Hemen zaude: Hasiera Komunitatea Aiara Dantza Taldea Aiara dantzan, aunitz urtez!

Dokumentuaren akzioak

Aiara dantzan, aunitz urtez!

Aiara dantzan, aunitz urtez!” ikuskizuna aurkeztuko dugu Azaroaren Amurrio Antzokian. 140 dantzari, musikari eta aktorez osatutako obra honetan, 30. hamarkadatik gaur egunera arte Amurrio inguruetako dantzaren egoera kontatzen da. Bi pase egingo dira, bata Azaroaren 29an, 20:00etan, eta bestea hurrengo egunean, hilaren 30ean 19:00etan. Sarrerak Kultura etxean erosi ahal izango dira, azaroaren 17tik aurrera bazkideentzat, eta 18tik aurrera jende guztiarentzat. Hiru sarrera mota egongo dira: Umeak (14 urtekoak barne) 5€, bazkideak 6€ eta helduak 7€.

30. Hamarkada

Dantza talde ezberdinak egon ziren 30. hamarkadan Amurrio inguruetan, Larrinbe, Amurrioko Batzokiko edo Baranbioko taldeak esaterako. Azken honen sortzailea izan zen José Tomás Uruñuela konpositorea. Gasteizen sortua bazen ere, Baranbion eman zituen bere bizitzako hainbat urte. Uruñuelarena da gaur egun ere askotan dantzatzen dugun Kontrapasaren musika ere.

Frankismoa
1936. urtea iritsi eta Francok estatu kolpea eman zuen Espainian. Gerra bizi behar izan genuen hemen ere, eta hamaika desagertu, hildako eta zauritu ekarri zituen horrek. Honekin batera errepresioa heldu zen: euskal nortasuna zapaldu eta ikurrak debekatu zituzten. Ondoren sortuko zen Dantza Lagunak dantza taldeak ere bizi behar izan zituen errepresioaren ondorioak.

Trantsizioa
Frankismo ondorengo garaia ere gogorra egin zitzaigun euskaldunoi. Ipar Euskal Herrian ordea bestelakoa zen egoera, euskal nortasuna ez baitzen hain zapaldua izan. Handik ekarri zituzten askok Hego Euskal Herrian debekatutako hainbat gauza: Ez Dok Amairu musika taldearen biniloak edo ikurrinak esaterako.

Gaur eguna
Azken eszena gaur egunean oinarrituko da. Aiara Dantza Taldearen oraina zein den ikusiko dugu, baita Euskal Herrian dugun dantza aberastasuna ere.
Izan zirelako gara, garelako izango dira!

Informazioa: Aiara Dantza Taldea

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Aiara Dantza Taldea

Aiara Dantza Taldea