Arratsaldeko 18:30ean ekingo zaio jaialdiari. Errepertorio klasikoa hautatu dute batez ere oraingo honetan musika-eskolakoek, euskal herrialdeetako dantza-era ugariko erakustaldia osatzeko helburuarekin. Makil-dantza eta Kaxarranka bezalakoak ikusi ahal izango dira, eta polkak, fandangoak, arin-arinak eta biribilketak ere bai. Horietako gehienetan musika-eskolako txistulariak izango dituzte lagun dantzariek. Ohiko doinuetan oinarritutako koreografia modernoak ere izango dira, ordea, Agurra adibidez, eta pieza berriagorekin ere ausartuko dira dantzariak, Mikel Laboaren 'Baga Biga edo' Kepa Junkeraren 'Kaixarranka'rekin, adibidez.
Datorren astean, kurtso-bukaerako jaialdiak eskainiko dituzte Toberako ikasleek. Lehenengoa Seguran, hilaren 19an, eta biharamunean, 20an, Zegaman.
