Edukira salto egin | Salto egin nabigazioara

Tresna pertsonalak
Hemen zaude: Hasiera Agenda

Dokumentuaren akzioak

Agenda

Herrixa Dantzan: Escamot català

Herrixa Dantzan: Escamot català

Noiz: 2022/12/09 19:00
Non: Elgeta, Espaloia kafe-antzokia.

Escamot català Euskal Herrian 2022

Espaloia kafe-antzokia: abenduak 9

  • 19:00 dantzaldia (Escamot català)
  • 21:00 afaltzeko tartea ("Eko-Talo" taloak)
  • 22:00 osteko dantza-elkartrukea (Patxi Montero eta Escamot català)

Laguntzailea: Elgetako Udala

Informazio osoa hemen

Gehiago irakurri

Ertza: Moor Krad

Ertza: Moor Krad

Noiz: 2022/12/09 19:30
Non: Bilbo, Arriaga Antzokia

MOOR KRADek argitara atera nahi du guk guztiok dugun alderdi ezkutua. Guk geuk bizitzan zehar erreprimitu egiten ditugu ezaugarri horiek, askotariko arrazoiak tarteko, eta gure nortasunaren gela ilunean gordetzen ditugu, gureak ez direlakoan. Basamortu horretan bizi diren pertsonaiek badakite alde ilun bat dutela eta alderdi horrek pertsona gisa osatzen dituela. Hori dela eta, ez dituzte kontraesanak ezkutatzen, eta diren modukoak agertzen dira.

MOOR KRADen ez dago gezurrik, ez moral bikoitzik, ez bizitza paralelorik. Hemen, den guztia argitara ateratzen da. Aratz jaiotzen gara, baina, besteei atsegin egin eta onartuak izan nahian, haurtzaroaren eta gaztaroaren zati handi bat ematen dugu zaku batean gure zer ezaugarri gordeko ditugun erabakitzen; eta gainerako denbora zaku hori husten ematen dugu…

Ikuskizunaren hizkuntza nagusia dantza garaikidea da, teknika berriekin bat eginda: krump, tutting, dantza urbanoa eta abar. Musikari dagokionez, musikagile barrokoen abestiak erabiltzen dira, John Dowlandenak eta Henry Purcellenak, adibidez, Iñar Sastre eta Marc Kanou musikariek elektronikaren bidez eguneratuta, eta Iosu Yereguik zuzenean abestuta.

Gehiago irakurri

EliralE Konpainia: O!

EliralE Konpainia: O!

Noiz: 2022/12/09 19:30
Non: Ziburu, areto balionitzean

Txikiei zein handiei zuzendutako ikuskizun hau Oihan Indartek edo Ioritz Galarragak interpretatuko solo edo bakarkako lana dugu, eta Pantxika Telleria dugu koreografiaren arduraduna. Itxitako kupula puzgarri harrigarri baten (4m50eko gutxieneko garaierarekin) azpiko gunea baliatuz, 3 urtetik gorako guztiek ikusteko moduko pieza dugu O!, mugimenduaren eta mugimenduak argiarekin duen loturaren bidez harridura txundigarria eragiten duena, itsasoan harri-koskor bat altxa eta handitasun mugagabe horretan funtsezko infinitua aurkituko bagenu bezala, nolabait esateko.

Eszenatokia zentrala eta zirkularra izanik, koreografia 360°-tan hedatzen da eszenografiak, eta horri esker, publikoa interpretearen inguruan eserita edo erdi etzanda kokatu da, giro amesgarri honetan gehiago murgiltzeko. Emozio horiek lortzeko, espazio honen diseinua landu dugu Luhusoko “Hameka” Kaleko Arte lantegiarekin.

Gehiago irakurri

Hik Dantza Landu: Rober Gómez

Hik Dantza Landu: Rober Gómez

Noiz: 2022/12/10 10:00
Non: Errenteria, Gipuzkoako Dantzagunea

 “Mugimenduan dauden gorputzen baldintzapen, analisi, sokuntza eta elkartrukea”

  • Data: Abenduak 10, 11 / 10:00 – 14:00
  • Lekua: Dantzagunea. Pelotarien kalea z/g (Niessen eraikina) 20100 Errenteria
  • Nori zuzendua: Dantzari eta mugimendu arteetako artisteri zuzendua.
  • Prezioa: 60€ (50€ ADDE edo ARTEKALE bazkideentzat)

 

Ikastaroko lan-metodoa

Inprobisazioan eta gorputzaren baldintzapenean oinarritzen diren klaseak dira. Helburua gorputza espazioan prestatzea da, imaginarioa martxan jartzea edozein motako entseguri aurre egiteko. Informazio eta norabide sorta zabal batekin, Roberrek klasea gidatuko du dantza klasikoaren, garaikidearen, yogaren eta gaga teknikaren errekurtsoak erabiliz. Mugimenduari lotuta, erakargarriak diren teknikak izaten jarraitzen dute Roberrentzat. 

Klaseen ikuspegia, teknika lantzeaz gain eta beroketa lana egiteaz gain, honakoa izango da: zein da gorputzaren sarrerako atea? Egunero gorputz ezberdina izan ohi dugu, uneoro aldatzen eta nekaturik daukagun dantzarion gorputza onartu. Nola lan egin edozein direla baldintzak, edozein egoeratik edo lesiotik.  Guztiak gehitu dezake. Gorputz libre edo lesionatu batek erraminta eta ezagutza nahikoa izanik, modu egokian burutu dezake eskatutako lana. Pentsatzen duen gorputza eta intuizioa duen burua.

Rober Gómez:

Rober Gomez Figueresekoa da, Gironakoa hain zuzen ere. Bartzelonako Institut del Teatren 2005ean dantza garaikidean graduatua eta Suizako Lausanne hiriko Rudra Bèjart eskola famatutik igarotakoa. 

Bere ibilbide profesionala It Dansan hasten du. IT-n graduondokoa egin ostean, Bonachela Dance Companyn,  Galili Dancen, Club Guy and Roni konpainian, Gelabert-Azzopardi  konpainian, Staatstheater Oldenburg konpainian, Maura Morales kooperatiban, Staatstheater Mainzen, La Veronalen, Sol Picó konpainian, Siberian…egiten du lan.

Errepikatzaile bezala Ballet Konzert Bern konpainian eta Amsterdamgo Goi-mailako Arte Eskolan ere aritu da.

Duela lau urte, Hotel Col.lectiu Escènic kolektiboaren zuzendaritza hartzen du, beste interprete eta zuzendari batzuekin batera. Estreinatu berri dute beraien laugarren sorkuntza:  Habitación 11: LA HONTE, Lisi Estarasek zuzendua Mercat de les Florsen. 

Irakasle modura, Nunart Guinardó, La Caldera, Àrea espai de dansa i creació, La Casa del Moviment, Valentziako Goi-Mailako kontserbatorioan, Badalonako Escola Ritmes eta abar luze batean aritu da. 

Bere dantzarenganako pasioa yogaren ikasketarekin batera egiten du, Asthanga Rocket Yogan formatua baitago. Klase erregularrak ematen ditu Bartzelonan eta penintsula osoan zehar ikastaro trinkoak ematen ditu.

Gehiago irakurri

Duguna eta Aurtzaka

Duguna eta Aurtzaka

Noiz: 2022/12/10 12:00
Non: Iruñea, Burguen plaza

Iruñeko Duguna eta Beasaingo Aurtzaka dantza taldeen emanaldiak Iruñeko Burguen plazan, abenduaren 10ean, 12:00etan.

Gehiago irakurri

Dantzaldia: Eskamot Catalá

Dantzaldia: Eskamot Catalá

Noiz: 2022/12/10 18:00
Non: Bergara, Seminarixoa

Gehiago irakurri

De Scheherazade

De Scheherazade

Noiz: 2022/12/10 19:30
Non: Donostia, Victoria Eugenia Antzokia

Maria Pagések eta El Arbi El Hartik zuzenduta, De Scheherazade-k emakumeen esentzia poliedrikoa ehuntzen duten hari batzuk iradokitzen dituen abentura kontatzen du hamabi koreografiatan. Ikuskizuna narrazio boteretsu bat da, ezin hobeto harilkatutako koru koreografiekin eta bakar saioekin taxutua. Bere pertsonaiak antzezle bakoitzaren berezitasun indibiduala eta taldearen indar kartsua batzen ditu. Emakume honek —zeina emakume guztiak baita— kontakizuna zeharkatzen du eta publikoarekin partekatzen ditu bere ezaupideak, kontraesanak, maitasunak, desamodioak, indarguneak, hauskortasunak, ziurgabetasunak, asegabetasunak, bakardadeak.

Erroetaraino flamenkoa den obra honek, arima zabalik duela, gorputzarekin, desioarekin, amatasunarekin eta berdintasun oraindik lortu gabearekin komunikatzen du.

Koreografiek ekintzaz jabetzen den emakumeen aniztasuna islatzen dute, benetako eszenatokia konkistatzeko eta sinbolikoki bereganatzeko. Eszenatokiari (bizitzako eszenatokiari) oldartzen zaizkion 9 emakume dira. Berezitasun handiko Emakumeak dira denak. Emakume hauek koreutikoki eta musikalki pentsatzen dute ordezkatzen duten genero aniztasuna (desberdintasun fisiko, etniko, erlijioso, kultural edo estetikoez harago).

De Scheherezadek musika herrikoia eta klasikoa arakatzen du, eta arreta berezia jartzen du arabiar musikan. Partiturekin egiten du lan; zati klasikoak berrinterpretatzen eta egokitzen ditu, flamenkotik abiatuta. Baina, funtsean, Rubén Levaniegosek konposatutako eta María Pagések zuzendutako musika originalak sortzen ditu, kontakizun dramaturgikoa eta obrarako sortutako letrak oinarri hartuta.

Hari eta perkusio laukote batek interpretatuta, eta bi ahots flamenko bikainez lagunduta, musikak soinu klasiko, herrikoi eta flamenkoen arteko elkarrizketa aske eta abegitsua zeharkatzen du.

Informazio gehiago: María Pagés Zentroa

Gehiago irakurri

Bunuztar Xoriak: Laminosine

Bunuztar Xoriak: Laminosine

Noiz: 2022/12/10 20:30
Non: Donapaleu, Argitze zinegela

Bunuztar Xoriak-eko gazteen ikusgarria.

Gehiago irakurri

Muxikoak

Muxikoak

Noiz: 2022/12/11 12:00
Non: Errenteria, Herriko Plaza

Errenteriako Beti Prest elkarteak muxikoak antolatu ditu abenduaren 11n, igandean, eguerdiko 12:00etan.

Gehiago irakurri

Ukrainako Ballet Klasikoa: Intxaur-hauskailua

Ukrainako Ballet Klasikoa: Intxaur-hauskailua

Noiz: 2022/12/13 20:00
Non: Bilbo, Campos Elíseos Antzokia

Intxaur-hauskailua Tchaikovskyren ballet ezagunenetako bat da, Lev Ivanov-en jatorrizko koreografiarekin. Gabonetako  fabula bat da, galdutako haurtzaroarekiko atsekabea eta helduen errealitatearen eta haurren ametsen munduaren arteko talka aipatzen dituena.

Inozentzia, barne-edertasuna eta ausardia dira Intxaus-hauskailuaren ardatzak. Ukrainako ballet Klasikoak fantasia oparitzen digu, oraindik magian sinisten duena entretenituz eta gozaraziz. 

Bere ibilbide luzean, Ukrainako Ballet Klasikoak bira arrakastatsu ugari egin ditu Europako eszenatokirik onenak zeharkatuz.

Gehiago irakurri

Dokumentuaren akzioak

« Iraila 2022 »
Iraila
AlAsAzOgOrLrIg
1234
567891011
12131415161718
19202122232425
2627282930
« Urria 2022 »
Urria
AlAsAzOgOrLrIg
12
3456789
10111213141516
17181920212223
24252627282930
31
« Azaroa 2022 »
Azaroa
AlAsAzOgOrLrIg
123456
78910111213
14151617181920
21222324252627
282930