Agenda

Korpus eguna erreferentziatzat hartu eta ondoko ostiral, larunbat eta igandean ospatzen dute Korpus jaia Oñatin. 500 urte baino gehiago duen ohitura da hau eta hiru egunez, dantzariek herriko kaleak eta auzoak zeharkatzen dituzte dantzatuz eta diru eskez.

Igandea egun handia den arren, hona hemen 3 egunetako egitaraua:

Maiatzak 31 ostirala

• 09:00 Korpus-dantzak herriko ikastetxeetan. Ondoren, goizez eta arratsaldez, aspaldiko ohiturari jarraituz herriko auzoetan ibiliko dira.
• 16:30 Oñatz dantza-taldearen ekitaldia Kasablanka, Ugarkalde eta San Martin auzoetan, txistulariek lagunduta

Ekainak 1 larunbata

• 09:00 Oñatz dantza taldearen emanaldiaren hasiera, Foruen enparantzan. Ondoren, herriko kaleetan ibiliko dira txistulariek lagunduta egun osoan zehar.

Ekainak 2 igandea

• 9:00 Txistularien goiz-eresia.
• 10:45 San Migelen irudia San Migel parrokiara iritsiko da.
• 11:00 Meza nagusia Oñatz dantza taldeko dantzariekin. Mezaren ondoren Korpus prozesioa.
• 18:15 Oñatz dantza taldearen emanaldia Foruen enparantzan, txistulariek lagunduta. Korpus eguneko dantza-egitarau osoa eskainiko da (eguraldi txarra eginez gero, Zubikoa kiroldegian)
• 19:00-20:00 Dantzaldia musika bandarekin, San Migel parrokiko atarian. Eguraldi txarra egiten badu bertan behera geldituko da.

Oñati: Korpus eguna 2014 [Bideoa]

Donoztiri:

• 10:00 eta 15:30 Besta Berri

Iholdi:

• 10:00 eta 15:30 Besta Berri

Heleta:

• 10:00 eta 15:30 Besta Berri

Armendaritze:

• 15:30 Besta Berri

Luhuso:

• 10:00 eta 15:30 Besta Berri

Mitiriña:

• 10:30 Besta Berri

Ortzaize:

• 10:30 Besta Berri

Makea: (Kasu, Lekorneko elizan izango da, obrak direla eta Makeako eliza itxia baita)

• 10:00 Besta Berri

Giru saio: 10:30 / 12:00 / 13:30

Elirale konpainiaren sorkuntza.

Emanaldi hau handi eta ttikientzat da. Bakarkako ikusgarri bat da Oihan Indartek dantzaturik eta Pantxika Telleriak koregrafiaturik.

Obra hau domo batean iragaiten da, publikoa kontaktu zuzenean da dantzariarekin ikuslearen eskarmentu berezi batentzat.

Urtero bezala, ekainaren 2an igandearekin, Udaberria dantzan iraganen da. 7 probintzietako dantzariak biltzen dituen egun osoko ekitaldia da.

Goizean haurrek dantzatuko dute 10:30etatik goiti Luis XIV plazan.

Eta arratsaldean, helduen txanda izanen da 15:45etatik goiti Luis XIV plazan! Taldeak Donibanen zehar ibiliko dira ere.

Aurtengo taldeak:

• Aiara dantza taldea (Amurrio, Araba)

• Oinak Arin (Beskoitze, Lapurdi - Baxe Nafarroako dantzak)

• Zerutxu (Markina Xemein, Bizkaia)

• Ortzadar (Iruñea, Nafarroa)

• Goizaldi (Donostia, Gipuzkoa)

• Sohütako dantzariak (Xiberoa)

• Begiraleak (Donibane Lohizune, Lapurdi)

Iruñeko Bestaberriko prozesioak San Lorentzoko Danzanteak izanen ditu lagun segizioa irekitzen.

Iruñeko prozesiorik zaharrena den honek Pizkundetik XIX. mendera arte bertako eta kanpotik etorritako danzanteen presentzia izan zuen eta San Lorentzoko Danzanteen Kofradiak usantza hori berreskuratu zuen.  

Baina ez da hori dantzaren eremu bakarra Iruñeko Bestaberrin. Katedraleko Seise haurrek edo Infantikoek Sakramentu Santuaren aitzinean Hilarion Eslabaren billantziko bat dantzatuko dute katedraleko presbiterioan eta prozesioan izanen dira gero. Ohitura hau ere, etenik gabe Sevilla bezalako hirietan gorde dena, Katedralaren Lagunen Elkarteak berreskuratu zuen duela urte zenbait.

Hau da programa:

• 11:00: Meza katedralean. Mezaren amaieran Seisek dantzatuko dute.
• 11:45: Prozesioa Alde Zaharreko kaleetan. Amaieran San Lorentzoko Danzanteek katedralaren atarian dantzatuko dute.

Ondoren beste tradizio bati emango zio jarraipena, katedraletik Zapateriara  Donezar kandeladendaraino dantzatzen, dantza batzuk eskaini ondoren txorizoa azukrearekin jateko. Hori zen lehenago gremioen kofradiek egun berezi horretan prestatu ohi zuten menua.

Informazio gehiago: San Lorentzoko Danzanteen Kofradia

Korpus eguna, ekainaren 15ean izan arren, Zangozan ere ospakizunak asteburuan egiten dituzte. Igandean goizeko 9:30etan elkartzen dira Rocamador dantza taldeko dantzariak elkarrekin gosaltzeko. 10ak inguruan, azken ensaioa egiten dute Konbentuan ondoren goizeko 11:30etan dantzak eskaintzeko. Ondoren, 13:30etan, prozesioa egingo dute. 

Kuartangoko Trinitate jaia igande bakarrean egiten da gaur egun, Korpus egunaren ondoko igandean. Mezaren ostean, ohitura den moduan, Trinitate dantza eta gaztelua egingo dute eskualdeko herritarrek. Hona hemen egun horretako ordutegia:

• 11:45 Harrera-dantza.
• 12:00 Meza nagusia.
• 13:00 Trinitate-dantza eta gaztelua.

Kuartango: Trinitate erromeria 2016 dantza eta giza-dorrea [Bideoa]

Korpus igandez Lakuntzako kintoek Alkate-dantza dantzatzen diete udaleko ordezkariei. Egun horren aurretik ere, urtarrilaren 20an San Saastianetan, egiten dute alkate-dantza urtean lehenengoz Lakuntzan. Deustuko Bihotz Alai taldearen laguntzarekin berreskuratu eta plazaratu zuten dantza da hau lakuntzarrek 70eko hamarkadan.

Irisarriko Besten karietara Burgaintzi taldearen emanaldia.

Dantza eta musika ikusgarria. 2 hilabete eta 6 urte artekoentzat, emanaldi hau publiko guziari irekia da. Iraupena: 30 min

• Zuzendari artistikoa: Arantxa Lannes

• Interpreteak: Maider Martineau – Arantxa Lannes