Edukira salto egin | Salto egin nabigazioara

Tresna pertsonalak
Hemen zaude: Hasiera › Hemeroteka › Donostiako Goizaldi dantza taldeak urte osoko egitaraua antolatu du, 75. urteurrena ospatzeko

Dokumentuaren akzioak

Donostiako Goizaldi dantza taldeak urte osoko egitaraua antolatu du, 75. urteurrena ospatzeko

1948an sorturiko dantza taldea Euskal Herriko zaharrenetakoa da, baita aitzindaria ere, munduko hainbat txokotan euskal dantzak ezagutzera eman baititu bere ibilbidean. 75. urteurrena ospatzeko egitarau zabala antolatu dute urte osoan, omenaldiak eta emanaldiak tarteko.
Komunikabidea
Argia
Tokia
Donostia
Mota
Albistea
Data
2023/01/27
Lotura
Argia
Goizaldi Dantza Taldea, Gipuzkoako dantzak ez ezik, Euskal Herri osokoak eskaintzen hasi zen frankismo garaian (argazkia: Goizaldi)

Kandido Pujana Telleriak (Ordizia,1905 - Donostia, 1985) sorturiko Donostiako Goizaldi Dantza Taldeak urte berezia du 2023. hau. 75 urte beteko ditu 1948an abian jarri zenetik eta hori ospatzeko moduko egitaraua antolatu dute. Xehetasun guztiak azaldu dituzte ostegunean San Jeronimo aretoan egindako aurkezpen publikoan.

Besteak beste, otsailaren 2an ekitaldi berezia egingo dute Ezpata Dantzarien prozesioarekin, dantzari eta dantzari ohiez inguratuta eta musikaz lagunduta. Groseko Euskadi Plazan, Ezpata dantza dantzatzeaz gain, 75. urteurreneko oroigarria ere inauguratuko dute egun horretan.

75. urteurreneko egitaraua publikoki aurkeztu dute Donostiako udal ordezkariekin batera. Argazkiak, Eneko Goia alkatea eta  Igor Sáez Eizagirre Goizaldi Dantza Taldeko lehendakaria (argazkia: Goizaldi)

Baina horrez gain, urte osoan emanaldiak antolatu dituzte Euskal Herriko txoko askotako dantzariekin batera, baita Boiseko Oinkari dantza taldekoekin ere. Euskal Jaia, Dantzari Eguna, erakusketak, bazkariak, logo berria, dokumentala, webgunearen berrikuntza... denetarik eskainiko dute urteurrena aprobetxatuz.

Goizaldi Euskal Herriko dantza talde zaharrenetakoa da. Gipuzkoan Juan Inazio Iztueta zaldibitarrak XIX. mendean egindako lanaren eta ikerketen arrastoari segika Juan Antonio Olano eta Jose Lorenzo Pujana aritu ziren Gipuzkoako euskal dantzak irakasten, eta ondoren Kandido Pujanak hartu zuen ardura hori. Honek, 1948an Donostiako Dantza Eskolatik sortu zuen Goizaldi taldea.

Konstituzio plazako danborradaren bandera igoeran dantzan, aurten. Donostiako rteko hainbat egun esanguratsutan hartu ohi du parte dantza taldeak (argazkia: Goizaldi)

Ordutik, Gipuzkoako dantzez gain, Euskal Herri osoko dantza nagusiak ere dantzatu izan dituzte emanaldietan, eta erreferentzia bilakatu dira arlo horretan.

Dokumentuaren akzioak