Dokumentuaren akzioak
Haize Hegoa obra epitomea, mende erdiko jardun kritikoaren bilduma
Kresala Dantza Taldea
Kresala, Haize Hegoa.
Kresalak “Haize Hegoa” etorkizuneko emanaldia aurkeztuko du martxoaren 3an Victoria Eugenia antzokian, 20:00etan.
Sormen berriko obrei, eta enblematiko diren piezei begirada berri bat emango die, proposamen berezian. Bi zatiz osatutako dantza egitarau baten gaua da: gaua eta egunaren artekoa bezala, iparra eta hegoa, beltzak eta zuriak, edota ilargiaren bi aldeak.
Lehenengo zatian, “Zeruko” drama koreografiko astrala aurkeztuko dute, ozeano Atlantikoko haize eta itsasoa hartzen duen obra nordikoa. Aldiz, bigarren zatian,
“Kulunka” esanguratsua burutuko dute, Europa meridionaleko hego-haizea duen mediterranear izaerakoa, errepika ezina izango den gau iradokitzailean. Azken batean, “Haize Hegoa” obrak dantzaren ikuspegi berritu bat uztartzen du: dramaturgiak eta poetika bisualak, preklasikoko dantza-moldeak txirikordatuz, diziplina eszenikoari zentzu berri bat ematen diona. Eginkizun honek azken 50 urteak bete dizkiete, betiereko jarduera kritikoan eraikitako euskal ondare koreutiko berri baten birsorkuntzarekin.
Dantza egitaraua
I. ZERUKO
Beltxarga - Faunoak - Babilonia - Bufoiak - Janto - Agotak - Hiru damatxo - Ageda - Khantoria - Zelaia - Ternua - Errautsak
II. KULUNKA
Loa loa - Sehaska - Mutil - Argia - Minuetoa - Zesta punta - Rodchenko - Ioiak - Maitianun zira - Habanera - Keinuka - Pausobikoa
Fitxa
- Zuzendaritza artistikoa eta eszenikoa: Faustino Aranzabal
- koreografia: Faustino Aranzabal, Gene Yurre (Minuetoa), Xabier Arregi-Pako Sexmilo (Ioiak), Myriam Pérez (Loa loa, Maitia nun zira)
- Dantza-maistra: Idoia Ibarzabal
- Jantzien diseinua: Idoia Ibarzabal, Ramon García, Clara Munoa
- Musikariak: Alberto Murua (gitarra), Pili Zaldua (akordeoia), Ane Sobreviela (biolina)
Dokumentuaren akzioak
Erantzun
Kresala Dantza Taldea
KRESALA DANTZA TALDEA. 1968an sortua Gene Yurre dantzari eta koreografoaren eskutik. Talde aitzindaria Euskal Herrian euskal dantzaren bilakaera berrian. 1993ko ekainetik Faustino Aranzabal da taldearen zuzendari artistikoa. Tradizioa sormenerako inspirazio iturritzat hartuta, dantza antzezpen berritzailea burutu du, hogeita hamar ekoizpen saiotik gora osatuz: Sokadantzan, Besta Berri, Marixe, Sehaska, Ayres for the theatre, Buba eta Bubu, Oteizaren kaxa beltza, Argia, keinuka, Ródchenko edo Hala ere ikuskizunekin. Lan guzti hauek, formatu ezberdinetan aretoko eskaintza erregistro zabala eskainiaz, ikusle helduei zein haurrei zuzenduta daude. Nazioarteko dantza jaialdi ugarietan parte hartu du, hala nola: Suitzan, Belgikan, Herbeheretan, Alemanian edo Finlandian. Artearen beste diziplinekin elkar eragiten du, sortzaileekin batera lankidetzan.
