Edukira salto egin | Salto egin nabigazioara

Tresna pertsonalak
Hemen zaude: Hasiera › Hemeroteka › Jose Lorenzo Pujana dantza maisuari omenaldia Ordizian

Dokumentuaren akzioak

Jose Lorenzo Pujana dantza maisuari omenaldia Ordizian

Orain dela 150 urte Ordizian jaio zen Jose Lorenzo Pujana dantza maisuari omenaldia egin zioten atzo iluntzean. Juan Inazio Iztueta eta Jose Antonio Olano zaldibiarren lekukoa hartu zuen Pujanak, eta XIX. mendearen amaieran euskal dantzen alde egindako lana aitortu nahi izan diote Ordiziako Amets Bide dantza taldekoek, Ordiziako txistulariek eta Beasaingo Aurtzakako dantzariek, Ordiziako Zortzikoaren 3. edizioaren barruan.
Komunikabidea
Goierriko Hitza
Mota
Albistea
Data
2018/05/27
Lotura
Goierriko Hitza

Urteroko soka-dantzariez gain, ezpata segizio bat ere osatu zuten. Guztira 120 dantzarik eta 20 musikarik hartu zuten parte. Hasiera 19:30ean izango zuen, Barrena Parketik, eta Pujanaren jaiotzaren mendeurrenean egin bezala, Kale Nagusian, dantza maisuaren jaiotetxe aurrean, ezpata-dantza dantzatu zuten. Gero, 20:00ak aldera, Garagartza Plazan Pujanatarren familiari omenaldia eskaini zioten. Plaza Nagusian amaitu zen segizioa.

Gaur, dantzari txikiak

Gaur haurrek hartuko dute kalea. Urtero bezala, herrian barrena desfilea egingo dute. Amets Bide eta Aurtzakako dantzariez gain, Zaldibiako Iztueta, Lazkaoko Oin-Arin, Orkoiengo Baietz eta Legorretako Irrintzi Alai taldeetako dantzariek parte hartuko dute. Barandiaran Plazan egingo dute alardearekin eta taldeko argazkia aterata amaituko dute goiza.

Eguerdian bazkaria egingo dute, eta ondoren haurrentzat jolasak izango dira. Asteburua borobiltzeko, Tio Teronen semeen eskutik Festamentua dantza ikuskizun berriaren Gipuzkoako estreinaldia izango da, plazan.

Dokumentuaren akzioak