Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Kultura Eskola Dantza proiektuak Kultur Eskolaren katalogora aurkezteko deialdia ireki da

Dokumentuaren akzioak

Dantza proiektuak Kultur Eskolaren katalogora aurkezteko deialdia ireki da

2023/02/28 14:40

12-16 urte bitarteko ikasleekin Gipuzkoako ikastetxeetan lantzeko dantza proposamenak aurkeztu daitezke martxoaren 31 bitartean Kultur Eskola programan. Aukeratutako proposamenak 2023-2024 ikasturterako Kultura Eskolaren katalogoan eskainiko dira, ikastetxeek ikasturte horretan garatu beharreko jarduerak aukeratu eta programatu ahal izan ditzaten. Ekintzak eskola orduetan egitekoak izango dira, ikasle guztiei zuzendutakoak.

Kultura Eskolaren helburua da ikastetxeetan irakasten diren arte ikasgaien osagarri izatea. Horrela, katalogoan hainbat arte diziplinetako, tartean dantza, sortzaile eta eragile kulturalen proposamen artistiko-kulturalak biltzen ditu; ikastetxeek aukeratu eta beren eskoletan txerta ditzaten.

Katalogoa etengabe eguneratzen

Deialdi honetan proposamen berriak gehitu ahal izango dira katalogora. Horrez gain, katalogoan eskaintzen diren jardueren aldaketak eskatu ahal izango dira helbide elektroniko honen bidez: kulturaeskola@gipuzkoa.eus. Martxoaren 31tik aurrera ere, katalogoak irekita jarraituko du, kultura- eta arte-eragileek etorkizunean egingo diren deialdietan sartzea eska dezaten uneoro.

Pertsona fisiko edo erakunde bakoitzak ezin izango ditu bere izenean eduki katalogoan bi proposamen desberdin baino gehiago. Eguneratze horretan, baja emateko eskatu duten jarduerak kentzeaz gain, baztertu egingo dira azken bi ikasturteetan inoiz kontratatu ez diren jarduerak, edo, ikastetxeen aldetik kritika baxua jaso duten jarduerek ez badute gutxieneko puntuazioa lortzen.

Informazio gehiago: Kultura eskola jarduera katalogoan sartzeko irizpideak eta prozedura



Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kultura Eskola

Kultura Eskola

Artea eta kultura-ondarea ezagutzeko nerabeei zuzendutako ekimenak jasotzeko eta zabaltzeko esparrua da Gipuzkoako Foru Aldundiaren Kultura Sailak sustatutako Kultura Eskola programa. Programaren helburu nagusia da kultura eta arte jarduera 12 eta 16 urte bitarteko gazteek garatzen dituzten zaletasunen eta interesen parte izatea, sentsibilitatea eta irizpide artistikoa sortzea eta begirada kritikoa garatzen laguntzea; helburu hori kultur eragileen, hezkuntza munduaren eta erakundeen arteko lankidetzari esker lortu ahal izango da.

 

Bide batez, enplegu aukerak sortzen lagundu nahi da oso prekarizatuta dagoen eta orain, inoiz baino gehiago, egoera ekonomiko bereziki zaila bizi duen sektore sortzaile eta kultural batean. Baita irakurketa aretoak, erakusketa aretoak, zinema eta antzerki aretoak hartuko dituzten publiko berriak eta ondare historiko-artistikoaren gaineko ardura izango duten herritarrak sortzea ere, bokazio berriak piztea baztertu gabe.

 

Katalogorako dantza proposamenak

Kultura Eskolaren proposamenekin katalogoa osatzen ari da eta dantza jardueren proposamen berriak 2023ko martxoaren 31ra arte bidali ahal izango dira helbide elektroniko honetara: kulturaeskola@gipuzkoa.eus

Interesatuek, edozein argibide behar izanez gero, helbide honetara jo dezakete: