Hemen zaude: Hasiera Hemeroteka Pariseko Opera Balletaren izarrek amaturren laguntza ukanen dute Biarritzen

Dokumentuaren akzioak

Pariseko Opera Balletaren izarrek amaturren laguntza ukanen dute Biarritzen

Egilea
Mattin Petrissans
Komunikabidea
kazeta.info
Tokia
Miarritze
Mota
Albistea
Data
2011/10/28
Lotura
kazeta.info

"Le Bolero de Ravel" konposizioa 1928ko azaroaren 22an aurkeztu zen lehen aldikoz Pariseko Operan. Maurice Ravelek gidoi berezi bat irudikatu zuen haren sorkuntzarentzat. Amodiozko historio klandestino bat bada Marilena deitutako neska gazte bat Ricardo deitutako torero baten artean. Bat batean jeloskor den pertsona bat heldu da ganika kolpe baten ezartzera Ricardori. Gaiaz oinarrituz Maurice B�jart koregrafoak dantza sortu zuen. Sorkuntzan andere batek mahai baten gainean dantzatzen du eta hogei bat gizon bere inguruan liluraturik egonen dira haren xarmaren eintzinean.

Orotara, Pariseko Balletako izarrek hiru emanaldi eskainiko dituzte Biarritzen: Suite en Blanc, L'arl�sienne eta aipatu dugun Bolero-a. Emanaldi haientzat Pariseko Balletako 154 dantzariak jin dira maila gorena osatzen duten 11 izarrekin, orotara 18 dira.

Amaturrak Izarrekin batera
"Bolero"-aren dantzarentzat profesionalek amaturren laguntza eskatu dute. Beharrezkoa ziren irizpideak aski zehatzak ziren, gizon bat izan behar zen, 1m75 neurtu behar zen eta gorputz atletiko bat ukan. Orotara 16 eta 45 urte arteko hogeita bi lagunek deiari baikorki ihardoki dakote. Herenegunetik bizpahiru orenez goizetan eta hainbat denboraz arratsaldetan trebatzen dira gaurko prest izaiteko. Ainitzek dantza munduan amatur gisa esperientzia piska bat badute ere batzuentzat lehen urratsa da.

Errugbian aritzeko usaia gehiago duen Patxi haietariko bat da. "Dantzaria den nere neskalagunak ikusi zuen dantzari figurante batzuk sekatzen zituzten iragarkia. Abisatu gabe nere izena eman zuen. Jakin nuenean pentsatu nuen esperientzia interesgarria izaiten ahal zela haren munduaren jorratzea eta ikustea nolakoa den" azaldu dio KAZETA.INFOri biarriztar gazteak.

"Seriosa izan, erritmoa segitu eta musika entzun behar da. Emanaldiarentzat piska bat beldur egiten dit Izar haiekin batera dantzatzea. Neskalagunak esplikatzen zidan dantza munduari interesatzen zirenentzat, hitzordu hau, errugbilarientzat joan den asteburuan iragan den munduko koparen finalari konparatzen ahal zela" gaineratu du Patxik.

Amikuztarra den Ibanek aldiz dantza gehiago ezagutzen du Gabadiko euskal dantza taldean ari baita. "Lagun batzuk aipatu zidaten figuranteak sekatzen zituztela eta hop... nere izena eman nuen. Ez nuen batere ezagutzen dantza klasikoa eta ikusi nahi nuen piska bat nola zen. Erritmoa beharrezkoa da baina edozein dantza motarekin ikasten da hori. Zinez inpresionatua naiz Izar haiek aritzea" azaldu du haren partetik amikuztar dantzariak.

KAZETA.INFOrekin mintzatu den azken pertsonak aldiz balleta hurbiletik ezagutzen du Pariseko Operako dantza eskolatik pasa baita. "Hamabost urtetan dantza eskolan sartu nintzen eta hamar urteko karrera bat egin ondoren, dantza bertan behera utzi nuen, beste gauza batera pasatzeko enbeia nuen" esplikatu du gaur egun Miarritzen jantzi denda bat ideki duen Thibault-ek.

"Bitxi egiten zait berritz taula gainera igaitea, Izar batzuk eskolan ezagutu nituen. Balletaren munduan aski gogorra da, sartzen girenean errealitatearen kanpo gira eta izugarrizko diziplina bat ezinbestekoa da. Gehienetan 8 urtetan inguru eskolan sartzen gira eta igande arratsetik ortziralera dantzan pasatzen dugu" zehaztu du dantzari ohiak.

Dokumentuaren akzioak