Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Ballet Biarritzen Errauskiñe balletaren sortze prozesua zine aretoetan

Dokumentuaren akzioak

Ballet Biarritzen Errauskiñe balletaren sortze prozesua zine aretoetan

2015/01/28 10:40

Notas en movimiento, Ballet Biarritzek Euskadiko Orkestra Sinfonikoarekin batera egindako Errauskiñe balletaren inguruko dokumentala urtarrilaren 30ean Donostiako Printzipe zinemetan proiektatuko da. Oskar Tejedorrek zuzendutako koprodukzio euskal-frantses honek Mandalain Ballet Biarritzen azken desafioa jasotzen du, hau da, Sergei Prokofieven Errauskiñeren prestaketa. Dantzari eta koreografoen lanaz gain, balleta laguntzen duen Euskadiko Orkesta Sinfonikoaren zuzeneko musikaren prestaketa ere jasotzen du zuzendari legazpiarraren dokumentalak.

Ballet Biarritz eta EO-k 2013ko ekainean aurkeztu zuten ikuskizuna lehen aldiz Versaillesko musika eta dantza akademian. Notas en movimineto dokumentalak ordura arteko lana batzen du, hasierako ideiatik hasi eta taularatzera iritsi arte. Beraz, sormen-prozesua zein dantzari eta musikarien egunerokotasuna islatuko du. Honekin, zuzendariak ikusleari espektakuluaren barnealdea eta berau osatzen duten artisten bizitza gertutik ezagutarazi nahi dio. Artisten inguruan egon daitezkeen estereotipo finkatuetatik atera eta askorentzat ezezaguna den mundu hau ezagutzera eman nahi izan du dokumental honen bidez Oskar Tejedorrek.

Dokumentala Donostiako zinemaldian eta beste zenbait jaialditan aurkeztu da, eta egunotan areto komertzialetara pasa da. Donostiako Printzipe aretoetan urtarrilaren 30etik aurrera izango da dokumenta ikusteko aukera.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.