Hona dantzak gure buruari eragiten dizkion onurak
Dantza egiteak trastorno kardiobaskularrak murrizten ditu, gure pisua kontrolatzen laguntzen du, baita estres eta depresio sintomak modulatzen ere. Jarduera asko dira onuragarriak, baina dantzak dituen mesedeak asko eta ia berehalakoak dira. Askotan ohartu gabe dantzatzen gara, musika entzute hutsarekin gorputza bakarrik hasten da mugitzen eta oso harro sentitzen gara ikusten badugu gure gorputza gai dela bi urrats segidan lotzeko estropezu egin gabe.
Dantzari esker indarra, erresistentzia muskularra, motrizitatea lantzen da eta erorketak izateko probabilitatea gutxitzen da. Dantzatzen diren pertsona helduek jarrera kontrolaren sistema hobetzen dute eta hori oreka eta martxan antzematen da.
Gorputza eta burua
Izan ere dantzatzeak, besteak beste, trebetasun ugari lantzea dakar: gure arreta sistema gauzatuko dugun jardueran zentratzea, gure lan memorian jarraibideak mantentzea, mugimenduen aldez aurreko sekuentziak gogoratzea eta koordinazio motorrerako dugun gaitasuna probatzea. Alderdi sozialak ere ez dira ahaztu behar. Kasu gehienetan, dantzak beste pertsona batekin edo batzuekin harremanetan jartzea dakar. Beraz, abian jartzen ditugu estimulu sozialak detektatzeko eta prozesatzeko prozesuak.
Zientziak agerian utzi du musikarekin lotutako aisialdiko jarduera guztiek onura kognitiboak eta emozionalak dakartzatela. Dantzaren testuinguruan, musika garunean aktibatzen da enpatia prozesuetan, kontzientzia egoerak aldatzen ditu eta gure historia ebolutiboan eta kulturalean sustraiak dituzten sentimenduak pizten ditu.
Pertsona helduekin dantza tresna estimulatzaile gisa erabiltzen denean oso denbora gutxian agertzen dira emaitzak. Onura kognitiboak, fisikoak, emozionalak eta sozialak ikus daitezke berehala. Bailar le sienta así de bien al cerebro artikuluan azken aldian behin eta berriz nabarmentzen ari garena irakur dezakegu: dantza onuragarria da osasunarentzat, zeren zain gaude? Dantza gaitezen!
Artikulua: Bailar le sienta así de bien al cerebro (The Conversation, 2021-04-08)