Agenda

Kapela-dantza

Santa Kurutz jaietan egiten duten soka-dantzari deitzen zio kapela-dantza. Berezitasuna horixe du, kapela buruan dutela dantzatzen dela.

Sutraiak Dantza Taldeak 1996. urtea berreskuratu zuen ekitaldi hau Legazpiko Santikutz jaien barne kokatzen da. Soka-dantza honetan, herriko txistulari eta trikitilariekin batera, nahi duen guztiak parte har dezake.

Kapela-dantza, goizeko 11:00etan hasiko dute hamaiketako batekin, ondoren kalejiran Euskal Herria plazarantz abiatuko dira 12:00ak aldera.

Gehiago irakurri

Mirandaola eguna

Legazpiko Santikutz jaien barruan ospatzen da Mirandaola erromeria, maiatzaren 4 ondorengo igandean zehazki. Meza nagusiaren ondotik egiten dute ezpata-dantza. Hona hemen egitaraua osoa:

• 9:00 Goiz Deia Txistulari Taldearen goiz deia.

• 10:15 Gurutze Deunaren erlikiaren itzulera Mirandaolako elizara, txistulari, dantzari eta herritarrekin.

• 11:00 Meza Nagusia, Mirandaolako Ermitan, Santikutz Abesbatzaren partaidetzarekin.

• 12:00 Olagizonei ongietorria eta ohorezko ezpata-dantza.

• 12:30 Ola martxan jartzea eta Telleriarteko talogileak.

• 12:30 Doinua Dultzaineroak

• 13:00 Erromeriaren hasiera: Parte hartuko dute, Domingo Agirre eta Haztegi Ikastetxeko Bertsolariak, Korosti eta Sustraiak Dantza taldeetako dantzari txikiak, Doinua Musika Eskolako trikitilariak, Doinua Dultzaineroak eta Goiz Deia Txistulariak.

• Jaialdia amaitzean eta bazkal ordura bitartean Trapalata Txaranga.

• 14:00 Herri Bazkaria. Bakoitzak berea eraman beharko du.

• 15:00 Haurrentzako jolasak Lenburren eskutik 17:00ak arte.

• 16:00 Erromeria, Elustondo anai-arrebekin.

• 18:00 Herrira itzultzea, Trapalata txarangarekin eta erraldoiekin. Herrira iristean kalejira erdigunean.

Gehiago irakurri

Aitzindariak: Aitzina Biga

Ikusgarri honetan zuberotar dantza tradizionalak, dantza berriak, antzerkia, bertsoak eta kantuak izango dira. Aitzina Biga ikusgarriak 107 parte hartzaile bilduko ditu: 52 dantzari, 29 kantari, 9 antzerkilari, 2 bertsolari eta 15 musikari.

2006an Aitzindariak elkarteak, Zuberoako dantza taldeak batzen dituenak, Aitzina Pika ikusgarria aurkeztu zuen. Hainbat belaunalditako berrogeita hamar bat zuberotar ari izan ziren dantzan, antzerkian edo kantan. Hari segida emanez, zuberotarren arteko trukaketen bultzatzeko, ikusgarri berri bat proposatzeko beharra sentitu dute 2025eko udaberrian.

Aitzina Biga

• Apirilak 19, larunbata: Maule-Lextarre, 20:30ean, Jai Alain.

• Maiatzak 1, osteguna: Biarritz, 18:30ean, Gare du Midin.

• Maiatzak 24, larunbata: Arrasate, 19:00etan, Amaia Antzokian.

• Maiatzak 31, larunbata: Iruñea, 19:00etan, Baluartenn

• Uztailak 12, larunbata: Atharratze-Sorholüze, 21:00etan, Errebotean

Gehiago irakurri

Lamiako maskarada

Lamiako auzoaren izena herri kondaira batetik omen dator, padura inguru horretan lamiak edo lamiñak elkartzen baitziren. Hain zuzen ere, lamian bihurtu zen. Prudentzia izeneko emakume baten istorioa kontatzen da. Beraz, zenbait mende geroago, lamia zein beste pertsonaia mitologikoei bizia eman zien kondaira, Lamiako Maskaradak gogora ekartzen du urtero maiatzaren azken ostiralean. Maskarada Euskal Herriko mito garrantzitsuenak biltzen saiatzen da eta jai moduan aurkezten da, musika eta dantzarekin batera, herri eta pertsonaia mitologikoak elkartuz.

• Informazio gehiago: Lamiako maskarada

Gehiago irakurri

Aitzindariak: Aitzina Biga

Aitzina Biga ikusgarria

2007an Aitzindariak elkarteak Aitzina Pika ikusgarria plantan ezarri zuen. Berrogeita hamar bat xiberotar ari izan ziren dantzan, antzerkian edo kantan; dener parte hartzeko parada emana izan zen, belaunaldi desberdinak nahasiz.

Gaur egun, xiberotarren arteko trukaketen azkartzeko, ikusgarri berri baten proposatzeko beharra senditu dugu. 2025eko udaberrian, Aitzina Biga ikusgarria Xiberoan emanen dugu eta ondotik, Iparraldean behin eskainiko dugu eta beste behin Hegoaldean. 

Ikusgarri berri honetan, xiberotar dantza tradizionalak, sorkuntzak, antzerkia, bertsoak eta kantuak izanen dira. Aitzina Biga ikusgarriak 107 parte harzale bilduko ditu: 52 dantzari, 29 kantari, 9 antzerkilari, 2 bertsolari eta 15 musikari.

Istorioa - egitura

Aitzina Biga ikusgarria hiru partetan zatitua izanen da:

- Lehen parteak, herrien arteko desafioak izanen ditu gaitzat, eta bigarren irakurketa batean munduko erresumen arteko lehiak. Egia da xiberotar dantza lehiaketa mota bat dela. Herri desberdinetako dantzari bakoitzak besteak baino hobea izan behar du. Maskaradetan adibidez, barrikada denboretan, herri batek bestea errezebitzen duelarik, arizale bakoitzaren parean, besteak baino hobea izan behar du.

Parte horren aurkezteko, ikusgarrian, antzerki momentu bat agerian ezarria izanen da. Horrek irria eta alaitasuna ekarriko dizkio ikusgarriari. Bi kantuk bi gaiak aipatuko dituzte momentu ozen eta eder batean. Zati honetan, hiru dantza tradizional izanen dira, horiek sinbolikoki herri bakoitzaren harrotasuna erakusten baitute.

- Bigarren parteak, xiberotar dantzaren transmisioa erakutsiko du. Parte honetan, dantzari, antzerkilari eta kantariek xiberotar dantzaren transmisioak ukan dituen gorabeherak aurkeztuko dituzte.

Zati hau antzerki momentu batekin hasiko da, gaia manera umoristiko batera itzultzeko. Ondotik, kantuak eta dantza tartekatuko dira. Momentu azkar bat izanen da, dantzari guziek makila batekin dantzatuko baitute, honek transmisioa sinbolizatuko duelarik.

- Hirugarren eta azken parteak, elkartasuna eta elgarretaratzea aurkeztuko ditu Xiberoan, baita Hegoaldean ere. Parte honen helburua, ikusgarriari ondorio baten ekartzea izanen da, betiere antzerkia, dantza eta kantua tartekatuz. Dantzaren aldetik, dantzari guziek elkarrekin emandako sorkuntza ikusgarria izanen da, bukaeran 52 dantzariak eszena gainean izanen baitira. Zati honek erakutsiko du denak batuz gauza politak egiten ahal direla.

Jaiaren bukatzeko azken kantu bat izanen da. Artista guziek kantatuko dute, pastoral batean bezala. Momentu ezinago eder bat date, dudarik gabe.

Gehiago irakurri

Aitzindariak: Aitzina Biga

Ikusgarri honetan zuberotar dantza tradizionalak, dantza berriak, antzerkia, bertsoak eta kantuak izango dira. Aitzina Biga ikusgarriak 107 parte hartzaile bilduko ditu: 52 dantzari, 29 kantari, 9 antzerkilari, 2 bertsolari eta 15 musikari.

2006an Aitzindariak elkarteak, Zuberoako dantza taldeak batzen dituenak, Aitzina Pika ikusgarria aurkeztu zuen. Hainbat belaunalditako berrogeita hamar bat zuberotar ari izan ziren dantzan, antzerkian edo kantan. Hari segida emanez, zuberotarren arteko trukaketen bultzatzeko, ikusgarri berri bat proposatzeko beharra sentitu dute 2025eko udaberrian.

Aitzina Biga

• Apirilak 19, larunbata: Maule-Lextarre, 20:30ean, Jai Alain.

• Maiatzak 1, osteguna: Biarritz, 18:30ean, Gare du Midin.

• Maiatzak 24, larunbata: Arrasate, 19:00etan, Amaia Antzokian.

• Maiatzak 31, larunbata: Iruñea, 19:00etan, Baluartenn

• Uztailak 12, larunbata: Atharratze-Sorholüze, 21:00etan, Errebotean

Gehiago irakurri