Edukira salto egin | Salto egin nabigazioara

Tresna pertsonalak
Hemen zaude: Hasiera › Hemeroteka › Sara Barasek ‘Voces’ ikuskizunaren bigarren emanaldi bat eskainiko du Musika Hamabostaldian

Dokumentuaren akzioak

Sara Barasek ‘Voces’ ikuskizunaren bigarren emanaldi bat eskainiko du Musika Hamabostaldian

Abuztuaren 20rako iragarritako saiorako sarrerak aise agortu ondoren, jaialdiak abuztuaren 21eko emanaldi berrirako txartelak ipini ditu salgai.

Sara Barasen Voces izan da 76. Musika Hamabostaldiko egitarauan sarrerak agortu dituen lehen ikuskizuna. Abuztuaren 20rako aurreikusitako saioak ikus-entzuleen artean sortu duen ikusmina kontuan hartuta, bigarren emanaldi bat eskainiko da abuztuaren 21ean, ostiralean (20:00, Kursaal Auditorioa). Abuztuaren 21eko saio berri hori ikusi eta entzun ahal izateko sarrerak salgai daude dagoeneko, eta Musika Hamabostaldiko webgunearen bidez eskura daitezke.
Komunikabidea
Irutxuloko Hitza
Mota
Albistea
Data
2015/07/13
Lotura
Irutxuloko Hitza

Sara Baras bera arduratu da “Voces” ikuskizunaren gidoiaz, zuzendaritza eszenikoaz eta koreografiaz, eta ikuskariaren beste zenbait atalen sorkuntzan ere esku hartu du dantzariak. Cadizeko artista polifazetikoak, harengan eragin nabarmena izan duten maisu handiei -hala nola, Paco de Lucia, Camaron de la Isla, Enrique Morente, Moraito, Antonio Gades edota Carmen Amayari- egingo die gorazarre.

Honela, Voces ikuskizunaren arrakasta Donostiara helduko da, nazioarteko beste hainbat hiritara -Paris, Mexico DF, New York, Washington, Miami edota Spoletora- iritsi den bezala. Dantza, kantu flamenkoa eta ‘tokea’ ahots bakarrean uztartuko ditu Voces ikuskizunak, Sara Barasen eskutik etorriko den eta flamenkoaren maisu handiak gogora ekarriko dituen ahotsean.

http://irutxulo.hitza.eus/files/2015/07/sara-baras.png

Dokumentuaren akzioak