Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka Mundu osoko dantzak

Dokumentuaren akzioak

Mundu osoko dantzak

Gauargi jaialdian bilduko direnek hainbat herrialdetako haurren dantza saioak ikusiko dituzte Ezpeletan. Bihartik asteartera arte izango da

Bihar hasiko da Gauargi jaialdiaren 22. edizioa, Ezpeletan (Lapurdi). Munduko hainbat txokotako haurrek euren herrialdeko dantzak erakutsiko dituzte; Bielorrusiako, Frantziako, Euskal Herriko, Poloniako eta Sri Lankako taldeak izango dira Gauargin.
Komunikabidea
Berria
Mota
Albistea
Data
2018/07/17
Lotura
Berria

Bielorrusiako taldeak Javaronatchki izena du. Dantza folklorikoak egiten dituzte, eta ibilbide oparoa dute: 30 urtean baino gehiagoan eman dituzte dantza ikuskizunak.

Les Aventuriers du Trad da Frantziako taldea. Haur taldeak bere herriko dantzak egiten ditu, Poitoukoak eta Vendeekoak. Munduko hainbat lekutako kulturak eta dantzak ezagutzea da taldearen parte diren haurren helburua.

Iruñeko Dugunako txikien taldeak ere parte hartuko du Gauargin. Hainbat euskal dantza egingo dituzte jaialdian: Miarritzeko arku dantza, Arizkungo sagar dantza eta arri-arri mandoko zinta dantza, esaterako.

Poloniatik Ezpeletara

Ranranga dantza akademiakoak Sri Lankakoak dira. Taldeak dantza tradizionalak eta garaikideak nahasten ditu ikuskizunetan. Munduko hainbat txokotan eman dituzte dantza saioak. Poloniarrak dira Mali Gorzowiacy taldekoak. Euren herrialdeko dantza tradizionalak egiten dituzte emanaldietan. Horretaz gain, Poloniako Gorsow Wielkopolski eskualdeko abestiak, dantzak, jantziak eta ohiturak erakutsiko dituzte, besteak beste.

Jaialdiko ikuskizun indartsuenak Ezpeletan izango diren arren, inguruko herrietan ere hainbat emanaldi egingo dituzte festaren harira.

Gauargi jaialdia

Bihartik hilaren 24 arte,

Ezpeletan (Lapurdi).

Dokumentuaren akzioak