Agenda

Erakusketa: Axeri Dantzak 25/50

Gehiago irakurri

Dantzari-dantza eta gorulari-dantzak

Abadiñoko jai nagusia maiatzaren 15ean ospatzen da, San Trokaz egunean. Egun horretan umeen lehenengoko Jaun-hartzeak egin ohi dira eta Udalbatza osoa joaten da 12:00etako Meza Nagusira. Meza ostean dantzariek dantza saio bat egiten dute udalbatzarkideen eta Jaun-hartzea egin dutenen aurrean. Aurten, ordea, agintariak baino ez dira izango udaletxearen aurrean, inork ez baitu egingo jaunartzea. Bertan, dantzari-dantza eta gorulari-dantzak egingo dituzte. 

Abadiño, San Trokazetan [kronika]

Abadiño: San Trokaz 2015 [bideoak]

Gehiago irakurri

Gasteiz Dantza Plazan

Gehiago irakurri

Hitzaldi dantzatua

* Museoen egunarekin eta Dantzan ikasiz programarekin lotutako jarduera.

Euskal dantzaren historia bat kontatu eta gorpuztuko dute dantza maisuek hitzaldi-dantzatu honetan. Juan Antonio Urbeltzen ideia batean oinarrituta, hitzak eta gorputzak, hitzen hizkuntza eta dantzaren hizkuntza baliatuko dituzte euskal dantzaren bilakaera historiokoa, bere formetan eta esanahietan kontatzeko.

Dantza molde zaharretatik gaur egungo dantza formetara egindako bideari erreparatuko diote: korroan, borobilean hasi, eta dantzak nola joan diren aldatzen erakutsiko dute, soka-dantza, ingurutxo eta kontra-dantzetatik pasaz, bikote dantzetara iritsi eta azkenik norbanako bihurtu arte. Taldetik indibidualera, korrotik pikutara joan omen dira aldatzen gure ohiko dantzak. Ibilbide hori hitzez eta dantzaz aurkezten dute, historia kontatu eta dantzatu bat beraz.

Parte-hartzaileak: Oier Araolaza, Gari Otamendi.

Antolatzen du: San Telmo Museoa, Dantzagunea. Laguntzen du: Ikerfolk-Argia

Gehiago irakurri

Donostiako Udalaren Txistulari Taldearen erromeria

Bagera Elkarteak eta Donostiako Udalaren Txistulari Taldeak antolatuta, euskal dantza tradizionalen inguruko erromeria ospatuko da Donostiako Plaza Berrian.

Udalaren Txistulari Taldearen eskutik kalejira, fandango, arin-arin, muxiko, polka eta beste dantza asko ikasi eta dantzatzeko aukera izango da Jon Iraola dantza-maisuaren laguntzaz. 

 Programa: https://labur.eus/j5ups4rn

Gehiago irakurri

Dantzaz: Ubun-Tu

Dantzazek hitzordu berezia proposatzen du maiatzaren 17an Lekuona Fabrikan (Errenteria): Ubun-Tu ikuskizunaren emanaldia, Musikasteko programaren baitan.

Ubun-Tu bi piezaz osatuta dago, nazioarteko bi koreograforekin egindako lankidetzaren emaitza. Aire Sakona, Jacek Przybyłowicz (Polonia) eta Adam Walicki konpositorearekin elkarlanean sortua, eta ERES, Martín Inthamoussú (Uruguai) koreografoarena.

Lehenengo pieza, Aire Sakona, Dantzagunearen instalazioetan sortu zen, eta euskal kulturako elementuak integratzen ditu, hala nola estropaden irudiak eta bertso bat.
Bigarren piezan, ERES, migratzaile izatearen esperientziak eta identitatearen eraikuntza dira ardatz nagusiak. Landarbaso Abesbatzak interpretatzen du pieza honen musika, zuzenean.

Ubun-Tuk mugimenduaren bidez komunitatearen indarra eta elkartasunaren beharra aldarrikatzen ditu, egungo gizarte indibidualistan ezinbesteko mezua.

Gehiago irakurri

San Roke ezpata-dantza eta soka-dantza

Maiatzeko hirugarren asteburuan ospatzen da Debarren Eguna. Igandean, San Roke ermitan ezpata-dantza egingo dute 11:00etan eta plazan aurreskua aterako dute 13:00etan Gure Kai dantza taldearen eskutik.

Gehiago irakurri

Kresala: Ravel

«Ravel» obra Maurice Ravel lapurtarra, nazioarteko euskal musikagile ezagunena Ziburun jaio zeneko 150 urteurrena gogora ekartzen du. Horretarako, Maurice Béjart koreografo ospetsuak egindako «Bolero» izeneko bere lana aukeratu dugu. Euskal kulturaren hainbat alderdi biltzen dituen mosaiko bat berrinterpretatzen dugu zenbait egile nabarmenekin,
hala nola Azkue, Aita Donostia, Riezu edo Beltran bezalakoekin, XX. mendeko Europako mugimendu historiko inpresionisten eta espresionisten azterketa bateratua eginez.

«Ravel»-en dantza tradizionalen inguruko ikuspuntu irekia eta zabala erakusten da, bai bere forma preklasikoetan zein bide berrien bilakaeran, historiaren irakurketa partzialak ikertzeko, haztatuz eta etorkizunean emango diren beste interpretazio batzuei sarrera emanez. Etengabeko mugimenduan dagoen ezagutza-denbora bat konfiguratzeko pultsiotik osatutako lana da. Hizkuntza berrituen eremua irekitzen duten beste kontakizun batzuk eskaintzen dituzten mugarriak barneratuz.

• Zuz. Art. eta koreografia: Faustino Aranzabal

• Dantza maisu-maistrak: Idoia Ibarzabal, Josu Sagardia, Jone Murua, Nora García

• Musika egileak: XVII-XXI. mendeetako bildumaren collage musikala

• Dantza interpreteak: 120 ikasle (haurrak, gazteak eta helduak)

• Argiztapen diseinua: Inma Irazustabarrena - Eragin.stac

Gehiago irakurri

Plazako dantza tradizionala: kalitatean sakontzen (4. saioa)

MINTEGIA (4. saioa)

Gaurko gaia: jauziak (aurreko saioaren jarraipena)

• Jauzien dantzan, autonomiaren bidean.
• Jauziak musikatik dantzatzea (ez 'urratsetatik'): musika ulertu - musikatik urratsetara - musika sentitu - musikarekin jolastu
• Urratsak gutxiago markatuta, edo batere markatu gabe dantzatzea.
• Askatasuna, norberaren espresioa, aniztasuna.

Nori zuzenduta:

• Jauziak sentitzen sakondu nahi duten eskarmentudun dantzariei
• Dantza-irakasleei
• (Baldintzak: jauzien dantza-sisteman eskarmentu nahikoa, ezagutzea, gutxieneko maila duina, eta ikuspegia irekitzeko jarrera)

Ordutegia: 18.30 - 22.00

Parte-hartzea: 10,00 euro

Laguntzailea: Elgetako Udala

Gehiago irakurri

Gasteiz Dantza Plazan

Gehiago irakurri