Sallekoren II. Bolanta eguna

Apirilaren 12an Salleko taldeak bigarren aldiz egingo du aurten Bolanta eguna, Luzaide herriko jai koloretsu honen bizitasuna gure herriko kaleetara ekartzeko asmoz.

Eguna hasteko 11:30an kalejira egingo dugu Bide Nagusian zehar orfeoiaren plazaraino eta, gosaria egin ostean, bolanten lehenengo dantza sorta eskainiko dugu bertan. Jarraian 12:30a aldera Pela kalera joango gara beste dantza saio bat egitera. Han ere mokadu bat hartuko dugu indarrak berritzeko. Goizeko emanaldia bukatzeko Luzaideko Bolanta-festaren dantza adierazgarrienak bilduko dituen emanaldi bat egingo dugu kasko plazan 13:30an.

Bazkaltzeko atsedenaldiaren ondoren, 18:00etan La Salle Eskolatik kalejiran abiatu eta Las Llanas udal frontoira joango gara. Bertan 18:30ean hasiko dugun inauteri jai bizi honen agerpenarekin bukaera emango diogu ospakizunari.