal Kulturaren atarian
Euskal Kultur Erakundeak Juan Antonio Urbeltz elkarrizketatu du eta hamabi bideotan sareratu du elkarrizketa. Bere ibilbidea, bilketa lanak, ikerketak, berreskuratzeak, sorkuntzak eta dantzari buruzko beste hainbat kontu bildu dituzte elkarrizketan.
Sorkuntzarako egoitzak La Fundicionen
La Fundición-ek, Baliabide Zentro gisa eta ikerketa, sorkuntza eta produkzio prozesuei dagokienez, ongi konektatzen du konpainiek duten lanleku bat edukitzeko premiarekin, bertan pieza artistikoa egiteak suposatzen dituen fase ezberdinak burutzeko.
Dokumentuaren akzioak
