Bertha Bermudez-ek Inspiración izeneko pieza eta Jorge Jauregik Total surrender izenekoa landu eta aurkeztu dute DantzaKlubeko Atalak 26. ekitaldian. 2016ko Otsailaren 8tik 11ra egin da Dantzagunean, Biarritzen eta Donostian Atalak XXVI, Dantzaklub proiektuaren hogeita seigarren edizioa.

Atalak 26 - DantzaKlubeko piezak ondorengoak izan dira:

• Bertha Bermudez: Inspiración. Inspirazioa bilatzea da garrantzitsuena sormen-prosezu batean. Gisa berean, haren sekretua norberaren baitan dago. Korografia-lan honen ardatza dira dantza-pieza bat sortzeko inspirazioa bilatzeko hainbat forma. 
• Jorge Jauregi: Total surrender. Lan honen nahia da geure mugimendu-patroien alderdi inkontzienteena sakontzea, interprete bakoitzaren berezitasun pertsonalak berreskuratzeko helburuarekin, segidan aitortza txikiekin egindako koadro heterogeneo bat sortzeko. Kontua da mugimenduan dagoen gorputzaren komunikazio-indarra defendatzea eta era berean geure buruei buruz hausnartzeko duen ahalmena

Dantzaz konpainiaren proiektua da DantzaKlub, eta ehun lan koreografikotik gora aurkeztu dira 2008tik, konpainiako lantaldea osatzeko Europa osotik datozen dantzarien sorkuntzak eta ia euskal koreografo gehienen lanak uztartuta. 2015-16 edizioa Ballet T-rekin eta Gipuzkoako Dantzagunearekin elkarlanean prestatu du Dantzazek.

Proiektu integral honen bitartez hainbat aukera zabaltzen ditu Dantzaz konpainiak: euskal koreografoek, konpainia batekin lan egiteko gonbidapena eginda, sorkuntza-prozesu bat egiteko aukera dute; Dantzazeko dantzariek koreografia bat sortzeko mikroprozesu batean hartzen dute parte; publikoak gertuko prozesu fresko bat jasotzen du (dagoeneko badago DantzaKlub gertutik zortzi urtez jarraitu duen publiko fidela); euskal sortzaileak bestelako arte-diziplinekin aritzen dira. 

DantzaKlub, Atalak 26, Bretha Bermudez eta Jorge Jauregi, Gipuzkoako Dantzagunea, 2016-02-15.

Otsailaren 30ean eta 31n estreinatuko da "Oskara" ikuskizuna, Donostiako Victoria Eugenia antzokian.
Kukaiko Jon Maya eta La Veronaleko Marcos Morau elkarrizketatu ditugu, elkarlanean egindako proiektuaren xehetasunak ezagutzeko. Gipuzkoako Dantzagunea, 2016-01-29.

Dantzaz konpainian hiru urtez aritu ondoren, Poloniako Gdansk hiriko Bałtycki Teatr Tańca konpainian ariko da Garazi Etxaburu ondarrutar dantzaria 2016an. Dantzaz konpainiaren bitartez, Dantzagunean izandako esperientziari eta dituen aurreikuspenei buruz hitz egin dugu harekin. Gipuzkoako Dantzagunea, 2016-01-15.

Dantzagunean 2015 urtean zehar egindako hainbat jardueraren laburpena da hau. Urte osoan zehar antolatu ditugu: ikastaroak, tailerrak, master classak, erakusketak, klase irekiak, eta beste hainbat ekintza. Era berean, sortzaile eta hezitzaile ugarik erabili dituzte Dantzaguneko aretoak beren lanak burutzeko. Dantzagunea: 2015a iruditan.

Klakea oinarritzat hartuta, gorputz-perkusioa egiten du Sandy Silva dantzariak. Errenterian arituko da gaur gauean Atlantikaldia jaialdiaren baitan eta Gipuzkoako Dantzagunean ari da azken errepasoak egiten. Berarekin batera lanean Euskal Herriko, Quebeceko eta Danimarkako musikariak izango dira; David Boulanger Arkaitz Miner Txus Aranburu eta Maja Kjaer Jacobsen hain zuzen ere. Sandy Silva dantzariaren gorputz perkusioa gaur Errenterian. Gipuzkoako Dantzagunea, 2015-09-18.

Antonella D'Ascenziren Ellas eta Olga Alvarezen Cuando el cuerpo habla  lanak jorratu dira Gipuzkoako Dantzagunean, Sortutakoak sorkuntza sustatzeko programaren 7. edizioaren baitan. Irudi hauetan bi lanon aurkezpenak ikus daitezke, "Dantzatzeko ez diren koreografiak" erakusketaren barruan egin zirenak. Dantzagunea, Sortutakoak 7, Antonella D' Ascenzi, Ellas eta Olga Alvarez, Cuando el cuerpo habla, 2015.

Gipuzkoako Dantzaguneak udarako antolatu dituen ikastaroen baitan Iñaki Azpillagak eskainitako dantza garaikideko ikastaroaren irudiak ikus daitezke hemen. Iñaki Azpillaga donostiarra euskal dantzan hasi eta klasikoko ikasketak egin zituen, ondoren dantza garaikidearen bidea hartu eta besteak beste Win Vandekeybus koreografo ezagunarekin lan egin du Ultima vez konpainian. Irudi hauetan, dantza garaikidean murgilduta, lurrarekin dugun erlazioaren eta inprobisazio tekniken inguruan egiten duen lanaren nondik norakoan azaltzen ditu eta ikasleekin lanean ageri da. Ikastaroa ekainaren 29tik uztailaren 10era Gipuzkoako Dantzaguneak Errenterian duen egoitzan burutu da. Udako ikastaroak 2015: Iñaki Azpillaga. Gipuzkoako Dantzagunea, 2015-07-23.