Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka Historiako lehen emakume bordon-dantzariak Tolosako San Juanetan

Dokumentuaren akzioak

Historiako lehen emakume bordon-dantzariak Tolosako San Juanetan

2013ko ekainaren 24a Tolosako historiara pasako da. Gaur, lehen aldiz ikusi baititugu emakumeak Bordon-dantzan gure festetan.
Egilea
Kike Amonarriz
Komunikabidea
Argia
Mota
Iritzia
Data
2013/06/24
Lotura
Argia

1321eko Beotibarko gudarekin lotzen den dantza hau, mendez-mende urtero dantzatu izan da Tolosako San Juan egunean, eta gaur arte, gizonezkoek bakarrik dantzatu izan dute.

Gaurkoa, beraz, urrats garrantzitsua izan da berdintasunaren eta parekidetasunaren bidean, dantza honek Tolosan duen balio sinbolikoarengatik eta aldaketa honek, tradizioak ulertzeko eta interpretatzeko ikuspegi dinamikoa gailendu dela adierazten digulako.

1973. urtean eskopetarien tradizioa berreskuratu eta urte gutxitara sortu zen emakumeez osaturiko eskopetarien konpainia. Handik aurrera emakumeen parte hartzea gero eta handiagoa izan da.

Gaur egun gizonen eta emakumeen parte hartzea guztiz normalizatuta dago eskopetarien konpainietan. Berdintasunera bidean gertatzen den koska bakarretako bat, oraindik ere, kapitain gehienak gizonezkoak izatea da.

Gaurko egunez sekula baino biziago eta indartsuago ikusi ditut gure tradizioak. Izan ere, tradizioek bizirik iraungo badute, garai berrietara egokitzen jakin behar baitute.

Zorionik beroenak, urrats hau eman duen dantzari taldeari, urrats hau, inolako polemikarik sortu gabe eta normaltasun osoz eman dutelako. Eta bereziki lehen bordon-dantzari emakumeei. Gaur, historia egin duzue!

Gizon-emakumeak Bordon-dantzan (Arg: Josune OIarbide)

Gizon-emakumeak Bordon-dantzan (Arg: Josune OIarbide)

Eskopetariak Kale Nagusian

Eskopetariak Kale Nagusian

Eskopetariak Gorosabel kalean

Eskopetariak Gorosabel kalean

Dokumentuaren akzioak