Agenda

Nondik nora folklorea?

Irailaren 20tik urriaren 17ra Zigoitiko Zentro Soziokulturalean

Gehiago irakurri

Aurreskua

Igande honetan, irailak 26, Santurtziko hainbat emakumek aurreskua aterako dute duela ehun urte egin zuten gisan.

Santurtziko Sotera traineruaren denboraldi bikaina, Mendi Alde dantza taldearen 60. urteurrena eta erraldoien konpartsaren 25. urteurrena ospatuko dituzte aurreskuarekin. Mendi Alde dantza taldeko 14 bat dantzari aterako dira sokan eta bukaeran Itsasoko Ama arraun elkarteko zuzendaritzako kideak, dantza taldeko hainbat belaunalditako dantzariak eta erraldoien konpartsako kideak gonbidatuko dituzte sokara dantzara.

Gehiago irakurri

Kimua: Generoa

Genero-ikuspegiaren inguruko lanketa, originala bezain berritzailea den dantza ikuskizun eta mediazio parte-hartzaile bidez proposatzen du Kimua Dantza Kolektiboak. Biologia, genetika zein euskal hizkuntzari dagokionean, loturak, kateak... ote ditugun galdetuko dugu genero ikuspegiari dagokionez, barrura begira.

Dantzaren bidez, gorputzaren mugimenduek gidatuta, hartzen ditugun rolak edo ezartzen dizkigutenak hautemateko parada izango dugu. Benetan askeak bagina, nola mugituko ginateke? Nola dantzatuko genuke? Eta zu, ausartuko zara lehen dantza pausua ematera? Loturak puskatzera? Benetan aske izatera?

Gehiago irakurri

Dantza Hirian

No Bautizados: Lo invisible. Zeinak aztertu egiten baitu gizakiak bere buruarekin duen harremana.

Gehiago irakurri

Dantzari-dantza eta erregelak

Dantzari-dantza eta erregelak dantzatuko dituzte Iurretako dantzariek San Migel bezperan, azken entseguan.

Gehiago irakurri

Dantzari-dantza eta erregelak

San Migel egunez dantzari-dantza eta erregelak eskainiko dituzte Iurretako dantzariak. Ohitura izan ohi da herriko festetako egun handian eguerdian eta arratsaldean dantzatzea; aurtengoan, ordea, eguerdiko saioa bakarrik egingo dute.

Gehiago irakurri

Ertza: O tempo diz

Mendebaldeak erlojua duen bitartean, Afrikak denbora du.

Esaten denez, mendebaldean denbora zenbatu egiten da, neurtu, erosi, saldu, aurreikusi, antolatu; ondasun objektiboa da, gizakiagandik bereizia, hainbat gauza egiteko erabiltzen duguna, baina gehienetan falta egiten zaiguna. Afrikan berriz denbora bizi egiten da, eduki egiten da, egin egiten da; ondasun subjektiboa da, gizakiari zuzenki loturik doana, orainaldian bizitzen dena eta ia inoiz ez dena faltatzen. Munduko punta batean edo bestean jaiotzearen patuak halabeharrez markatzen du aurrerantzean izango dugun denboraren ulermena, eta dena aldakorra den arren, nekez lortuko dugu lehen ikasgai hori ahaztea. Denbora modu askotara bizi daiteke, bai eta bere esklabu izatera iritxi ere; baina ukaezina dena, dantzak eskaintzen digun gaitasuna da, denbora orainaldi absolutu batetan bizitzeko ematen digun gaitasuna, eta hau munduko edozein herrialdetan betetzen da. “OTEMPODIZ” (DENBORAKDIO), Mozambique eta Euskal Herria bitartean bi norantzatan uztartzen den sorkuntza artistiko eta kultura-truke proiektu baten emaitza da. AECID, SORTUTAKOAK (Gipuzkoako Dantzagunearen egoitza artistikoa) eta ATLANTIKALDIA Errenteriako jaialdiaren laguntzarekin; proiektu honek, lanbide irtenbide bat eta nazioarteko dantza zirkuituetan murgildu ahal izateko lanabesak eskaini nahi dizkie Maputoko bi dantzariei.

• Fitxa artistikoa, berezko ideia, zuzendaritza eta koreografia: Asier Zabaleta.
• Dantzariak: Fenias Nhumaio y Deissane Machava.
• Musika: Askotarikoak.
• Laguntzak: AECID, SORTUTAKOAK (Gipuzkoako Dantzagunea), ATLANTIKALDIA. EKOIZPENA: ERTZA SORKUNTZA ARTISTIKOA S.L.

Gehiago irakurri

Euskal Herriko Dantzari Eguna

2020an EHDE modu birtualean ospatu ondoren, aurten Baztanen ospatuko da, urriaren 2an.

Gehiago irakurri

Aiko Taldea: Dantza asteburua Urduñan

Dantza asteburua Urduñan

Egin ditugun ikastaro, mintegi, tailer, dantza barnetegi, etabarretan, dakigun guztia konpartitzen saiatzen gara, beraz, zuetariko askok, urteak joan eta etorri, jakin beharreko "guztia" jaso duzue gure ikastaldietan. Baina gauza bat da jasotzea, ikustea, entzutea, imitatzea... eta beste bat barneratzea eta ikastea. Gu geu ere, Aikotarrok, egunero ari gara ikasten eta beti dugu zerbait ikasteko. Eta hori ederra da. Zuekin eskola bakoitzean ere, zerbait ikasten dugu. Eta sarritan gauzarik inportanteenak!

Jaso duguna barneratzeko, "dakiguna ikasteko" eta ez dakiguna “aurkitzeko”, Urduñan elkartzeko proposamenarekin gatoz, balsa, mazurka, jauziak, pasodoblea, boleroa, mutildantzak, txotisa, fandangoa etabarrekin asteburua dantzan gozatzeko asmoz.

Urriak 2 larunbata

17:00-18:30 Ikastaroaren hasiera Hotel Balneario Orduña Plazan, 3. solairuan.

18:30-19:00 Atsedenaldia

19:00-20:30 Berriz ikastera

21:00 Afaria

Urriak 3 igandea

10:00-11:30 Ikastera

11:30-12:00 Jolastokira

12:00-13:30 Berriz lanera

14:30 Bazkaria

 *Ordutegiak pokomasomenosekoak dira, beti bezala.

IKASTAROAN IZENA EMATEKO

https://aikoeskola.eus/ekitaldiak/

GOGORATU: PLAZA MUGATUAK 

Gehiago irakurri

Bizkai: Erromeria

Gehiago irakurri