Gorputzen arteko elkarreragina

Natxo Monteroren konpainiak 'Carni di prima qualità' ikuskizuna ekarriko du Bilbora asteburuan

Egunerokotasunean topatu daitezkeen egoerak aurkezten dituzte Patricia Fuentes eta Natxo Montero dantzariek. Ez dago mugarik, ezta zehaztutako antolakuntzarik ere: gorputzen arteko talkek, igurtziek, mugimenduek eta ukituek gidatzen dute ikuskizunaren ildoa.

Montero bera, dantzaria izateaz gain, Carni di prima qualità obraren zuzendaria eta argiztatzailea ere bada. 2008. urtean sortu zuen bere dantza konpainia, eta Cuadra-t ikuskizunarekin egin zuen debuta. Asteburuan Bilbora dakarten obra da konpainiaren bigarren lana. 2009an Madrilgo koreografia lehiaketan bigarren saria jaso zuen; Choreogram epaimahaiak, berriz, lehenengo saria eman zion. Orain, 2011. urteko bira bete-betean daude, eta Bilbotik igaro ondoren, Donostian izango dira martxoaren 15ean, Dferia jaialdian.

'CARNI DI PRIMA QUALITà'

Noiz. Gaur eta bihar, 20:00etan.

Non. Bilbon, La Fundicion aretoan.