Agenda

Isabel Vázquez: Zambra de la abuela salvaje

Naizen guztiaz, zer da niri datxekidana eta zer inposatua?

“Nire izaerari leial banintzaio, antzinako begiradako basati bat, oihu egingo nuke ahots-kordak apurtu arte, eta, gero, irentsi egingo nituzke. Azken oihu horretan dena esanda geratuko litzatekeelako. Baina, beste ezeren gainetik, nire izaerari leial banintzaio, esango nuke: ez.”

Berak, basati guztien artetik, oinutsena, basatiena, basati eredugarria izatearekin amesten du. Emakume guztiak biltzen dituen emakumea. Denaren eta horren gainean proiektatzen denaren artean borrokatzen den gorputza. Zambra de la buena salvaje oihu bat da, urradura bat, gabetze-erritu bat. Nola berreskuratu hainbeste espazio galdu? Nola utzi otzan izateari? Zer gertatzen zaio gorputz bati besteengan denean, amorrua eta barrea onartzen direnean?

Dantza, umorea eta lotsagabekeria elkartzen dira bakarrizketa koral batean, non basatia dena erresistentzia kolektiboko ekintza bihurtzen den. Piztiarekin dantzatzen duen ikuskizuna, arauaren hondakinen artean aurrera egiten duena eta lur mugituaren gainean mundu berri bat ereiten duena.

Auto ezerezteaz hitz egin nahi dut, bat etortzeko beharraz, ezpainak hozkatzeraino atsegina izateaz, otzantasunaz…
Isabel Vázquez, sortzailea eta interpretea.

Fitxa: 

• Jatorrizko ideia, koreografia, interpretazioa: Isabel Vázquez
• Zuzendaritza: Alberto Velasco
• Dramagintza: Ruth Rubio
• Koreografia “The Final Curtain”: Adrián Manzano

Gehiago irakurri

Haatik + Manu Gaigne + Iñaki Alberdi: Uran-zu

Uran-zu, euskal musikari begirada poliedrikoa ariketa artistiko eta interpretatzailea da, gure lurraldearen konplexutasunera eta aberastasunera mugatuta dauden baina elkarren aurkakoak diren bi tradizio ondoan jartzen dituena. Dantza eta perkusio tradizionala ez dira ilustrazio gisa aurkezten, akordeoiaren soinuaren luzapen gisa baizik, akordeoiak igarotzen dituen mundu estetikoen arteko zubi gisa.

• Manu Gaigne (txalaparta, perkusioa)
• Iñaki Alberdi (akordeoia)
• Leire Romero eta Aiert Beobide, Haatik dantza (dantzariak)

Gehiago irakurri

Perpetûa Vastarda: Esto es terror

ITURRI egonaldi artistikoaren zehar egindako lanaren erakustaldia. Hori guztia jaialdiak berak ematen du, ADDErekin batera eta Gipuzkoako Dantzagunearekin lankidetzan. 

Gorputz bakar baten joaneko ibilbidea izan nahi du. Dei bat. Izuen deia. Berriak, zaharrak eta oinordetzan hartutakoak. Bidaia bat gertutik jarraitzen gaituzten eta garondoan arnasten gaituzten munstroak deitzeko.

Fitxa artistikoa: 

• Antzezleak: María Pizarro, Xerach Peñate
• Musika: Xerach Peñate 
• Jantziak: Pier Paolo Alvaro
• Zuzendaritzako laguntzailea: Alba Hernández
• Koreografia, zuzendaritza: María Pizarro

Gehiago irakurri

Lasala: Burnt

*2026ko dFERIA jaialdiaren barne.

Gero eta eskatzaileagoa den gizarte-ispilu baten aurrean, badirudi estrategia posible bakarra gauero intentsitate handiagoz distiratzea dela. Hainbeste kontsumitzen den prezioa sitsek argitik gertu hegan egiteagatik ordaintzen duten prezio bera da: berezko "burnout" batean su hartzeko aukera.

• Iraupena: 12 min.

• Koreografia eta zuzendaritza artistikoa: Judith Argomaniz

• Antzezleak: Garazi Etxaburu, Ioar Labat eta Leire Otamendi

• Dramaturgia: Judith Argomaniz eta Fernando Epelde

• Musika sorkuntza: Fernando Epelde

• Testua: Puy Barral

• Jantzien diseinua eta jantzigintza: Xabier Mujika

• Argazkia eta bideoa: Renata Laszczak

• Laguntza: Donostia Kultura, Eusko Jaurlaritza, Etxepare Institutua eta Gipuzkoako Foru Aldundia

Gehiago irakurri

Erain: Sin fichero adjunto

*2026ko dFERIA jaialdiaren barne.

Egoera infinituetara estrapola daitekeen egoera bat aipatzen du: jarraibideak falta zaizkizula sentitzea, jarraitu beharreko urratsak dituen gida bat eduki nahi duzula. Galduta sentitzea, hurrengo urratsa zein den, zer den zuzena edo zein ate izan beharko lukeen irekitzen hurrengoa jasoo duen dokumentu baten falta sumatzea.

Inork zure bizitza nola bizi eta zure ahotsa nola diseinatu inoiz irakatsiko ez dizun errealitatea onartzera gonbidatzen gaitu. Proiektu honen helburua da kezka horiek publikoarekin partekatzea, sorkuntzaren bidez eszenatokira hurbiltzea eta elkarri laguntzea gure egunerokotasunean etengabe erabakiak hartzeko ezinbesteko dantza honetan

• Iraupena: 15’

• Antzezleak: Ioar Labat eta Julia Razquin
• Zuzendaritza/ Antzerkigintza: Ioar Labat y Julia Razquin  
• Eszenografia: Ioar Labat y Josu Berrio 
• Jantziak: Marina Almagro 
• Argiztapena / Soinua / Musika: Mauricio Pérez  
• Ekoizpena/ Banaketa: Ioar Labat y Julia Razquin

Gehiago irakurri

Osa + Mujika: Tupper

*2026ko dFERIA jaialdiaren barne.

Osa + Mujika konpainiaren sorkuntza berria da Tupper: "Bultzatzen gaituen perfekzioarekiko eta lehiakortasunarekiko obsesioaz hitz egiten du piezak. Perfekzioa, atzetik segika dugun obsesioa, ukiezina, beti gure saiakera oro baino pauso bat harago dagoen hori. Saiatuko naiz. Behin eta berriz. Baina albokoa ni baino perfektuagoa denean: lehia. Bizitza honen funtsa. Etengabe besteak gainditzera eta onena, perfektuena izatera garamatzan indarra. Bidean, ordea, erotu egingo gara, beti topatuko baitugu gu baino zuzenagoa, osoagoa eta gaindiezinagoa den norbait".

• Zuzendaritza: Osa+Mujika
• Koreografia: Jaiotz Osa
• Dantzariak: Rafke Van Houplines, Paula Parra, Jaiotz Osa
• Musika: Gartxot Unsain, Olaia Inziarte
• Jantziak: Xabier Mujika
• Irudiak: Renata Etanowski

Gehiago irakurri

Lasala: Alai familian

Alaik sei urte ditu eta bere amona eta txakurrarekin bizi da. Alairen familia ez da bere lagunena bezalakoa eta horrek desberdin sentiarazten du, baina gau batean ametsen munduan murgildu eta animalia mordo bat eta haien familia mota ezberdinak ezagutzen ditu. Nolakoa da, ba, familia normal bat?

Gehiago irakurri

Baal: A&S Viajeras del espacio

Gehiago irakurri

Aristerrazuko erromeria

Igande honetan Aristerrazuko eszenatokian Miren, Maddalen eta Oier. 

Gehiago irakurri

La coja dansa: Deshielo

"Deshielo" antzezlanean istorio poetiko bat, dantza eta antzerkia, proiekzio-sistema bikoitza eta musika originala uztartzen dira ohiz kanpoko edertasuneko ikuskizuna sortzeko.

Inuit Neska igluz osatutako herrixka batean bizi da; hotz handia egiten du beti, urtean aste gutxi batzuetan izan ezik. Orduan lantzurda artean loreak agertzen dira Inuit Neskaren herriak Harri Sakratu bat bauka, bat-batean aldatu gabe mendeak eman eta gero hautsi egiten dena. Inuit Neskak bere Harri Sakratua haustea eragin duenaren bila irtetea erabakitzen du. Bidean Azeri Zuria lagun izango du eta Zuhaitzak Landatzen dituen Gizonaren eta Zabor-Eraldatzailearen testigantza jasoko dute; gauza asko alda ditzaketen ekintza txikiak egiten jarraitzeko akuilua jasoko dute eurengandik.

"Deshielo" bidaiaz, klima-aldaketaren aurkako soluzio pertsonalez eta gure ekosistemaren hondamendiaz mintzo da. Asmoak batzeko eta gure inguruaren orekarekiko begirunezko ohiturak sortzeaz mintzo da. Laguntasunaz mintzo da, armarik eraginkorrena denez, eta pertsona arruntek aparteko aldaketak eragiteko duten ahalmenaz.

• Egileak eta zuzendariak: Tatiana Clavel, Raúl León.
• Antzezleak: Santiago de la Fuente, Olga Clavel.
• Produkzioa: La Coja Dansa.

Gehiago irakurri