"Dantzaz Blai" eta "Oroitzapenetik Bidairat" ikusteko parada asteburu honetan Luhusoko Harri Xuri gelan

Ipar Euskal Herriko arte eszenan azken errebelazioa den Dantzaz konpainiak Europa mailako artista ezagun batzuen laguntzaz - Itzik Galili, Eric Gauthier, Hilde K�ch eta Jone San Martine bereziki- estilo propioa hartu du. Azken hiru urtetan, Euskal Herri osoan eta baita Frantzia, Akemania, Espainia eta Txekiar Errepublikaren artean, 90 saio eman dituzte.

Dantzaz konpainiako dantzari bakoitzaren sormena aurrrera eramana da, Donostian dagoen "Dantzazklub" Victoria Eugenia Antzerki aretoa aurkezten dituzten sorkuntza propioei esker.

Bestalde, Dantzaz konpainiako dantzari ohiek, nazioarteko konpainia desberdinetan parte hartzen dute. Hala nola Marseillako Ballet Nationalean, Eskoziako Balletean (Scottish Ballet), Ballet Preljocaj-Pavillon Noir-en...

Verve konpainia aldiz, nazioartean ezagunak diren koreografo ezberdinek sortutako antzezlanak eskeintzen ditu. Antzezlanetan erabilitako estiloak eta kontzeptu ezberdinek publiko mota zabala bereganatu dute.
Dantzariei dagokionez, Europa mailan ezagunak diren kontserbatorio desberdinetan ibilitakoak dira.

Larunbatean izanen den azken dantza taldea Le Marchepied, 2001ean, Corrinne Rochet eta Nicolas Pettit koregrafoek sotutako dantza konpainia da. Bi dantzari hauek 2007an, "Prix de L'Eveil" saria lortu zuten. Honako saria, Suizako Vaud-eko kantonamenduan kultura berpizteagatik eman diete.
Koregrafo hauen asmoa, dantza kontanporaneoa, dantzari gazteen profesioa bilakatzea da. Kolektibitatean lan egiten dutenez, dantzari bakoitzak dantza mota desberdinetan parte hartzen du.

Dantzariz eta txistulariz osaturiko taldea
Igandean aldiz, apirilak 3, Sarako Zazpiak bat dantza taldea ikusteko aukera izanen da. 6 eta 50 urte arteko dantzari eta txistulariz osatua da taldea. "Gure eginbeharra da elkartearen parte hartzaileei erakustea euskal dantza, gure kulturak bere tokia hartu dezan mundu aldakor hortan" azaldu dute.

"Oroitzapenetik bidairat" izena duen ikuskizuna 1956ean kokatzen da. Be�at Dakarerat arrantzara doanean eta lau hilabete geroago, itzultzeko tenorean, ekaitzan hartua denean. Orduan, "bidai miresgarri bat hasten da". Anartean bere ezkongaia den Mayi, herrian da Be�at goitatzen eta biziak bere bidea segitzen du.

"Dantzaz Blai" larunbatean, arratsaldeko 8:30etan hasiko da. Sartzea 5 eurotan izanen da eta doan 12 urte pekoentzat. Ondorik, Xankiren eskutik, musikaz gozatzeko aukera izanen da. Ostatua eta janaria Luhusoko ikasleen Gurasoen Elakrtearen eskutik emana izanen da.

Igandean, "Oroitzapenetik bidairat" ikusi nahi duenarentzat, antzezlana arratsaldeko 5etatan hasiko da. Sartzea: 10-6 euro.