Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Algara Dantza Taldea Durangoko Euskal Jaia

Dokumentuaren akzioak

Durangoko Euskal Jaia

Pasa den ekainaren 4an Durangoko Euskal Jaian parte hartu genuen Kriskitin Dantza Taldearekin batera. Andra Mariko elizpean kokatutako oholtzaren gainean ia ordubetez gure dantza tradizional eta modernoez gozatzeko aukera izan zuten ikuskizuna ikustera etorri ziren hamarnaka herritarrek.

Bertan Kilimusi, Makilau, Irrika eta Bozkario izeneko koreografiak dantzatu genituen, euskal dantza tradizionalak eta modernoak uztartuz osaturiko dantzak alegia. Honetaz gain, euskal dantza tradizionalak ere dantzatu genituen: Gasteizko Zortzikoa, Txakoli,.... Arabako dantzak denak.

Horrela, gure lana Euskal Herrian barrena eta Euskal Herritik kanpo zabaltzen jarraitzen dugu.

Gasteizko zortzikoa dantzatzenBozkario koreografia dantzatzenAhaika koreografia dantzatzenIrrika koreografia dantzatzen

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Algara Dantza Taldea

Algara Dantza Taldea

 

Algara Dantza Taldea 2000. urteko apirilaren 13an Gasteizen sortutako euskal dantza taldea da. Lehenengo pausoak dantza tradizionalaren inguruan eman arren, urteak pasa ahala dantza tradizionalean oinarritutako koreografia garaikideak sortzen joan dira, betiere tradizioa albo batera utzi gabe. Koreorafia horiek, besteak beste, txistuaren, albokaren edota trikitixaren doinupean sortu izan dira azken urteotan. Animoz beteriko gazte batzuen amets soil bezala sortutako dantza talde hau, dagoeneko 150 dantzarik ez ezik, 20 musikarik ere osatzen dute.

 

 

Dantza Euskal Herriko ohitura zaharrenetako bat dugunez, gure lurraldearen eta jendearen ezaugarri esanguratsuenetako bat da. Euskal Herrian, kultura mailan eta bereziki folklorean daukagun aberastasuna nabarmendu nahiko genuke, 300 dantza eta hamaika melodia ezagutzen baitira gure kulturak osatzen duen zabaltasun horren barnean. ALGARAk leku ezberdin askotan egin izan ditu ekitaldiak, bai Euskal Herrian, bai atzerrian ere,  Hungaria, Turkia, Londres, Bartzelona, Lleida, Galizia…

 

 

Bertan, probintzia bakoitzeko dantza bereizgarrienak egin izan ditugu haien ezaugarriak ezagutarazteko. Musika ere garrantzitsua da antzezpen hauetan eta instrumentu tradizional ugari erabili izan ohi ditugu: Txistua, txirula, dultzaina, alboka eta trikitixa besteak beste.

 

Gainera hainbat ikuskizunetan parte hartu du taldeak:

 

Gasteizko jaietan ikurriñaren omenaldian, eta harez geroztik 20 aldiz gehiago. San Prudentzio bezperako erretretan…

 

 

 

Eboluzioa ere handia izan da, eta euskal dntza tradizionalez gain, Algarak sortutako ikuskizun luze eta bereziak ere egin izan dira: Garaiak, Pausoz pauso iraganetik etorkizunera, Askazi, Ahaika…

 

 

Herriko plazetan ez ezik, Baskonia, Alavesen eta Araskiko zelaietan ere dantzatu du Algarak, baita kobazuloetan  dantzatzeko aukera ere izan du, Mairulegorretan esaterako.

 

 

Hori gutxi izango balitz eta Algarak euskararekin duen konpromezua ikustarazteko, korrikako edizioetan parte hartu dute bai korrika egiten bai aktuazioak egiten. 

 

 

Azkenik, aipatu beharra dago, Euskal Herriko kultura adituak diren zeinbat ezagunekin ere ibili direla elkarlanean. Korrontzirekin, Pirritx eta Porrotxekin, Joselu Anaiekin, Leturia, Puro Relajorekin...

 

 

Gaur egun, partaide guztion lanagatik, ALGARA dantza taldea Arabako folklorean, euskal dantza talde hoberenen artean topa dezakegu. ALGARAk euskal folklorea sustatzen jarraitu arren, horretaz gain, mundu korronte artistiko berrietan oinarrituz, koreografiak sortzeko gaitasuna eta grina baduela erakutsi du.

 

ALGARA dantzarekin disfrutatzen eta ikasten dugun dantza talde bat besterik ez gara, eta berdina helarazi nahi diegu gure ikus-entzuleei. Ekitaldi guztietan oholtza gainean sentitzen dugun poza eta gozamena sentitu dezaten bilatzen baitugu.

 

 

Algara Dantza Taldea

Aska Kalea 2

01001 Gasteiz-Araba

Tfnoa: +34 652754789

algaradantzataldea@algaradantzataldea.eus