Zuberoako umeen jantzi bereziak

Ongi ezagutzen ditugu maskaradetan bost aitzindariek eramaten dituzten jantziak. Ba al dakizue garai batean, Atharratzeko kantonamenduan, haurrentzako jantzi berezi bat baliatzen zela?

XX. mende hasieratik, Beñat Elgoyhen dantza-maisu handiak, bere izeneko eskolan bertan, Atharratze inguruko dantzari franko errezibitzen zituen. Haurrei, gazte-gaztetik ere dantza irakasten zien. Haur-dantzari horiek maskaradetan parte hartzeko gazteegiak baitziren, Küküllero gisa ere, Elgoyhen Jaunak, 1908tik aurrera gazte tropa batzuk presentatu zituen bertako herriko festetan eta hainbat ospakizunetan.

Orduan, tradizionala bilakatuko den jantzi berezi batez beztitzen zituen: “Zilarrez brodaturiko jaka urdin bat, galtza motza kuskuiluz apaindurik, galtzerdi eta zapata zuriak, eskuan azote jostailu bat”.

Adixkidiak egün hun, zer berri dügü Xiberun? 

Dantzari, Dantza maisu eta Maskaraden inguruko zonbait istorio.

Atalak:

• Armadan irakasten zen dantza
• Kantiniersak maka beltza ordezkatu zuen
• Baiona eta dantza-maisuak
• Umeen jantzi bereziak
• Kükülleroak oilarrak dira
• Barkoxe, beti haboxe?