Edukira salto egin | Salto egin nabigazioara

Tresna pertsonalak
Hemen zaude: Hasiera › Komunitatea › Gipuzkoako Dantzagunea

Orain arteko ekarpenak

Sortutakoak 10: izen-ematea irekita

2016/10/27

Gipuzkoako Dantzaguneak Sortutakoak programaren hamargarren edizioaren deialdia iragartzen du. Sortutakoak Gipuzkoan dantza-proiektu berriak sortzeko, garatzeko eta dibulgatzeko Gipuzkoako Dantzagunearen programa da. Bere baitan hartzen ditu diru-laguntza bat, egonaldi bat Dantzagunearen Errenteria...

Gehiago irakurri

Sortutakoak 9: Amaia Elizara eta Jhon Kendall

2016/09/23

Sortutakoak 9 programaren barruan, egonaldia egin zuten Gipuzkoako Dantzagunean Amaia Elizaran eta John Kendall dantzariak, elkarrekin sortu duten "Raw" lanari azken ukituak emateko. Egonaldiaren ondoren, prest dago jende aurrean emateko. Gipuzkoako Dantzagunea, 2016-09-23.

Haatik: Hormek diote

2016/09/02

Donostia 2016ren barruan landu du Haatik konpainiak "Hormek diote" proiektua. Hirian egindako bost muralen inguruan, eta bizikidetza gaitzat hartuta, Iker Arrue, Vitali Safronkine eta Aiert Beobide koreografoek egindako bost koreografia prestatu zituzten Gipuzkoako Dantzagunean sei hilabetez. Lan horren emaitza uztailean zehar eman zuten Donostian zehar.

Udako Ikastaroak 2016 Garaikidea: Ion Garnika

2016/07/29

2016ko ekainaren 26tik uztailaren 8ra egin ziren Gipuzkoako Dantzaguneko udako ikastaroak. Ion Garnika izan zen dantza garaikideko irakaslea. Dantza garaikideko teknika eta estilo nagusiak landu zituzten, gorputzaren oinarrizko mugimenduak eta inprobisazioa oinarritzat hartuta. Udako ikastaroak, garaikdiea, Ion Garnika, Gipuzkoako Dantzagunea, 2016-07-29.

Udako Ikastaroak 2016 Klasikoa: Iker Murillo eta Vitali Safronkine

2016/07/20

2016ko ekainaren 26tik uztailaren 8ra egin dira Gipuzkoako Dantzaguneko udako ikastaroak. Iker Murillo eta Vitali Safronkine izan dira ballet klasikoko irakasleak. Murillok maila ertaineko eta aurreratiko ikasleei eman dizkie eskolak, eta Vitali Safronkinerekin, errepertorioari eskainitako kurtsoan, koreografia-pieza bat landu dute. Udako ikastaroak, klasikoa, Iker Murillo eta Vitali Safronkine, Gipuzkoako Dantzagunea, 2016-07-20.

Sortutakoak Tradizionala 5 deialdia irekita

2016/07/19

Gipuzkoako Dantzaguneak Sortutakoak Tradizionala programaren bosgarren edizioaren deialdia iragartzen du. Tokian tokiko dantzen edo tradizioz jasotako dantzen berregite, egokitze edo sormen proiektuak aurkez daitezke bertara. Kontuan hartuko da proiektuetan landutako dantzaren testuingurua ...

Gehiago irakurri

Jone San Martin: Sorkuntza prozesua

2016/07/06

Jone San Martin hainbat sorkuntza-prozesu ari da egiten Gipuzkoako Dantzagunean, Donostia 2016k emandako "Karta zuriak" programaren barruan. Hala, dantza garaikidean nazioarteko maila gorenean ari den artista baten ahotik ezagutu dugu sorkuntza-prozesu baten gordintasuna: zalantzak, galderak, atzerako eta aurrerako pausuak... Sormenaren bide zaila eta emankorra, azken batean. Jone San Martin: Sorkuntza prozesua. Gipuzkoako Dantzagunea, 2016-07-06.

Teatro de Açucar: Naufrage(s) 2016 Entsegu irekia

2016/06/20

Teatro de Açucar konpainiaren, "Naufragé(s)" lanaren entsegu irekia Gipuzkoako Dantzagunean. Antzerki-obra batean dantza-piezak integratzeko prozesuak azaldu dizkigu Gabriel F konpainiako zuzendariak.

Udako ikastaroak Gipuzkoako Dantzagunean: izen-ematea irekita

2016/06/13

Iker Murillo, Vitali Safronkine eta Ion Garnika izango dira Gipuzkoako Dantzagunean egin ohi diren Udako ikastaroetako irakasleak. Ohi bezala,  Gipuzkoako Dantza Profesionalen Elkartearekin lankidetzan antolatu ditugu udako ikastaroak, eta horietan dantza klasikoa eta garaikidea landuko ditugu. E...

Gehiago irakurri

Zoa xeper: Somos capaces

2016/06/08

Joana Olasagasti eta Alice Sorin dantzariek osatzen dute Zoa Xeper, eta 2013an ekin zioten beren ibilbideari. Formatu berria dute orain eta beren lehen sorkuntza-lanak ari dira egiten, besteak beste bideo honetan azaldu diguten "Somos capaces" izenekoa. Zoa xeper: Somos capaces, Gipuzkoako Dantzagunea, 2016-06-08.

Gipuzkoako Dantzagunea

Gipuzkoako Dantzagunea

Dantzagunea Gipuzkoako Foru Aldundiak dantzaren ikaskuntza eta sorkuntza prozesuak laguntzeko eta sustatzeko sortutako zerbitzua da. Errenterian du egoitza, Niessen eraikinean.

Kulturaren Euskal Planak dantzaren alorreko lan-lerro nagusitzat jo zuen herrialde bakoitzean dantzarako baliabideak izateko erreferentziazko gune bat irekitzea. 

Dantzagunean mota guztietako dantzak, bereziki lantzen direlarik dantza klasikoa, garaikidea eta euskal dantza tradizionalean bildutakoak. Bertatik eskeintzen dira Gipuzkoan dantza jardunean ari diren elkarte, konpainia eta eragileei laguntzeko zerbitzuak eta inguruko lurralde eta erkidegoetako antzeko entitate eta zentruekin elkarlana bilatzen da.

Dantzagunearen lan-lerro nagusiak honakoak dira:

1- Sorkuntza koreografikoa sustatzea, sortzaileei eta taldeei Dantzaguneko aretoak utzita, eta egonaldi-programa bat, Sortutakoak, sustatuta.

2- Sorkuntza-prozesuak laguntzea, aholkularitza artistikoaren bitartez; eta dantzaren sorkuntzaren eta produkzioaren inguruko ikerketa garatzea.

3- Prestakuntza espezializatua ematea, gaur egun Gipuzkoan ematen den formazioa osatzeko, alderdi tekniko-praktikoak eta teorikoak landuta.

4- Dantza hedatzeko formula berriak bilatzea, publikoa sentsibilizatzea eta dantza eskola-programetan sartzea.

5- Dantzarekin zerikusia duten gaiei buruzko informazio eta dokumentazio baliabideak interesa dutenen esku jartzea: eskolak, bekak, audizioak, konpainiak, ikuskizunen ekoizpena, hedabiderako kanalak...