Oroitzapen hutsak

Oberena dantza taldeak Oroitzapen hutsak ikuskizuna estreinatuko du Agoizko Kultur Etxean. Musika, dantza eta antzerkia uztartzen dituen obra honek oroitzapenak ditu oinarrian. Bi istorio paralelo ezagutuko dira: Jose Angel Dorremotz XIX. mendeko ttunttuneroarena eta Katali alzheimerrak jota dagoen auriztarrarena (benetakoa lehenbizikoa, fikziozkoa bigarrena). Taldearen errepertorioan ohikoak diren dantzez gainera, ikuskizunerako propio sortutakoak ere taularatuko dira.

Nafarroako Gobernuaren Kultur 2017 egitasmoaren baitan aurkeztuko da ikuskizuna, eta sarrera doakoa da leihatilan gonbidapena eskuratuta.