Beasaingo Inauteri herrikoiak: dantza-desfile herrikoia datorren larunbatean (otsailak 22)

Urtero legez, Ostadar Dantza Taldeak dantza-desfile herrikoia eskainiko du Inaute larunbatean Beasaingo kaleetan barrena (otsailak 22). Aurten ere, Euskal Herriko hainbat lekutan, Inauterietan ikus eta dantza daitezkeen inauterietako dantza herrikoiak eskainiko dituzte.

Ohi bezala, dantza taldeeko kideekin batera, musikari laguntzaileak eta taldeak antolatutako entsegu irekietara azaldutako herritarrak irtengo dira. Dena den, dantza-desfilea irekia izango denez, larunbatean bertan herritarrei dantzara irtetera gonbidatzen ditu dantza taldeak, elkarrekin inauteriak ospatzeko,

Egun osoko festa-egitaraua:

• Dantza-desfilea 11:00etan hasiko da taldearen egoitzan (Oriamendi kalea, 10). Dantzariak herriko kaleetan barrena ibiliko dira 14:00ak bitartean. Eguraldi txarra egingo balu, dantza-desfilea Gernika Pasealekuko frontoian eta Loinazko San Martin plaza azpian egingo da
• Arratsaldean, 19:30etik aurrera, Elizagoien ahizpak taldearen eskutik erromeria izango da Loinazko San Martin plaza azpian!

Ostadar Dantza Taldeak herritar, dantzari eta dantzazale guztiak gonbidatzen ditu larunbatean Beasainera, elkarrekin inauteriak giro onean ospatzeko