Komunikabidea
Barren
Mota
Albistea
Data
2010/12/10
Lotura
Barren
•Soarteren idiak nagusi
29 urteko etenaren ostean itzuli ziren idi probak Garagartzako plazara (ikus erreportajea BARREN astekarian),
eta, horrenbeste denbora eta gero, argi geratu zen herri kirol honek
zale asko dituela Mendaron. Apusturik tartean ez egon arren, Soarteren
eta Areitioren idien arteko demak ikusmina sortu zuen. Elgoibarko Soarte
baserriko idiek 55 plaza egin zituzten eta 45 plaza Eibarko Areta
baserriko idi pareak.
•Euskal jantzi dotoreenak
Igor
Ezenarro eta Maite Mendikutek irabazi zuten baserritar jantzi
dotoreenari urtero ematen zaion saria (ondoko argazkian). Kontzezio
azokan sari gehiago ere banatzen dituzte, ordea. Mendaroko basorik
txukunenari ematen zaion saria, esaterako, Pagolatza baserriak eskuratu
zuen. Eta, azkenik, azokan egon ziren hamalau postuetako batean egindako
erosketengatik eginiko zozketan, Ainhoa Andonegik eraman zuen etxera
hainbat produktuz osatutako otarra.
•Anjel Bazterretxea abadeari omenaldia
Kontzezio
azokak hilaren 8an, eguaztenean, izan zuen jarraipena, Mendaroko
herriak Anjel Basterretxea abadeari eskaini zion omenaldiarekin. Meza
nagusiaren ostean Eibarko Kezka dantza taldeak dantza emanaldia eskaini
zuen Garagartzako plazan. Mendaroko dantza-historiarekin lotura duten
dantzak dantzatu zituzten Kezkakoek eta bertaratu ziren herritarrek ere
izan zuten dantza taldeko kideekin batera dantza egiteko aukera, goiko
bideoan ikus daitekeen moduan.
Mendaron,
Kontzezio Egunari lotuta egon izan dira dantzak luzaroan. Gregorio
Santa Cruz, Eibarren XX. mendean izan den dantza-maisu handienak,
Mendaron ere prestatu izan zituen dantza taldeak, eta egun horretan
dantzatu izan zuten. 1931n sortu zuen lehen dantza taldea Mendaron, eta
Durangaldeko dantzari-dantza (ezpata-dantza, garai hartako
dantzarientzako) ikasi zuen Mendaroko gazte talde batek Santa Cruzekin.
Garai hartan, urteko jai nagusienetakoa Kontzezio Eguna izaten zen
Mendaron, eta hain zuzen ere, 1931ko abenduaren 8an, Kontzezio Egunean,
egin zuen lehen agerraldia Mendaroko dantza talde horrek, meza
ondorenean. Hain justu ere, orduko errepertorio bera, Durangaldeko
dantzari-dantza, dantzatu zuten eguaztenean. Horrez gain, aurreskua edo
soka-dantza ere egin zuten. Gregorio Santa Cruzen ondoren bere ilobak,
Fausto Sanz-ek, jardun zuen dantzan erakusten, eta hark soka-dantza
egiten zuen erara dantzatu zuten Kezkakoek.
Kontzezio Azoka 2010 from elgoibarren.net on Vimeo.
