Dokumentuaren akzioak
Haurtzaro Dantza taldea Pragako Folklore Jaialdi Internazionalean
Hilaren 28an abiatuko dira 40 dantzari Txekiar Errepublikako hiriburura
Ez da lehenengo aldia Haurtzaroko taldea Euskal Herritik ateratzen dela. Izan ere, 2010ean Cantonigoreseko (Bartzelona) Nazioarteko Musika jaialdian parte hartu zuen (bigarren sariarekin etorri ziren etxera, gainera) eta 2012an Mazedoniako «Orhid Wave» nazioarteko dantza jaialdian. Aurtengoan, berriro, Europara egingo du salto, erdialdera hain zuzen ere. Pragara joateko autobusez baliatuko da Haurtzaroko taldea. Euskal dantzak ikastea Ezaguna den moduan, Haurtzaro Ikastolak ikas ordutik kanpo hainbat ekintza antolatzen ditu, ekintza estraeskolarrak deritzanak. Horietako bat euskal dantza da eta helburu nagusia ahalik eta haur eta gaztetxo gehienak Euskal Herriko dantzak ikastea da. Herriko makina bat ekitalditan parte hartzen du Haurtzaroko dantza taldeak, hala nola, Xanixtebanetako Soka-dantzan, Inauterietako Intxixuen jaialdian, San Juan suan, auzoetako festetan... Horrez gain, herritik kanpo jaialdi, txapelketa eta abarretan, Pragakoa adierazi den modura. Tarte hau aprobetxatuz, zoriondu nahi ditugu Haurtzaro Dantza taldeko partaide guztiak: dantzariak, irakasleak eta gurasoak ere, horrelako ekintza bat egiteko deno artean jarritako indarra eta kemenarengatik.
Dokumentuaren akzioak
