Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka Urbeltz, gure heroietako bat

Dokumentuaren akzioak

Urbeltz, gure heroietako bat

Komunikabidea
GipuzkoaKultura
Mota
Albistea
Data
2011/06/23
Lotura
GipuzkoaKultura

Duela aste batzuk, Fermin Munarrizek Juan Antonio elkarrizketatu zuen Garan, igandeko orrialdeetan hain zuzen. Orain elkarrizketari heldu nahi diogu,irakurtzeko gomendatzeaz gain, Urbeltzen ideia iradokitzaile batzuk hona ekartzeko.

Honako hau diosku: “Ez gaude hemen inoren baimenarekin. Hemen bagaude egoten jakin dugulako da”. Horrek, gauza jakina dirudien arren, begi-bistakoa izatearen edertasuna du.

Elkarrizketa gehiena dantzei eta, jakina, bere ikerketa-lanari buruzkoa da: “Dantzak ez ditu herriak sortzen, banakako sorkuntza da. Gerta litekeena da, arrazoiren bategatik, txistulari inspiratuago bat egotea eta dena delakoa sortzea".

Heroitasunari buruz, berriz, hauxe dio: “Euskaldunok ez dugu heroirik, sozialki ez dago heroirik. Adibidez, familiek badakite zein aldetan aritu ziren etxekoek 36ko Gerra Zibilean, baina gerrak ahazteko dira. Karlistaldietan, adibidez, ez dago heroirik, buruzagi ospetsu bat baizik: Zumalakarregi. Baina euskal gizarteak ez du zaldun heroitzat, heroikoaren zentzuan ez behintzat.

Horrek zailtasun bat sortzen digu: Lider sozialak, heroiaren beste aldea litzatekeenak, ere zailtasun handiak ditu hemen, berdinzaletasunak gauza asko mugatzen dituelako.

Bestalde, heroirik ez egoteak esan gura du emakumezkoaren presentzia handia dagoela, izan ere,  emakumeak ez du nahi heroirik ezelako gizartetan. Heroiak daudenetan, gizonak ezarrita daude.

Amaitzeko, hauxe diosku: “Berdinzaletasuna edo igualitarismoa amaren inteligentzia eta aitaren indarra da, baina inoiz ez alderantziz"


Argazkia: www.dantzan.com


 

Dokumentuaren akzioak