Jota ikastaroa Aiko Taldearekin urteko azken astean Urduñako Bainuetxean

2019ko azken asteburuak bat egingo du, AIKO Taldeak, dantza tradizionalaren zabalkundea sustatzen duen musikari eta dantza-maisuen kolektiboak, duela hamarkada bat baino gehiagotik, antolatzen duen urteko azken irakaskuntza jarduerarekin. Eta oraingo honetan, irailean, berrogeita hamar pertsona baino gehiagoren parte-hartzearekin, Urduñan egin zen Jotaren inguruko ikastaroaren bigarren edizioa izango da. Deialdia berriro ere agertoki berean egingo da.

Dantza asteburua “Jotaren sistema” ikastaroaren bigarren zatian zentratuko da. Baina, nolanahi ere, osagarritasun-ideiatik abiatuta, lehenengo zatian parte hartu zuten ikasleak eta bertan egon ez zirenak jaso ahal izateko. Jarduera abenduaren 28an (larunbata) eta 29an (igandea) egingo da hiriko Foruen Plaza enblematikoan dagoen Urduña Plaza Hotel bainuetxean.

Eraikin historiko batean dauden instalazioek dantza ikastaro jarduera emateko baldintza ezin hobeak eskaintzen dituzte, hirugarren solairuan dagoen dantzaleku bikainari esker. Era berean, hotelaren azpiegiturak, ikastaroko ikasleen eskura eskaintza osagarria jartzeko aukera ematen du: logela bikoitzeko ostatua, larunbateko afaria eta igandeko gosaria eta bazkaria, eta zirkuitu termal bat, 75 euroko prezioan pertsonako. Jota ikastaroaren prezioa 50 eurokoa da, eta matrikula aiko@aikotaldea.eus helbide elektronikora idatziz eta zenbatekoa Kutxabankeneko ES85 2095 0233 10 910994 3783 kontuan sartuta egin daiteke.

Ikastaroa, AIKO TALDEAren jarduera guztietan ohikoa denez, dantza adierazpen eta gozamen, inprobisazio eta askatasun jarduera gisa ulertzean oinarrituko da, gorputzaren mugimenduaren bidez. Oraingo honetan Jotari, AIKO Taldeak debozio berezia erakusten dion dantzari, erreparatuko zaio. Horren froga garbia da Jotari omenaldia egiten dion eta taldeak 2016an ekoitzi zuen “Jotamentala” dokumentala. Erabateko dantza da, bakarka eta bikoteka aldi berean egiten dena, eta iradoki ere egiten duena. Eta AIKOk bere ibilbidean zehar milaka pertsonari transmititzea lortu duen dantza herrikoi modalitatea ere bada.

Gaitaren, albokaren edo akordeoiaren laguntzaz, eta AIKO Taldeak sustatzen dituen eta akademizismoetatik urrun dauden dantza "demokratiko eta ergonomikoaren" premisen pean, jotaren historiari errepasoa ematen saiatuko gara, gozamenaren eta dibertsioaren dimentsioa begi bistatik galdu barik.

+info: http://aikotaldea.eus/berriak_detalle.php?idioma=eu&id_not=177