Dantzazaleak asetzeko ekitaldia

Iruñea. Dantzarako zaletasuna indartzeko asmoz, Karrika dantza egingo dute etzi, Sanduzelain

Dantzari taldeetako kide izan gabe ere, dantzazaletasuna bazegoela ikusita ekin zioten Karrika dantza antolatzeari Iruñean, 2010ean. Urtebete geroago egin zuten lehenengo ekitaldia, eta orduz geroztik hilero-hilero ateratzen dira kalera Nafarroako Dantzarien Biltzarreko, Karrikiko eta Zaldiko Maldiko elkarteko kideak. «Dantzarako gogoa izaten dutenei aukera eman nahi izaten diegu», azaldu du Iosu Royo Nafarroako Dantzarien Biltzarreko kideak. Etzi egingo dute denboraldiko lehen karrika dantza, Sanduzelain, eta abendura bitarte larunbatero irtengo dira, 18:30ean, uztailean eta abuztuan izan ezik.

Egilea

Araitz Muguruza

Komunikabidea

Berria

Mota

Albistea

Data

2014/04/24

Lotura

Berria

Jendeari erabat irekia dago karrika dantza, Royoren arabera: «Edonor ager daiteke, izan dantzaria edo musikaria». Bertaratzen denak bi orduko saioa egiteko aukera izaten du.

Goizean, taldeen emanaldia

Dantzarako piezen zerrenda ere luzea izaten dela gaineratu du Royok. «Zabala da errepertorioa; soltean dantzatzen gara, helduta, eta bai taldean ere». Jaietako erromerietan bezala. Baina aurkitzen dio beste desberdintasunik Royok, musika ez baita izaten txistua edo trikititia soilik. «Etorri izan dira gurekin tronpeta jotzaileak, gitarristak eta perkusio jotzaileak, besteak beste».

Arrakasta handikoa izaten da karrika dantza, inoiz adin guztietako 200 dantzari inguru bertaratu baitira. Egun bereko goizean, Iruñeko dantzari talde guztien topaketa ere egingo da, Sanduzelain. Talde bakoitzak hamar minutuko emanaldi bana egingo du.

KARRIKA DANTZA

Non. Iruñean.

Noiz. Larunbatean.

Dokumentuaren akzioak

Bidali hitzordua

| Ikusi estatistika osoak